Lúkas 10:22 - Nomaande

²² Ciamɛ́ Síkíne ŋeé mi iínjíékíne bɛnyɛ́ma bikime. Ta ɔɔcɔ ti ŋée ményi aányɛ́ wáŋa Ɔɔ́nɔ́, ɛ́ tɛ ŋáa bá Síkíne ; ta ɔɔcɔ ti ŋée ményi aányɛ́ wáŋa Síkíne, ɛ́ tɛ ŋáa bá na Ɔɔ́nɔ́ na baacɔ ebé u ŋeé léne o beébe tóŋínyi cíáyɛ́ Síkíne. »

Lúkas 10:22 Iomraidhean Croise

Matío 11:25

Hí e ekúlú etéeyé, Yésus ɔsɛ : « Ééʼ, Taatá, kuɔŋɔ́ ó ŋoó téŋínyi na Ɔmuaná na ɔmɛsɛ́. I ŋe mí o wiínjie bitéŋíti anyía ɔ́ ŋɔ́ɔ nambɛ́na ne bemenyi bɛsana ne benjiŋénjíŋe bɛsana eébí, wó biíbi tóŋgínyi né iŋéné.

Matío 11:27

Ciamɛ Síkíne ŋeé mi íínjíékíné bɛnyɛ́ma bikime. Ta ɔɔcɔ ti ŋée ményi Ɔɔ́nɔ́, ɛ́ tɛ ŋáa bá Síkíne ; ta ɔɔcɔ tɔ́na ti ŋée ményi Síkíne, ɛ́ tɛ ŋáa bá na Ɔɔ́nɔ́ na baacɔ ebé u ŋeé léne o beébe tóŋínyi ciayɛ́ Síkíne.

Matío 28:18

Aáná Yésus ŋeé bíkósíti náábɔ́, mbá ɔsɛ : « Bandɔ́mɛsɛ́ áŋa o mi iínjíénú makɛ́nda mekime me otéŋgínyi na ɔ ɔmuaná noómi na ɔ ɔmɛsɛ́ áyá.

Sáaŋ 1:18

Ɔɔcɔ tɛ́ ŋa lɛ́cá Bandɔ́mɛsɛ́, ta buɔ́sɛ́ ; mbá hɛkɔŋɔ́ hɛ́ Ɔɔ́nɔ́ a wáŋa Bandɔ́mɛsɛ́, wuúci u ŋeé wuúci lɛca. U ŋe límine a maabána me Síkíne, wuúci u ŋaá kɛ́la anyía baacɔ ebú menyi Bandɔ́mɛsɛ́.

Sáaŋ 10:15

i iŋetí acɛ́ ciamɛ Síkíne ŋé mi menyi, yaŋɔ́ tɔ́na i wuúci menyukune. Híáná i ŋe mí fiiye úúmi olíhe a asana yɛ́ bíámɛ bitúké.

Sáaŋ 13:3

Yésus ŋaá bá we menyukune anyía Bandɔ́mɛsɛ́ ŋeé wuúci cuméke bɛsana bikime ; u menyukune tɔ́na anyía u ŋeé húle ná Bandɔ́mɛsɛ́, ɛ́ɛhɛ́ yɔ́ hálɔ́mɔ́na nááyá.

Sáaŋ 17:10

Bɔkɔ bukime abɔ́ ya mɛ́ŋa ne buúbu áŋa búɔ́wɔ ; a búáŋa búɔ́wɔ áŋa búámɛ. A nyɛnamá eényí baacɔ ebé o ŋo mí cuméke ŋá bɔ́ lɛ́cá búámɛ buáŋá náábɔ́.

Sáaŋ 17:2

O ŋoó mi iínjíé makɛ́nda me otéŋgínyi baacɔ bekime anyía mbá i ké mi iínjíékíne bekime ebé o ŋo mí cuméke yɔɔ́sɔɔ́sɔ yí olíhe yí ekúlú ekime.

Sáaŋ 17:26

Ɛ ŋa mɛ́ kɛláka anyía bébú o menyi ; i ké búle ámɛ kɛla híáná. Aáná nulénéne enú ɔ ɔ́ŋa ne nuúnu náámɛ káá bá náábɔ́, yaŋɔ́ bɛ́muátá míɔ bá tɔ́na náábɔ́. »

Sáaŋ 17:5

Aámbáya aná, Síkíne, kɛlá anyía yé túné ke mí limine nɔ́ɔ́wɔ e nyilimíné nyí nuúmi anyɛ́ ɛ́ ŋa cáŋa ámɛ bá eé nyiínyi ɛ́cɛ ɔ tɛ ŋɔɔ́ bɔ́tá na ɔmɛsɛ́ na ɔmuaná.

