Lúkas 1:6 - Nomaande

⁶ Bá ŋa bɔ́ bá bekime béfendí bɛtálɛ́mánánɔ́ bɛ́ baacɔ eé buúse bɔ́ *Bandɔ́mɛsɛ́, bá látákɛ́na bɔmbányɛ bɔmbányɛ ne *bikotí bikime ne esúŋe ekime cá Bandɔ́mɛsɛ́.

Lúkas 1:6 Iomraidhean Croise

Lúkas 1:7

Ta híáná, bɔ́ tɛ ɔ́mɔ bɔ́ bá na ɔɔ́nɔ́, anyía Ɛlɛ́sabɛt ŋaá bá ahúátá, beébe bekime béfendí belúnénú.

Lúkas 16:15

Mbá Yésus ɔsɛ náábɔ́ : « Nu ŋa nɔ́ áamba anyía baacɔ á banɔ́ hiíteke háyɛ bɛtálɛ́mánánɔ́ bɛ́ baacɔ ; mbá Bandɔ́mɛsɛ́ ŋe ményi cíínú ɛtɛ́má. Yááŋa anyía bɔkɔ abɔ́ baacɔ ŋa bɔ́ lɛ́ca háyɛ bɔmbányɛ ɔ ɔhɔla, Bandɔ́mɛsɛ́ ŋeé buúbu lɛca háyɛ bɔɔbɛ́ ɔ ɔhɔla.

Lúkas 2:25

Ɔɔcɔ a wɔmɔtɛ́ ŋaá bá eé Yelúsalɛm, nyiínyi ɛ́cɛ Simɛ́yɔŋ. Ɔɔcɔ oócí ŋaá bá atálɛ́mánánɔ́ yɛ́ ɔɔcɔ, u látákɛ́na Bɛsana bɛ́ Bandɔ́mɛsɛ́ bɔmbányɛ ; u tátáka na mɔŋɔlɛ́ mekime ɔɔcɔ awɔ́ á nyɛmána wu onohi baacɔ bé *Islayɛ́l. *Efúúménénú yí Elilé ŋaá bá e uúyé ɔtɛ́má.

Buólí 2:25

Ɛ́ɛhɛ́ Otéŋí Táfit ŋaá kɔ́ɔ́na a asana ne Yésus ɔsɛ : “Ɛ ŋaá mɛ bá yámɛ lɛcaka Otéŋí a Waáŋá bikúlú bikime eémi eé buúse ɔ ɔ mɛ aáŋíá bulíkílíki ɔ ɔtɛ́má.

Buólí 23:1

Bóol ŋaá tálá baacɔ bé Hitúlé a hiáŋá eése, mbá ɔsɛ náábɔ́ : « Báámɛ benyíinyí, híími hɛcɔɔ́cɔ́ hɛ́ ɔtɛ́má tɛ ŋá mɛ kákálɛ́na a aháŋá ne olíhe ewú i ŋé mi líhe eé buúse bɔ́ Bandɔ́mɛsɛ́ ɔ ɔkɔɔ́háma aámbáya. »

Buólí 24:16

Yaátɛ́ asana í meé mi bíínjie bikúlú bikime anyía híími hɛcɔɔ́cɔ́ hɛ́ ɔtɛ́má tɛ́ mɛ kákálɛ́na ne eé buúse bɔ́ Bandɔ́mɛsɛ́ ne eé buúse bɔ́ baacɔ.

Buólí 8:21

Ɔ tɛ ɔ́ bá ta na nuafa, te ne nyilimíné e buólí eebu, anyía úúwe ɔtɛ́má tɛ á bá ɔtálɛ́mánánɔ́ eé buúse bɔ́ Bandɔ́mɛsɛ́.

Lóom 8:4

U ŋaá kɛ́láka aáná anyía tuasɔ́ bámɔ́kɔ́na banyɛmánánɔ́ bɔmbányɛ e nyinyíóyísínyi nyɛ́ bɛsana enyí bikotí ŋá yaamba, basɔ́ ebé Elilé ŋé kéndisi, tɛ́ cáŋa nyíásɔ́ nyɛbá nyɛ́ baacɔ.

1 Kɔlɛ́ɛntɛ 11:2

Ɛ ŋa mɛ́ banɔ́ lémbi anyía nu tɛ ŋá nɔ́ mɛ bɛ́hɔ́ya, nu látákɛ́na bɔmbányɛ bɔmbányɛ abɛ́kɛ́lɛ́na acɛ́ ɛ ŋa mɛ́ banɔ́ eékúnyíki.

