Lúkas 1:32 - Nomaande

³² U káá bá ɔɔcɔ a waáŋá, bé wuúci lɔ́ŋɔ anyía Ɔɔ́nɔ́ u Bandɔ́mɛsɛ́ a wáŋa fáátɛ ɔ Ɔmuaná. Otéŋí a Waáŋá Bandɔ́mɛsɛ́ kéé wuúci limisinyi a nɔkɔná nɔ́ cíáyɛ́ sɔ́kɔ́nɔ́ Táfit.

Lúkas 1:32 Iomraidhean Croise

Matío 1:1

Ɛnjɔ́ɔ cɛ ɔbɔ́ta ú *Yésus *Kilís, *Ɔɔ́nɔ́ u Táfit, a wáŋa ɔɔ́nɔ́ u *Abɛ́laham :

Matío 12:42

Buáyá, oónjú awɔ́ u ŋaá bá weé téŋgínyi bunɔŋɔ bɔ́ Sába ŋa ka hátɔ́na haaca anyía ú ka lɔ́kɔ́máka bɛsana bí injiŋé abɛ́ Sálɔmɔn ŋaá bá waá kɔ́ɔnaka. Buátɛ́ bɔkɔ, ekúlú ayɛ́ Bandɔ́mɛsɛ́ kéé kélísíki baacɔ, oónjú oócí kéé túméke baacɔ bá hɛɛya eehi tɔkɔma, anyía ɔɔcɔ áŋa aaha awɔ́ u ŋa hɔ́la Sálɔmɔn. »

Matío 28:18

Aáná Yésus ŋeé bíkósíti náábɔ́, mbá ɔsɛ : « Bandɔ́mɛsɛ́ áŋa o mi iínjíénú makɛ́nda mekime me otéŋgínyi na ɔ ɔmuaná noómi na ɔ ɔmɛsɛ́ áyá.

Matío 3:11

Yaŋɔ́, ɛ ŋa mɛ́ banɔ́ óótine ne menyífé, bú tóŋgínyi anyía nú ma nɔ́ bɛ́kákálákɛ́na maanɔ́ maabɛ́ ; mbá ɔɔcɔ awɔ́ á mɛ hɔla a makɛ́nda kokóokó eémi e elime. Wuúci, u káá banɔ́ ootokine ne *Efúúménénú yí Elilé ne oocó ; ɛ tɛ ŋa mɛ́ nyɛmána ooci a wáŋa wu o wuúci sɔmɔkