Lúkas 1:65 - Nomaande

⁶⁵ Aáná baacɔ bekime bá hɔ́á ŋe bú líkíméke, bé bíkétiki bɛsana eébí bikime a tɔkɔndɔ tukime tú iisí ci Yuté.

Lúkas 1:65 Iomraidhean Croise

Matío 2:1

Aáná Yésus ŋeé bíbíéné a Bɛ́tɛlɛhɛm, i iisí ci Yuté, e ekúlú eyí Elóot ŋaá bá otéŋí. E elime eécí, bemenyi bɛsana ŋa ka bɔ́ hátɔ́na náábɔ́ a aháŋá yɛ́ nyɛháma nyɛ́ ɔɔ́cɔ́, bá ŋga hámɔ́kɔ́ná eé Yelúsalɛm.

Lúkas 1:39

E elime eécí, Malíi ŋa hátɔ́na, yó tényí cɔba a tɔkɔndɔ a bunɔŋɔ a búmɔtɛ́ bú *Yuté.

Lúkas 2:18

Aáná baacɔ bekime a bá ŋa bɔ́ lɔ́kɔ́máká bɛsana ebí betétényi ɛtɔ́mbá ŋa bɔ́ kɔ́ɔ́náka ŋe bú kékéke buéŋí.

Lúkas 5:26

Aáná baacɔ bekime ŋe bú kékéke, bé iínjíékine Bandɔ́mɛsɛ́ nuúmi ne bulíkílíki buéŋí ɛ ɛtɛ́má hú mbiɔ́kɛ, báyɛ : « Hɛ́nánɔ tú ma sɔ́ lɛ́caka bikéki bí bɛsana. »

Lúkas 7:16

Aáná baacɔ bekime ŋe bú líkíméké ; bé íínjíékíne Bandɔ́mɛsɛ́ nuúmi, bá kɔ́ɔnaka báyɛ : « Yaandándá yí *muhémúnyi bɛsana mɔ Bandɔ́mɛsɛ́ maá kaá háma náásɔ́. Bandɔ́mɛsɛ́ maá fáaya ɔ ɔkɔháŋɔ́na bááyɛ́ baacɔ. »

Buólí 19:17

Baacɔ bekime bá Ɛfɛ́ɛsɛ ŋa bɔ́ lɔ́kɔ́máká asana eéyé, ne Besuif na *Bakɛlɛ́k áyá. Bulíkílíki ŋé beébe tímbíéke, bé ŋé túme okéke nyiínyi nyí Otéŋí a Waáŋá Yésus.

Buólí 2:43

Baacɔ bá ɛndɔ́ma ŋaá bá bábɔ́ kɛlaka ne bikéki ne bikémése bí tubílícínyínyí tuéŋí, ɛ́ɛhɛ́ bulíkílíki ŋaá bá búá kɛ́laka ɔɔcɔ okime e belumitinine Yésus.

Buólí 5:11

Yaátɛ́ asana bulíkílíki ŋeé tímbíé na hiɔ́bɔ hí belumitinine Yésus hikime, na baacɔ a bá ŋa bɔ́ lɔ́kɔ́máká asana eéyé.

Buólí 5:5

Ɛŋakɛlá Ananías áa lɔ́kɔ́ma ɔtáŋa ú Bíel oócí, u ŋá kuá, nyiwé eényí. Aáná bulíkílíki ŋeé tímbíé baacɔ bekime a bá ŋa bɔ́ lɔ́kɔ́máká asana eéyé.

Nyɛnambɔnɛna nyɛ́ bɛsana 11:11

E elime cɛ mɔɔ́sɛ́ eémé matátɔ́ ne ekélékéti, mehúne me olíhe kéé húle ná Bandɔ́mɛsɛ́, mó ko wóofokine náábɔ́ ; bá ká bɔ́ hátɔkɔna ɛndánáka. Yaandándá yí bulíkílíki kéé tímbíéke baacɔ a bá ŋa bɔ́ bá bébú beébe lɛcaka.