Lúkas 10:25 - Nomaande

²⁵ Ekúlú eéyé, *muékúnyi bikotí a mumɔtɛ́ ŋa hátɔ́na ɛndánáka ; u ŋá batá Yésus o o wuúci kúfítínyi, ɔsɛ : « Muékúnyi, aátɛ́ yámɛ nyɛmána wu ɔkɛla ɔ ɔbɔ́ŋɔ yɔɔ́sɔɔ́sɔ yí olíhe yí ekúlú ekime e ? »

Lúkas 10:25 Iomraidhean Croise

Malɛ́kus 10:17

Ekúlú eyí Yésus ŋaá bá wa yáaŋa o ohónyí, wéé súétéke, ɔɔcɔ a wɔmɔtɛ́ ŋaá cɔba na ɔtɛ́tá haála ahá u ŋaá bá, u ŋé wuúci túmíne eŋéndu, mbá ɔsɛ : « Ambányɛ yí muékúnyi, anyána yámɛ́ nyɛmána wu ɔkɛla anyía yámɛ bɔ́ŋɔ yɔɔ́sɔɔ́sɔ yí olíhe yí ekúlú ekime e ? »

Malɛ́kus 10:3

Yésus ŋé beébe bɛ́káma ɔsɛ : « Anyána *Moyís ŋaá táŋáka a asana eéyé e ? »

Malɛ́kus 12:28

Muékúnyi *bikotí ɔ mumɔtɛ́ ŋaá lɔ́kɔ́máká bébú súŋgunyinyi, yɔ́ lɔ́kɔ́ma háyɛ nyɛbɛ́káma nyí Yésus ŋaá bá nyɛmbányɛ. Aáná u ŋee bíkósíti né Yésus, mbá ɔsɛ : « Okotí ayɛ́ háányɛ́ yá hɔ́la bikotí bikime e ? »

Lúkas 10:24

Ɛ ŋa mɛ́ banɔ́ láana anyíaʼo : Ne *behémúnyi bɛsana bá Bandɔ́mɛsɛ́ beéŋí ne betéŋí bá buáyá ŋa bɔ́ bá na ɛcaná ciéŋí ɔ ɔlɛca aátɛ́ nu ŋa nɔ́ lɛca, mbá beébe ta ɔlɛca. Bá ŋa bɔ́ bá na ɛcaná ciéŋí ɔ ɔlɔ́kɔ́máka aátɛ́ nu ŋa nɔ́ lɔ́kɔ́ma mbá beébe ta ɔlɔ́kɔ́ma. »

Lúkas 10:26

Yésus ŋé wuúci bɛ́káma ɔsɛ : « A bíásɔ́ *bikotí, aátɛ́ yááŋa yɔɔ́ŋɔ́kɔ́nɔ́ e ? Anyána ɔ́ ŋɔɔ́ lɔ́kɔ́ma, ekúlú eyí ó ŋoó biíbi fana e ? »

Lúkas 18:18

Otéŋí a wɔmɔtɛ́ u *Besuif ŋa bátá Yésus ɔsɛ : « Ambányɛ yí muékúnyi, anyána yámɛ nyɛmána wu ɔkɛla anyía yámɛ bɔ́ŋɔ yɔɔ́sɔɔ́sɔ yí olíhe yí ekúlú ekime e ? »

Lúkas 7:30

Mbá na *Bafalisiɛ́ŋ ne *beékúnyi bikotí ŋe bú kíne bɛsana bɛ́ Bandɔ́mɛsɛ́ ; beébe te *obíótíne ná Sáaŋ.

Sáaŋ 8:6

Ciabɔ́ ɛmbataka eécí ŋaá bá ɔ ɔkɔkɔna Yésus ɔ ɔbɔ́ŋɔ hɛkɔma hí o wuúci túme. Mbá u ŋeé kútímíne, yó túme ɔwɔɔ́ŋɔ ɔ ɔmɛsɛ́ na hɛnɔɔ́nɔ́.

Kalasi 3:18

Nu ŋe nú keti yáakɛlá anyía Bandɔ́mɛsɛ́ ŋa sáyabɛna ɔɔcɔ a asana na nyɛlátɛ́na nyí bikotí, tɛ́ cáŋa ɛ ɛndána acɛ́ u ŋaá bɛ́tánɛ́na ɔɔcɔ. Eéʼeé, yááŋa anyíaʼo, Bandɔ́mɛsɛ́ ŋa sáyábákɛ́ná Abɛ́laham ananyía u ŋeé wuúci bɛ́tánɛ́ná.