Lúkas 10:42 - Nomaande

⁴² Menyi anyía bɔkɔ áŋa búmɔtɛ́ abɔ́ baacɔ ábɔ́ nyɛmána bá ɔkɛlaka. Malíi áŋa ɔtáfánɔ́ ambányɛ yɛ́ bɔkɔ ; ta ɔɔcɔ tɛ á bá wu o wuúci aáŋíá bɔkɔ eébú. »

Lúkas 10:42 Iomraidhean Croise

Malɛ́kus 8:36

Bɔmbányɛ bɔ́ yaátɛ́ ɔɔcɔ ŋa lɛ́ca ekúlú ayɛ́ wá yáámbáka yɔ́ bɔ́ŋɔ buŋaŋa bɔ́ ɔmɛsɛ́ bukime, mbɔ́kɔ u ŋé nyímísi úúyé olíhe e ?

Lúkas 10:39

U ŋaá bá ne uuyé onyíinyí ɛ́cɛ Malíi. Malíi ŋe límíne ɔ ɔmɛsɛ́ hoóhi ne Otéŋí a Waáŋá Yésus, u lɔ́kɔ́máka bɛsana ebí ú ŋe yéekunyi.

Lúkas 11:1

Buɔ́sɛ́ a búmɔtɛ́ Yésus ŋaá bɛ́cɔ́kɔ́lɔ́kɛ́ná Bandɔ́mɛsɛ́. Ɛ́makɛ́la waá mana ɔbɛ́cɔ́kɔ́lɛ́na, *muákɔ́nɛ́na a mumɔtɛ́ ŋé wuúci batá musɛ : « Taatá, basɔ́ eékúnyíki anyána túásɔ́ nyɛmána bá ɔbɛ́cɔ́kɔ́lɔ́kɛ́na Bandɔ́mɛsɛ́ háyɛ Sáaŋ ŋe yeékúnyíki bááyɛ́ *baákɔ́nɛ́na. »

Lúkas 12:20

Mbá Bandɔ́mɛsɛ́ ɔsɛ : “Yaála yɛ́ ɔɔcɔ, buutú bɔ́ hɛ́nánɔ eebu ɔ ŋɔɔ́ faŋiaka ofule. Mbá aányɛ́ u káá bá na bɛnyɛ́ma abɛ́ ɔ́ mɔɔ́ bátɛ́ákɛ́na e ?” »

Lúkas 12:33

« Énu túéke bíánɔ́ bɛnyɛ́ma, mbá nu iínjíékíne mɔɔnyɛ́ eémé ná basɔ́kásɔ́ka. Ánɔ bámɔ́kɔ́na na bɛmbalá a bɛ́ tɛ ŋɔ́ɔ́ bɔ́lɛa, ánɔ bándáka bɔnɔ́mɛ a Bunɔŋɔ bɔ́ Bandɔ́mɛsɛ́, haála ahá bú tɛ káá mána, beébi tɛ kaáháma o oweébe, nyɛnyía ti buúbu nyíá.

Lúkas 16:2

Ci ŋé muúmu lɔ́ŋɔ́kɔ, mbá cɛsɛ : “Ɛ ŋá mɛ lɔ́kɔ́máka bɛɛbɛ́ bɛ́ bɛsana oówo e nyiínyi, mi tóŋgínyi háyɛ ɔ́ ŋɔɔ́ bɛ́kɛ́lɛ́na na búámɛ bɔnɔ́mɛ, anyía ɔ tɛ kɔ́ háná ɔbá múámɛ muafa bɔnɔ́mɛ.”

Lúkas 16:25

Mbá Abɛ́laham ɔsɛ : “Ɔɔ́nɔ́, bɛ́tááka anyía ɔ ŋɔɔ́ lɛcáka bɔmbányɛ ekúlú ayɛ́ ɔ ŋɔɔ́ bá o olíhéke ; ekúlú eéyé, Lasáal ŋaá bá na mahana buéŋí. Aámbáya wa yáaŋa ɔmbányɛ aaha, ekúlú ayɛ́ kuɔŋɔ́ ɔ ŋɔɔ́ lɔ́kɔ́ma ɔkála.

Lúkas 18:22

Ɛ́makɛ́la Yésus á lɔ́kɔ́má aáná, mbá ɔsɛ : « Asana a yɛ́mɔtɛ́ áŋa hɔ́á a yɔ́ nyɛmána wu ɔkɛlaka tɔ́na : Túéke bɛnyɛ́ma bikime abɛ́ ɔ ɔ́ŋa ne biíbi, mbá aafakɛna mɔɔnyɛ́ ná basɔ́kásɔ́ka, aáná ɔ kɔ́ɔ́ bá na bɔnɔ́mɛ a Bunɔŋɔ bɔ́ Bandɔ́mɛsɛ́ ; mbá á faaya, e búle mɛ látɛ́na. »

Lúkas 8:18

Énu bíkékényíki aná na nyɛnamá nyɛ́ nyɛlɔ́kɔ́ma anyɛ́ nú ŋa nɔ lɔ́kɔ́ma bɛsana ; yááŋa anyía, bé ké túné é yiínjie bɛnyɛ́ma ná ɔɔcɔ awɔ́ á yáaŋa ne biíbi. Mbá né oócí awɔ́ u tɛ á bá na bɔkɔ, bé kéé wuúci ááŋɛ́na ta hú bɔkɔ abɔ́ ú ŋá bɛ́táá anyía wáŋa ne buúbu. »

Sáaŋ 11:1

Ɔɔcɔ a wɔmɔtɛ́ ɛ́cɛ Lasáal ŋaá bá wɔɔ́ kɔ́nɔkɔ. U ŋaá bá we límekine a Bɛtani. Bááyɛ́ benyíinyí béfendí e beénjú, na Malíi na Mááta, ŋaá bá bébú límekine tɔ́na hɔ́á.

