Lúkas 10:17 - Nomaande

¹⁷ Ekúlú ayɛ́ *baákɔ́nɛ́na etíne átátɔ́ ne imbuke cíɔ́hátá [ne ífendí] ŋa ka bɔ́ hálɔ́mɔ́ná, bá ŋa bɔ́ bá bébú bílénéké, bá kɔ́ɔnaka báyɛ : « Otéŋí a Waáŋá, ta *bɛɛbɛ́ bí bililé tɔ́na ŋaá bá bɛ́ a basɔ́ lɔ́kɔ́mákɛ́na ekúlú ayɛ́ tuasɔ́ bá tuésu biíbi témbúsíki ɔ nyiɔ́wɔ nyiínyi. »

Lúkas 10:17 Iomraidhean Croise

Matío 4:24

Bá ŋaá bá bé yóómísíki nyíáyɛ́ nyiínyi a bunɔŋɔ bukime bú Silíi, bé wuúci hélékéníne na baacɔ bekime a bá ŋa bɔ́ kɔ́nɔ anamánamá cá ɛkɔnɔ ikime, ne eebe abá bɛɛbɛ́ bí bililé ŋaá bá bíé yébíki, ta bɔkɔnɔ yiílíli, ta bɛsákála. Yésus beébe eéŋúnyísíki bekime.

Malɛ́kus 16:17

Bikéki bí tubílícínyínyí eebi káá lɛ́cakana a baacɔ e bé ké bú lúmitekinine : Bé ké bú hémúkúnyi *bɛɛbɛ́ bí bililé eémí e nyiínyi, bá táŋáka bɛɔ́sɔɔ́sɔ bɛ́ ɛtáŋa.

Lúkas 10:1

E elime cɛ bɛsana eébí, Otéŋí a Waáŋá Yésus ŋá táfáka *baákɔ́nɛ́na bé etémbí etíne átátɔ́ ne imbuke cíɔ́hátá [ne ífendí] ; u ŋé beébe tɔ́mɔ́kɔ́na béfendí béfendí ɔ mɔnɔŋɔ mekime amá ú ŋaá bá waá yáambaka ɔ ɔcɔba.

Lúkas 10:20

Ta híáná, nuti bílénéke anyía nu ŋe nú témbúsi bɛɛbɛ́ bí bililé, mbá énu bílénéke anyía cáánɔ́ eénye áŋa cɔɔ́ŋɔ́kɔ́nɔ́ a Bunɔŋɔ bɔ́ Bandɔ́mɛsɛ́. »

Lúkas 10:9

énu eéŋúnyísíki bɔkɔnɔ́kɔ́nɔ bá buátɛ́ bunɔŋɔ ; mbá nu beébe laakɛna anyía : “Bandɔ́mɛsɛ́ a yáaŋa hoóhi ne otéŋínyi náánɔ́.”

Lúkas 9:1

Búmɔtɛ́ buɔ́sɛ́ Yésus ŋɔɔ́ lɔ́ŋɔ́kɔ́ *baákɔ́nɛ́na bɔ́ɔ́hátá ne béfendí, u ŋé beébe iínjíé makɛ́nda ne me otémbúsíki *bɛɛbɛ́ bí bililé bikime ne me oweéŋúnyísíki bɔkɔnɔ́kɔ́nɔ.

Lóom 16:20

Hikúlúkúlú, Bandɔ́mɛsɛ́, Muínjie baacɔ mbuumu, u kɔ́ yɔ́ɔlɔkɔ *Sátan ɛ ɛmbana cɛ cáánɔ́ akɔlɔ́. Uusú Otéŋí a Waáŋá Yésus á banɔ́ sayábákɛ́na.

Ɛfɛ́ɛsɛ 5:24

Yaátɛ́ asana beénjú bá ɔtɔ́nɔ́ ábɔ́ nyɛmána bé okékéke báábɔ́ banɔ́mɛ a bɔkɔ bukime háyɛ hiɔ́bɔ hí belumitinine ŋeé kéke Yésus Kilís.