Lúkas 1:74 - Nomaande

⁷⁴ anyía ekúlú ayɛ́ u káá basɔ́ kátɔ́náka a aabá cá báásɔ́ beliŋine, ɛ́ɛhɛ́ tu ké sú wuúci nyiɔkɛna buólí tɛ́ka ne bulíkílíki ;

Lúkas 1:74 Iomraidhean Croise

Lúkas 1:71

ú meé wuúci tɔ́ma anyía wá basɔ́ nóhi a aabá na cá báásɔ́ beliŋine na cá baacɔ a bá ŋa bɔ́ áamba ɔ basɔ́ kɛ́la bɔɔbɛ́.

Lúkas 1:73

ayɛ́ ú ŋaá súátɛ́ná ɔkɛla eé buúse bɔ́ cíásɔ́ sɔ́kɔ́nɔ́ *Abɛ́laham,

Lúkas 1:75

túó límine bɛtálɛ́mánánɔ́ bɛ́ baacɔ e befúúménénú eé buúse bɔ́ Bandɔ́mɛsɛ́ mɔɔ́sɛ́ mekime me úúsú olíhe.

Lóom 6:22

Mbá aámbáya Bandɔ́mɛsɛ́ ma banɔ́ kátɔ́náka a buɔ́lɛ́ bɔ́ nyɛkɛla nyɛ́ bɛɛbɛ́ bɛ́ bɛsana ; nua nuáŋa bɛɔ́lɛ́ bɛ́ Bandɔ́mɛsɛ́. Bíánɔ́ bɛnamá áŋa olíhéke efúúménénú yí olíhe, nyibíóndísínyi áŋa ɔbɔ́ŋɔ yɔɔ́sɔɔ́sɔ yí olíhe yí ekúlú ekime.

Lóom 8:15

Yááŋa anyía Bandɔ́mɛsɛ́ tɛ ɔ́mɔ́ banɔ́ iínjie elilé a yɛ́ ŋaá banɔ́ tíŋe bɛɔ́lɛ́, yɛ́ banɔ́ cɔ́bakana tɔ́na e bulíkílíki, mbá u ŋaá banɔ́ iínjie Elilé a yɛ́ ŋaá banɔ́ céŋísi bááyɛ́ baáná bá ɔfana, anyía e Elilé eéyé tu ŋa sɔ́ kɔɔna okelú ɔ ɔmuaná anyía « Ába » ɛ́cɛ anyía « Taatá ! »

2 Timoté 1:7

Yááŋa anyía tɛ́ cáŋa elilé yɛ́ ɔbɛ́naanɛna Bandɔ́mɛsɛ́ naŋa waá basɔ́ iínjíékíne, mbá u ŋaá basɔ́ iínjie Elilé yí ne ciéhíhi ne olénéke bɔsɔ́ɔ́kɔ́ ne injiŋé a cɛ́ ŋá basɔ́ ɔɔ́lɔ a ambányɛ yɛ́ nyɛbɛ́kɛ́lɛ́na.

Ebélé 2:15

Yésus ŋa kɛ́la aáná anyía wé kétunyíki baacɔ a buɔ́lɛ́ bú bulíkílíki anyía bé ŋe bú wéékúne ; bá ŋa bɔ́ bá bébú líhéke háyɛ bɛɔ́lɛ́ e bulíkílíki noómi.

Ebélé 9:14

Mbá mbɔ́kɔ aáná manɔ́ŋɔ́ me bitúké eémé ŋaá bá na nyɛnamá nyɛ́ makɛ́nda eényí, manɔ́ŋɔ́ me Kilís áŋa na makɛ́nda meéŋí ɔ ɔhɔla manɔ́ŋɔ́ me bitúké. Kilís tɛ ɔ́mɔ nana, u ŋaá bɛ́sɔ́mbɛ́ná wuúci bɛ́muátá ná Bandɔ́mɛsɛ́ háyɛ abɛ́sámbá a yɛ́ á nyɛmána na makɛ́nda me Efúúménénú yí Elilé ; maayɛ́ manɔ́ŋɔ́ ŋe fúúmínyi túásɔ́ tɔcɔɔ́cɔ́ tɔ́ ɛtɛ́má, anyía tu tɛ háná kɛ́la bɛɛbɛ́ bɛ́ bɛsana e bí ŋe héléne owé, mbá tu nyemiki Bandɔ́mɛsɛ́ a wáŋa wɔɔ́sɔ.

Nyɛnambɔnɛna nyɛ́ bɛsana 2:10

Eti líkíme muuyé amɔ́ wɔ́ cɔba ɔ ɔlɔ́kɔ́máka hí aámbáya. Ɛ́náka, Musɔ́mɛ́na múɔ́ cɔ́ba ɔ ɔkɛla anyía bá hákɛ́na bɔ́mɔtɛ́ baacɔ bé úúnú ɔlɔŋɔ eé ciíbe cɛ ɛcaná ɔ ɔ banɔ́ ɔɔ́kɛ́tákɛ́na ; aáná nu ká nɔ́ ɔɔ́ndɛ́mákánána indekese e ci kéé líhéke mɔɔ́sɛ́ mɔɔ́hátá. Tétényíki úúwe olumitinine ɔ ɔkɔɔ́háma o owé ; aáná i ké mí o wiínjie atamba yí olíhe ú ekúlú ekime.