Lúkas 11:13 - Nomaande

¹³ Hú banɔ́ abá nua nɔ́ŋa bɛɛbɛ́ bɛ́ baacɔ, nu ŋe nú ményi owiínjie báánɔ́ baáná bɛmbányɛ bɛ́ bɛnyɛ́ma, mbá anyána aná na ciasɔ́ Síkíne cɛ Ɔmuaná e ? U kéé yiínjie *Efúúménénú yí Elilé a baacɔ e bé ŋe bú wuúci kɔŋɛna. »

Lúkas 11:13 Iomraidhean Croise

Matío 5:16

Híáná nyíánɔ́ nyɛbɛ́kɛ́lɛ́na á nyɛmána nyɛ́ ɔnɔmaka eé buúse bɔ́ baacɔ, ananyía bábɔ́ lɛ́cáka bɔmbányɛ abɔ́ nú ŋa nɔ́ kɛ́la, mbá bé búle iínjie cianɔ́ Síkíne cɛ Ɔmuaná nuúmi. »

Matío 5:45

Aáná nu ká nɔ́ bámɔ́kɔ́nɛ́na baáná bá cianɔ́ Síkíne cɛ Ɔmuaná. Wuúci u ŋe númisinyi baacɔ bekime úúyé ɔɔ́cɔ́, na a baŋána na a bɛmbányɛ bɛ́ baacɔ ; u neesikinyi tɔ́na tɔbɔ́lá a baacɔ bekime : Ta bɛtálɛ́mánánɔ́ bɛ́ baacɔ, te eebe a bá tɛ ábɔ́ bá batálɛ́mánánɔ́.

Matío 6:14

Yááŋa anyíaʼo, mbɔ́kɔ nu ŋa nɔ́ nyɛ́ánɛnɛna bɔsɔ́ɔ́kɔ́ maabɛ́ amá bá ŋá bɔ́ banɔ́ kɛ́la, cianɔ́ Síkíne cɛ Ɔmuaná káá banɔ́ nyɛ́ánakɛnɛna tɔ́na máánɔ́ maabɛ́.

Matío 6:30

Mbɔ́kɔ Bandɔ́mɛsɛ́ ŋe híkisi bihuti bɛ́ bɛtúalɔ́ a bɛ́áŋa ɛndánáka hɛ́nánɔ, nɔɔyá bé o biíbi luliki, mbá anyána aná u tɛ káá banɔ́ láŋaka, banɔ́ abá nua nɔ́ŋa ne hilumitininelúmítíníne e ?

Matío 6:32

Baacɔ bá ɔmɛsɛ́ ooci, be-ti-menyí Bandɔ́mɛsɛ́, beébe bé ŋe bú bíyébi ɔ ɔwaamba bɛnyɛ́ma eébí bikime. Mbá aá banɔ́, cianɔ́ Síkíne cɛ Ɔmuaná ŋeé menyi aátɛ́ yɛ́ ŋaá banɔ́ bɛ́ámbɛ́na.

Matío 7:11

Hú banɔ́ abá nua nɔ́ŋa bɛɛbɛ́ bɛ́ baacɔ, nu ŋe nú menyi owiínjie báánɔ́ baáná bɛmbányɛ bɛ́ bɛnyɛ́ma. Mbá anyána aná na cianɔ́ Síkíne cɛ Ɔmuaná e ? U kéé yiínjíékíne bɛmbányɛ bɛ́ bɛnyɛ́ma ɔ ɔhɔla a baacɔ e bé ŋe bú wuúci kɔŋɛna.

Lúkas 11:12

Ta anyía wáŋa wu o wuúci iínjíé ɛŋɛŋɛ́ mbɔ́kɔ ɔɔ́nɔ́ ŋé wuúci kɔ́ŋɛ́na yɔɔ́nɔ e ?

Lúkas 11:2

Yésus ɔsɛ : « Ekúlú ayɛ́ nú ŋa nɔ́ bɛ́cɔ́kɔ́lɛ́na Bandɔ́mɛsɛ́, ánɔ kɔɔ́na anyía : Ciasɔ́ Síkíne, nyiɔ́wɔ nyiínyi á bá nyifúúménénú, búɔ́wɔ Butéŋí á faáya.