Sáaŋ 3:35

Síkíne ŋeé léne Ɔɔ́nɔ́ ; u ŋeé wuúci íínjíé makɛ́nda me otéŋgínyi bɛnyɛ́ma bikime.

1 Kɔlɛ́ɛntɛ 15:24

E elime eécí, bɛsana bikime káá mánɔkɔna ɛ́cɛ Kilís me ményisiki metéŋí mé bililé mekime, na báábɔ́ betéŋí, na máábɔ́ makɛ́nda áyá, yó hélúmúnyínyi butéŋí né Ooci a wáŋa wuúci Síkíne, wuúci Bandɔ́mɛsɛ́.

2 Kɔlɛ́ɛntɛ 4:6

Yááŋa anyía Bandɔ́mɛsɛ́ u ŋaá kɔ́ɔ́na buáyá anyía eese á nɔ́máka i ibíne noómi, wuúci tɔ́na u ŋaá basɔ́ númisinyi yááyɛ́ eese ɛ ɛtɛ́má noómi. Eese eéyé ŋaá basɔ́ tóŋínyi núáyɛ́ nuúmi a nɔ́ ŋa nɔ́ma eé buúse bú Kilís ; buátɛ́ bɔkɔ tu ŋe sú húlínyi baacɔ Ambányɛ yɛ́ Ɛsɔ́ma.

Ɛfɛ́ɛsɛ 1:21

A haátɛ́ haála eéhé Kilís áŋa oliménénú o otéŋínyi ne metéŋí mé bililé bikime bɛ́ ɔhuálɔ́, na báábɔ́ betéŋí áyá ; ta maabɔ́ makɛ́nda, ta búábɔ́ bɔɔcɔ, ta cáábɔ́ olokí áyá. Nyíáyɛ́ nyiínyi ŋo yóómo ɔ ɔhɔla eénye ekime a cáŋa cé owoómóko bɛhaála bikime a hɛɛya hɛ́ aámbáya, ta a tɔɔya a tɔ́ ŋa fáakɔna.

Ebélé 2:8

O ŋoó wuúci bééti otéŋí anyía wé téŋgínyi bɛnyɛ́ma bikime. » Ekúlú ayɛ́ bá ŋá kɔɔna anyía Bandɔ́mɛsɛ́ ŋeé bééti ɔɔcɔ anyía wé téŋgínyi bɛnyɛ́ma bikime, bú ŋeé bíhémbúle anyía ta bɔkɔ a búmɔtɛ́ tɛ á bá a bú tɛ á bá eeyé e butéŋí. Ta híáná, tu tɛ ŋá sɔ́ lɛca aámbáya anyía bɛnyɛ́ma bikime áŋa e butéŋí bɔ́ ɔɔcɔ.

1 Sáaŋ 5:20

Tu ŋe sú ményi tɔ́na anyía Ɔɔ́nɔ́ u Bandɔ́mɛsɛ́ ŋaá faaya ɔ ɔmɛsɛ́, yɔ́ basɔ́ iínjíékíne makɛ́nda me omenyinyi na taaká cɛ Bandɔ́mɛsɛ́. Tua sɔ́ŋa balatákánɔ́ e nyimónjóló na taaká cɛ Bandɔ́mɛsɛ́ oócí e elime ci Yésus Kilís, uuyé Ɔɔ́nɔ́. Wuúci wáŋa taaká cɛ Bandɔ́mɛsɛ́ ; wáŋa yɔɔ́sɔɔ́sɔ yí olíhe yí ekúlú ekime.

2 Sáaŋ 1:9

Énu menyi anyía ɔɔcɔ okime awɔ́ u náŋa u tɛ á látɛ́na nyiékúnyi nyí Kilís, mbá u sólikinyi ɔkɛla bíáyɛ́ bɛsana bɛ́ bɛ́muátá ma nána ohónyí, u tɛ á bá e nyimónjóló na Bandɔ́mɛsɛ́. Mbá ɔɔcɔ okime awɔ́ u naŋa waá látákɛ́na nyiékúnyi nyí Kilís áŋa e nyimónjóló na na ciasɔ́ Síkíne Bandɔ́mɛsɛ́ ne ne uuyé Ɔɔ́nɔ́ áyá.