Lúkas 1:76 - Nomaande

⁷⁶ Mbá kuɔŋɔ́, uumi ɔɔ́nɔ́, bé ké búle ɔ yɔ́ɔ lɔ́ŋɔ anyía *muhémúnyi bɛsana mɔ Bandɔ́mɛsɛ́, ooci awɔ́ á hɔ́láka baacɔ bekime ɔ Ɔmuaná, anyía ɔ kɔ́ɔ́ cáŋa ɔfaaya ne Otéŋí a Waáŋá ɔ ɔkɔtábɔ́na úúyé ohónyí.

Lúkas 1:76 Iomraidhean Croise

Matío 14:5

Elóot ŋaá bá wa yáambaka ohónyí wú ɔwɔɔ́nɔ Sáaŋ, mbá u tɛ ɔ́mɔɔ́ bɔ́ŋɔ anyía u ŋaá bá weé líkíméke baacɔ. Yááŋa anyía baacɔ bekime ŋaá bá bébú bíkétíki anyía Sáaŋ áŋa *muhémúnyi bɛsana mɔ Bandɔ́mɛsɛ́.

Matío 21:26

Mbá mbɔ́kɔ túásɔ́ bɛ́káma anyía baacɔ bé ŋe bú wuúci tɔ́ma, tu ŋá sɔ́ nyɛ́mana tu olíkíméke nyɛkɔca, anyía baacɔ bekime ŋe bú lúmitinine anyía Sáaŋ ŋaá bá taaká ci *muhémúnyi bɛsana mɔ Bandɔ́mɛsɛ́. »

Matío 3:11

Yaŋɔ́, ɛ ŋa mɛ́ banɔ́ óótine ne menyífé, bú tóŋgínyi anyía nú ma nɔ́ bɛ́kákálákɛ́na maanɔ́ maabɛ́ ; mbá ɔɔcɔ awɔ́ á mɛ hɔla a makɛ́nda kokóokó eémi e elime. Wuúci, u káá banɔ́ ootokine ne *Efúúménénú yí Elilé ne oocó ; ɛ tɛ ŋa mɛ́ nyɛmána ooci a wáŋa wu o wuúci sɔmɔkɔ bɛkandɛ́na a akɔlɔ́.

Matío 3:3

Sáaŋ áŋa waátákána ɔɔcɔ ewú *muhémúnyi bɛsana mɔ Bandɔ́mɛsɛ́, *Ɛsayí, ŋaá kɔɔ́náka yááyɛ́ asana ɔsɛ : « Ɔɔcɔ ŋo sóbi okelú ɔ ɔmuaná i iisí cɛ ɔsɛ́bɛ́á ɔsɛ : “Ánɔ tábɔ́náka ohónyí ú Otéŋí a Waáŋá ; énu nyimíkínyi cííyí ihényí.” »

Malɛ́kus 11:32

Mbá, mbɔ́kɔ túásɔ́ bɛ́káma anyía baacɔ bé ŋe bú wuúci tɔ́má… » Bá ŋa bɔ́ bá bébú líkíméke nyɛkɔca, anyía baacɔ bekime ŋe bú lúmítíníne anyía Sáaŋ ŋaá bá taaká ci *muhémúnyi bɛsana mɔ Bandɔ́mɛsɛ́.

Lúkas 1:32

U káá bá ɔɔcɔ a waáŋá, bé wuúci lɔ́ŋɔ anyía Ɔɔ́nɔ́ u Bandɔ́mɛsɛ́ a wáŋa fáátɛ ɔ Ɔmuaná. Otéŋí a Waáŋá Bandɔ́mɛsɛ́ kéé wuúci limisinyi a nɔkɔná nɔ́ cíáyɛ́ sɔ́kɔ́nɔ́ Táfit.

Lúkas 1:35

Elilé yɛ́sɛ : « *Efúúménénú yí Elilé káá fáaya nɔ́ɔ́wɔ, wó hiite nyifume. Yaátɛ́ asana ɔɔ́nɔ́ ewú u kéé bíbíéne káá bá ofúúménénú, wuúci Ɔɔ́nɔ́ u Bandɔ́mɛsɛ́.

Lúkas 6:35

Mbá ɛ ŋa mɛ́ banɔ́ láana anyía énu lénéke báánɔ́ beliŋine, énu beébe kɛláka bɔmbányɛ, nu beébe foliki, nuti bíkéti anyía bá ká bɔ banɔ́ hélúmúnyínyi. Nu ká nɔ́ bɔ́ŋɔ bɛnamá biéŋí, nuɔ́ bámɔ́kɔ́na baáná bá Bandɔ́mɛsɛ́ fáátɛ ɔ Ɔmuaná, u kɛlaka bɔmbányɛ a aháŋá ná baŋákɔ́ŋákɔ na baŋána.

Sáaŋ 1:23

Ɛ ɛmbataka eécí, Sáaŋ ŋaá bɛ́káma ne mehúnyi emé *muhémúnyi bɛsana mɔ Bandɔ́mɛsɛ́ *Ɛsayí ŋaá kɔ́ɔ́náka, ɔsɛ : « Ya mɛ́ŋa ɔɔcɔ ewú u ŋo sóbi okelú ɔ ɔmuaná i iisí cɛ ɔsɛ́bɛ́á ɔsɛ : “Énu nyimíkínyi ohónyí ú Otéŋí a Waáŋá.” »

Sáaŋ 1:27

Wuúci oócí kokóokó eémi e elime. Ɛ tɛ ŋá mɛ́ nyɛmana ooci a wáŋa wu ohembuleke tukolí tɔ́ bíáyɛ́ bɛkandɛ́na. »

Sáaŋ 3:28

Banɔ́ bɛ́muátá nua nɔ́ŋa nú ɔ mɛ háyɛ́na ɛmbasɔ́ anyía ɛ ŋa mɛ́ kɔɔ́na ɛsɛ́ : Ɛ tɛ ámɛ bá *Mesíi, mbá bá ŋaá mɛ tɔ́ma anyía yámɛ caŋácáŋa ɔfaaya eé buúse ne wuúci.

Buólí 16:17

Aáná ɔbɔ́la oócí ŋaá bá waá basɔ́ látákɛ́na na basɔ́ ne Bóol, u húlé kɔ́ɔnaka okelú ɔ ɔmuaná ɔsɛ : « Baacɔ eebe á bɔ́ŋa bɔnyiɔnɔ bá Bandɔ́mɛsɛ́ a wáŋa fáátɛ ɔ Ɔmuaná ; bá ŋa bɔ́ banɔ́ húlinyi bɛsana a bɛ́áŋa bɛ́ ɔ banɔ́ iínjíékíne olíhe. »