Lúkas 18:7

Mbá anyána na Bandɔ́mɛsɛ́ ú tɛ káá sɔ́mbɔ́tɔ́kɔ́nɛ́na bɛsana a baacɔ bɔlɔtɔ́kɔ́nɔ́, beébe bé ŋe bú wuúci bɛ́cɔ́kɔ́lɛ́na na nabuɔ́sɛ́ ne nebutúé ; anyána u ti kéé beébe ɔ́ɔ́lɔ e ?

Sáaŋ 4:10

Yésus ɔsɛ nááyá : « Oó menyukune yaála yí nuubo yɛ́ Bandɔ́mɛsɛ́, e menyukune tɔ́na ooci awɔ́ u ŋɔ́ yɔ́ɔ kɔŋɛna menyífé ma ɔmúá, kuɔŋɔ́ ɔ ɔ́ŋa wu o wuúci kɔŋɛna menyífé, mbá wo wiínjie me hicéme. »

Buólí 2:38

Bíel ɔsɛ : « Ánɔ bɛ́kákálákɛ́na máánɔ́ maabɛ́, mbá nɔ sɔ́mba ɔkɔlɔ́ eé meéme ; ɔɔcɔ okime aá banɔ́ é bíótíne eé nyiínyi nyí Yésus *Kilís. Aáná Bandɔ́mɛsɛ́ káá banɔ́ nyɛ́anakɛnɛna maanɔ́ maabɛ́, yɔ́ banɔ́ íínjíékíne Efúúménénú yí Elilé.

Lóom 5:17

Yááŋa anyía owé ŋe hiíte baacɔ a asana na bɔɔbɛ́ abɔ́ ɔɔcɔ ɔmɔtɛ́ ŋaá kɛ́láka ; mbá anyána aná baacɔ abá Bandɔ́mɛsɛ́ ŋó tóŋínyi yááyɛ́ yaála yí nuubo ɔ ɔhɔla, yɔ́ kɛ́la anyía bá bámɔ́kɔ́na bɛtálɛ́mánánɔ́ bɛ́ baacɔ eeyé eé buúse, ti ké bú líhéke, bó téŋgínyi e elime cɛ ɔɔcɔ ooci ɔmɔtɛ́, Yésus Kilís, ewú u ŋgeé wééné a yáásɔ́ asana e ?

Lóom 7:18

ananyía i ŋe mí menyi a nyiámɛ nyɛbá nyɛ́ ɔɔcɔ anyía bɔkɔ a bɔmbányɛ tɛ ŋaá háma e úúmi ɔtɛ́má noómi. Ɛ ŋa mɛ́ aamba ɔkɛla bɔmbányɛ, mbá ɛ tɛ bɔ́ŋɔ ohónyí wú o buúbu kɛlaka.

Lóom 8:32

U ti ómo kékenyi te uuyé Ɔɔ́nɔ́ u bɛ́muátá, mbá u ŋeé wuúci sɔ́mbɛ́ná háyɛ etúké a yáásɔ́ asana basɔ́ bekime. Híáná u káá basɔ́ bóosiki tɔ́na na bɛnyɛ́ma bí etémbí bikime e elime ci uuyé Ɔɔ́nɔ́.

Tite 3:3

Yááŋa anyía ta basɔ́ tɔ́na, tu ŋa sɔ́ bá buáyá tɛ́ka ne injiŋé, basɔ́ na bɛɛtɔ́ ɔnata, basɔ́ benyíménú taaká ci ohónyí ; tu ŋa sɔ́ bá bɛɔ́lɛ́ bɛ́ bɛɛbɛ́ bɛ́ bɛsana a bɛ́ ŋaá basɔ́ hámɛ́na ɛ ɛtɛ́má, tu líhéke a nyɛŋána noómi, basɔ́ na yaáká yí eése, tu bébékíne baacɔ, tu liŋekenene basɔ́ na basɔ́.