Lúkas 1:77 - Nomaande

⁷⁷ Kuɔŋɔ́, o kóó weékúnyíki bááyɛ́ baacɔ anyía u kéé beébe nohiki ɛ́cɛ ú meé beébe nyɛ́anakɛnɛna maabɔ́ maabɛ́.

Lúkas 1:77 Iomraidhean Croise

Lúkas 3:3

Aáná Sáaŋ ŋeé túme o húlé kanda bɛhaála bɛhaála a aháŋá yí nuúci nú Sulutɛ́ŋ, u sobiki ɔsɛ : « Ánɔ bɛ́kákálákɛ́na máánɔ́ maabɛ́, mbá nɔ sɔ́mba ɔkɔlɔ́ eé meéme ; mbá nu bíótókíne, aáná Bandɔ́mɛsɛ́ káá banɔ́ nyɛ́ánakɛnɛna maanɔ́ maabɛ́. »

Lúkas 3:6

Aáná baacɔ bekime ká bɔ́ lɛ́ca háyɛ Bandɔ́mɛsɛ́ kéé beébe nohiki. »

Sáaŋ 1:29

Ɔ ɔyá ɔyá Sáaŋ ŋaá lɛ́cá Yésus á fáakɔna nááyá, mbá ɔsɛ : « Ɔɔ́nɔ́ ú Ɛtɔ́mbá ú Bandɔ́mɛsɛ́ ooci, wuúci u ŋa yááŋɛ́na baacɔ bá ɔmɛsɛ́ bɔɔbɛ́.

Sáaŋ 1:34

Yaŋɔ́, ɛ ŋá mɛ́ lɛca anyía bɛsana eébí maá háma taaká. Buátɛ́ bɔkɔ ɛ ŋaá mɛ́ háya ɛmbasɔ́ anyía ɔɔcɔ ooci áŋa Ɔɔ́nɔ́ u Bandɔ́mɛsɛ́. »

Buólí 10:43

Ɔɔcɔ oócí, Yésus, *behémúnyi bɛsana bá Bandɔ́mɛsɛ́ bekime ŋa bɔ́ táŋáká yááyɛ́ asana, bá kɔ́ɔnaka báyɛ : Ɔɔcɔ awɔ́ u ŋá háya mɔŋɔlɛ́ nááyá, Bandɔ́mɛsɛ́ ŋa nyɛ́anɛnɛna búáyɛ́ bɔɔbɛ́ e elime ci Yésus. »

Buólí 19:4

Mbá Bóol ɔsɛ : « Sáaŋ ŋaá bá we yóótokine baacɔ a bá ŋa bɔ́ bá bábɔ́ bɛ́kákálákɛ́na maabɔ́ maabɛ́, mbá bá sɔ́mba ɔkɔlɔ́ eé meéme ; u laakɛna baacɔ bé *Islayɛ́l anyía bá hákɛ́na mɔŋɔlɛ́ ná ɔɔcɔ awɔ́ u káá faaya eeyé e elime ; ɛ́cɛ anyía Yésus. »

Buólí 2:38

Bíel ɔsɛ : « Ánɔ bɛ́kákálákɛ́na máánɔ́ maabɛ́, mbá nɔ sɔ́mba ɔkɔlɔ́ eé meéme ; ɔɔcɔ okime aá banɔ́ é bíótíne eé nyiínyi nyí Yésus *Kilís. Aáná Bandɔ́mɛsɛ́ káá banɔ́ nyɛ́anakɛnɛna maanɔ́ maabɛ́, yɔ́ banɔ́ íínjíékíne Efúúménénú yí Elilé.

Buólí 3:19

Buátɛ́ bɔkɔ ánɔ bɛ́kákálákɛ́na máánɔ́ maabɛ́ aná, mbá nɔ sɔ́mba ɔkɔlɔ́ eé meéme ; núɔ́ hálɔ́mɔ́kɔ́na ná Bandɔ́mɛsɛ́ anyía wáá banɔ́ nyɛ́ánákɛ́nɛ́na máánɔ́ maabɛ́.

Buólí 5:31

Bandɔ́mɛsɛ́ ŋeé bééti Yésus ɔ Ɔmuaná a aháŋá yí úúyé ɔɔbɔ́ ú manɔ́mɛ ; u ŋé wuúci télímínyi ne Otéŋí ne Munohi baacɔ ɔ ɔkɛla anyía baacɔ bé *Islayɛ́l ábɔ́ bɔ́ŋɔ ohónyí wú ɔbɛ́kákálákɛ́na máábɔ́ maabɛ́, mbá bá sɔ́mba ɔkɔlɔ́ eé meéme, Bandɔ́mɛsɛ́ yó beébe nyɛ́anakɛna máábɔ́ maabɛ́.

Lóom 3:25

Wuúci oócí Bandɔ́mɛsɛ́ ŋa kɛ́lá anyía bé wuúci sɔ́mbɛ́na ; maayɛ́ manɔ́ŋɔ́ mɔ́ hámɔ́kɔ́na, a asana na nyɛnyɛanɛna nyɛ́ maabɛ́ ma baháya mɔŋɔlɛ́ nááyá. U ŋaá kɛ́láka aáná o otóŋínyi baacɔ anyía wáŋa ɔtálɛ́mánánɔ́. U ŋaá nyɛ́ánáka máábɔ́ maabɛ́, tɛ́ka ne o beébe bɔ́nɔ́sɛ́áka ;

Ɛfɛ́ɛsɛ 1:7

U ŋaá basɔ́ háŋɔ́náká a buɔ́lɛ́ bɔ́ bɔɔbɛ́ o owé ú uuyé Ɔɔ́nɔ́ oócí, yɔ́ basɔ́ nyɛanakɛnɛna maasɔ́ maabɛ́. Aáná u ŋaá basɔ́ tóŋínyi anyána yááyɛ́ yaála yí nuubo áŋa yaáŋá ɔ ɔhɔla a yáásɔ́ aháŋá ;