2 Kɔlɛ́ɛntɛ 1:12

Asana a yɛ́ ŋaá basɔ́ iínjie bɔɔcɔ e túásɔ́ tɔcɔɔ́cɔ́ tɔ́ ɛtɛ́má noómi áŋa anyía nyíásɔ́ nyɛbɛ́kɛ́lɛ́na tɛ á bá ne bicocí, nyɛ́áŋa taaká. Tu ŋe sú nyíóyísíkínyi bɛsana abɛ́ tu ŋa sɔ́ táŋa háyɛ Bandɔ́mɛsɛ́ ŋeé léne, te eenú eé buúse tu ŋa sɔ́ bɛ́kɛ́lɛ́na aáná. Tu tɛ ɔ́mɔ́ sɔ́ bɛ́kɛ́lɛ́na ne injiŋé cɛ baacɔ, mbá yaála yí nuubo yɛ́ Bandɔ́mɛsɛ́ ŋaá basɔ́ kíndísíkí ɔ ɔkɛla aáná.

Filibí 2:15

ananyía mbá núánɔ́ bámɔ́kɔ́na bíáyɛ́ bifúúménénú bɛ́ baáná, tɛ́ka na hɛkɔma, ta na hɛkɛ́bɛ́lɛ ɛ ɛkatɛ́katɛ́ cɛ bɛɛbɛ́ bɛ́ baacɔ bá hɛɛya hɛ́ ɔmɛsɛ́ ooci. Énu numísíki eese aabɔ́ ɛ ɛkatɛ́katɛ́ i iŋetí ci tunjoti a tɔ́ ŋa nɔ́ma ɛ ɛŋɔ́lɔ́muaná,

Kolóso 1:22

Mbá aámbáya, wuúci u ŋaá kɛ́la anyía núánɔ́ lɔ́kɔ́mákána ne wuúci a asana ne owé ú imehú ewú uuyé Ɔɔ́nɔ́ ŋeé wé, anyía núánɔ́ bámɔ́kɔ́na ne efúúménénú yɛ́ ɔtɛ́má, tɛ́ka na hɛkɔma eé buúse bɔ́ Bandɔ́mɛsɛ́.

1 Tɛsaloníke 3:13

Aáná u kéé kíndísíki cíínú ɛtɛ́má anyía núánɔ́ bámɔ́kɔ́na befúúménénú tɛ́ka na hɛkɔma eé buúse bú Síkíne Bandɔ́mɛsɛ́, ekúlú eyí Otéŋí a Waáŋá Yésus ká ka hálɔ́mɔ́na ɔlɔŋɔ na bááyɛ́ baacɔ bekime.

2 Bíel 3:14

Yaátɛ́ asana, baláamɛ bá ɔtɛ́má, a nyɛtáta anyɛ́ nú ŋa nɔ́ táta bɛsana eébí, ánɔ bɛ́kɛ́ndákɛ́na ɔbámɔ́kɔ́nɛ́na befúúménénú tɛ́ka na hɛkɔma, banɔ́ e mbuumu noómi eé buúse bɔ́ Bandɔ́mɛsɛ́.

1 Sáaŋ 2:29

Ahɛ́ nu ŋe nú menyi anyía wáŋa atálɛ́mánánɔ́ yɛ́ ɔɔcɔ eé buúse bɔ́ Bandɔ́mɛsɛ́, énu menyí tɔ́na anyía ɔɔcɔ okime awɔ́ u ŋa kɛ́la bɛsana a bɛtálɛ́mánánɔ́ áŋa uuyé ɔɔ́nɔ́.

1 Sáaŋ 2:3

Mbɔ́kɔ tu naŋa tuasɔ́ látákɛ́na *bikotí bɛ́ Bandɔ́mɛsɛ́, bú ŋo tóŋínyi anyía tu ŋe sú wuúci menyi bɔmbányɛ.

1 Sáaŋ 3:7

Banɔ́, báámɛ baáná, ta ɔɔcɔ tɛ banɔ́ néŋe. Ɔɔcɔ okime awɔ́ u naŋa waá kɛ́laka bɛtálɛ́mánánɔ́ bɛ́ bɛsana áŋa atálɛ́mánánɔ́ yɛ́ ɔɔcɔ i iŋetí ci Yésus Kilís, wuúci wáŋa atálɛ́mánánɔ́ yɛ́ ɔɔcɔ.