Lúkas 10:39 - Nomaande

³⁹ U ŋaá bá ne uuyé onyíinyí ɛ́cɛ Malíi. Malíi ŋe límíne ɔ ɔmɛsɛ́ hoóhi ne Otéŋí a Waáŋá Yésus, u lɔ́kɔ́máka bɛsana ebí ú ŋe yéekunyi.

Lúkas 10:39 Iomraidhean Croise

Lúkas 10:42

Menyi anyía bɔkɔ áŋa búmɔtɛ́ abɔ́ baacɔ ábɔ́ nyɛmána bá ɔkɛlaka. Malíi áŋa ɔtáfánɔ́ ambányɛ yɛ́ bɔkɔ ; ta ɔɔcɔ tɛ á bá wu o wuúci aáŋíá bɔkɔ eébú. »

Lúkas 2:46

Ɔ mɔɔ́sɛ́ matátɔ́, ɛ́ɛhɛ́ bé ŋge bú wuúci kuána eé *Ciíbe cɛ Bandɔ́mɛsɛ́ oliménénú ne *beékúnyi bikotí, u beébe bɛ́lɔ́kɔ́máka, u beébe bataka bɛsana.

Lúkas 8:35

Baacɔ a bá ŋa bɔ́ bá hɔ́á ŋa bɔ́ cɔ́bá ɔ ɔkɔlɛ́ca asana a yɛ́ má bɛ́kɛ́láka. Ayɛ́ bá ŋga bɔ́ hámá a maabána me Yésus, bá ŋá kuána ɔɔcɔ awɔ́ bɛɛbɛ́ bí bililé ŋá hámɔ́kɔ́na oliménénú a maabána me Yésus, ú maá bɛ́háya bɛlaŋa, wuúci céŋícéŋi. Bulíkílíki ŋeé beébe tímbíéke.

Sáaŋ 11:1

Ɔɔcɔ a wɔmɔtɛ́ ɛ́cɛ Lasáal ŋaá bá wɔɔ́ kɔ́nɔkɔ. U ŋaá bá we límekine a Bɛtani. Bááyɛ́ benyíinyí béfendí e beénjú, na Malíi na Mááta, ŋaá bá bébú límekine tɔ́na hɔ́á.

Sáaŋ 11:19

yaátɛ́ asana *Besuif ŋa bɔ́ fáákɔ́na beéŋí o okohumíkínyi ɛtɛ́má cɛ́ na Mááta na Malíi e buwé bú uubú onyíinyí a wɔnɔ́mɔcɔ́.

Sáaŋ 12:3

E elime cɛ ɔnyíá, Malíi ŋe hiíte ekélékéti yɛ́ lɛ́ta yɛ́ taaká cɛ ɔsɔŋɔ yɛ́ náal yí enumbé ; yɛ́ ŋaá bá onduné ɔ ɔmuaná weéŋí. Malíi ŋé yiíyi hiíte, wó ootokine a akɔlɔ́ cé Yésus, u ŋé ceéce hónóko na túáyɛ́ tuhúnyi. Ciíbe ŋó nyíóyo na ambányɛ yí enumbé.

Buólí 22:3

« Ya mɛ́ŋa ɔɔcɔ u Besuif, i ŋeé mi bíbíéne a Táas e ekéti yí iisí yí Silisí. Asana ɔ́mɔtɛ́, aaha a bálɛ́ka eeci ɛ ŋa mɛ́ kɔmáka, mɛ́ɔ waákɔ́nákɛ́na anyána ya mɛ́ŋa wu ɔlátákɛ́na bɔmbányɛ *bikotí bí cíísú sɔ́kɔ́nɔ́ ; Kamaliɛl ú ŋeé mi eékúnyíkí. I ŋeé mi bíínjíé buéŋí ná Bandɔ́mɛsɛ́ háyɛ banɔ́ bekime nua nɔ́ŋa bebíínjíénú hɛ́nánɔ.