Lúkas 1:78 - Nomaande

⁷⁸ Ciasɔ́ Bandɔ́mɛsɛ́ áŋa na ambányɛ yɛ́ ɔtɛ́má, u káá basɔ́ númisikinyi eese e yí ŋeé húle ɔ Ɔmuaná, yɛ́ hɔ́áka nyɛháma nyɛ́ ɔɔ́cɔ́.

Lúkas 1:78 Iomraidhean Croise

Sáaŋ 3:16

Yááŋa anyía Bandɔ́mɛsɛ́ ŋeé lénéke baacɔ bekime e nyiwééné, yó wíínjie hííyé hɛkɔŋɔ́ hɛ́ Ɔɔ́nɔ́, ɔkɛla anyía ɔɔcɔ okime awɔ́ u káá háya mɔŋɔlɛ́ nááyá ti nyíme, mbá wá bá na yɔɔ́sɔɔ́sɔ yí olíhe yí ekúlú ekime.

Ɛfɛ́ɛsɛ 5:14

Yááŋa anyíaʼo, asana ekime eyí bé ŋe tóŋínyi a miányɛ́ a yáaŋa eese bɛ́muátá ; yaátɛ́ asana bá ŋa kɔɔna anyía : « Haanyúá, kuɔŋɔ́ mɔhɛ́ta hiiné, hatɔ́na ɛndánáka ɛ ɛkatɛ́katɛ́ ci biwéewé ; aáná Kilís kéé númisiki eese nɔ́ɔ́wɔ. »

Filibí 1:8

Bandɔ́mɛsɛ́ áŋa uumi ɔmbasɔ́mbásɔ anyía ɛ ŋa mɛ́ banɔ́ léne, banɔ́ bekime, buéŋí ne nulénéne e nú ŋeé húle ɔ ɔtɛ́má ú Yésus Kilís.

Filibí 2:1

Isíʼo, tɛ́ka nyimónjóló na banɔ́ ne *Kilís ŋáa banɔ́ kíndísi ɔ ɔhɔla e ? Tɛ́ka oléne awɔ́ u ŋaá banɔ́ léne ŋaá banɔ́ kíndísi tɔ́na e ? Tɛ́ka nua nɔ́ŋa e nyimónjóló na banɔ́ ne *Efúúménénú yí Elilé anyía nu ŋe nú lénéne banɔ́ na banɔ́, nu ɔ́ɔ́lɔ́kɔ́nɔ́nɔ́ e ?

Kolóso 3:12

Yaátɛ́ asana, ánɔ hákɛ́na ɛtɛ́má e nuubo noómi, a bɔmbányɛ noómi, o obílóosi noómi, e nyisioŋono nyɛ́ ɔtɛ́má noómi, ne oweéhínyínyi noómi, ananyía Bandɔ́mɛsɛ́ ŋaá banɔ́ lénéké, yɔ́ banɔ́ táfáka anyía núánɔ́ bámɔ́kɔ́nɛ́na bááyɛ́ baacɔ.

2 Bíel 1:19

Basɔ́, tu ŋa sɔ́ hɔ́la olumitine anyía mehúnyi me *behémúnyi bɛsana áŋa taaká. Mehúnyi eémé núánɔ́ nyɛmána nú ohiite ekúlú o o meéme ɔlɔ́kɔ́ma anyía maáŋa háyɛ *lámba a cɛ́ ŋa nɔ́ma i ibíne noómi ɔ ɔkɔɔ́háma ekúlú ayɛ́ ɔyá á yaáŋɔ́nuaka bɔmbányɛ mbá hinjoti hɛ́ alalɛ yɛ́ ɔyá é bítóŋínyi e cíínú ɛtɛ́má noómi.

1 Sáaŋ 3:17

Mbɔ́kɔ ɛnɔ́mɛ cɛ ɔɔcɔ a cɛ́mɔtɛ́ ŋa lɛ́ca uuyé onyíinyí áa yábáka bɔkɔ a bɔ́mɔtɛ́ mbá u ti wuúci bɛ́cáma mahana, anyána wáŋa wu ɔkɔɔna anyía u ŋeé léne Bandɔ́mɛsɛ́ e uúye ɔtɛ́má noómi e ?

Nyɛnambɔnɛna nyɛ́ bɛsana 22:16

Yaŋɔ́ Yésus, ya mɛ́ŋa ɔtɔ́mánɔ́ yáámɛ elilé yɛ́ bɔsɔ́ma ɔ ɔkɔɔ́ banɔ́ nambɔnɛna bɛsana eebi, banɔ́ baacɔ aá tuɔ́bɔ tú belumitinine noómi. Ya mɛ́ŋa buɔnɔ́ bú Otéŋí *Táfit, yaŋɔ́ tɔ́na hinjoti a hɛ́ ŋa nɔ́ma na makɛ́nda a alalɛ yɛ́ ɔyá. »