Sáaŋ 11:19

yaátɛ́ asana *Besuif ŋa bɔ́ fáákɔ́na beéŋí o okohumíkínyi ɛtɛ́má cɛ́ na Mááta na Malíi e buwé bú uubú onyíinyí a wɔnɔ́mɔcɔ́.

Sáaŋ 12:3

E elime cɛ ɔnyíá, Malíi ŋe hiíte ekélékéti yɛ́ lɛ́ta yɛ́ taaká cɛ ɔsɔŋɔ yɛ́ náal yí enumbé ; yɛ́ ŋaá bá onduné ɔ ɔmuaná weéŋí. Malíi ŋé yiíyi hiíte, wó ootokine a akɔlɔ́ cé Yésus, u ŋé ceéce hónóko na túáyɛ́ tuhúnyi. Ciíbe ŋó nyíóyo na ambányɛ yí enumbé.

Sáaŋ 17:3

Náábɔ́, yɔɔ́sɔɔ́sɔ yí olíhe yí ekúlú ekime áŋa ɔ kuɔŋɔ́ ményi, kuɔŋɔ́ bímuócí, taaká cɛ Bandɔ́mɛsɛ́ ; bó ményi tɔ́na Yésus *Kilís awɔ́ ɔ́ ŋɔɔ́ tɔ́ma.

Sáaŋ 4:14

mbá ta buɔ́sɛ́ nyimóti tɛ ká háná á nuána ɔɔcɔ okime awɔ́ á múá menyífé emé i ké mí wuúci íínjíe. Ɛ́cɛ anyía menyífé emé i ké mí wuúci íínjie kaá bɛ́cáŋa nááyá hicéme hɛ́ yɔɔ́sɔɔ́sɔ yí olíhe yí ekúlú ekime e yí ké búle á háma nááyá na makɛ́nda. »

Sáaŋ 5:24

Aá taaká ɛ ŋa mɛ́ banɔ́ láana ɛsɛ́ : Ɔɔcɔ okime awɔ́ u ŋa lɔ́kɔ́ma úúmi ɔtáŋa, mbá u háya tɔ́na mɔŋɔlɛ́ né Ooci awɔ́ u ŋaá mɛ tɔ́má á yáaŋa na yɔɔ́sɔɔ́sɔ yí olíhe yí ekúlú ekime. Bandɔ́mɛsɛ́ tí ké wuúci kélísi, mbá ú ma hátɔna o owé, yó wóofine o olíhe ú ekúlú ekime.

Sáaŋ 6:27

Nuti bíínjíékíne e buólí bɔ́ bɛnyɛ́ma bɛ́ ɔnyíá a bɛ́ ŋa cáŋɛa, mbá énu bíínjíékíne e buólí bɔ́ bɛnyɛ́ma bɛ́ ɔnyíá e bí ŋé líhe ɔ ɔkɔɔ́háma ɔ yɔɔ́sɔɔ́sɔ yí olíhe yí ekúlú ekime. Yaŋɔ́ Ɔɔ́nɔ́ u ɔɔcɔ, ɛ ká mɛ́ banɔ́ íínjíékíne biátɛ́ bɛnyɛ́ma bɛ́ ɔnyíá anyía Síkíne Bandɔ́mɛsɛ́ áŋa o mi bílícínyínyi na mááyɛ́ makɛ́nda. »

1 Kɔlɛ́ɛntɛ 13:3

Ta ɛ caŋa ámɛ bá ne nuubo nɔ́ ɔwaafakɛna basɔ́kásɔ́ka búámɛ bɔnɔ́mɛ bukime, ta ɛ caŋa émi lumitine anyía bé mí luliki o oocó noómi wɔɔ́sɔ, mbɔ́kɔ i ti ŋé mi léne bɔsɔ́ɔ́kɔ́, bú tɛ ŋá mɛ ɔ́ɔ́lɔ buúse bukime.

Kalasi 5:6

Yááŋa anyía ɔ ɔɔcɔ okime a wáŋa e nyimónjóló ne Yésus Kilís, te wuúci ɔbɛ́ácánɔ́ te wuúci iindú, bú ti ŋé wuúci ɔɔ́lɔ ta bɔkɔ. Bɔkɔ a bɔ́ ŋɔ yɔɔ́lɔ áŋa hɛ́ anyía wá bá ne olumitinine ɔ ɔtɛ́má noómi ewú ú ŋe wuúci kɛla anyía wé lénéke bɔsɔ́ɔ́kɔ́.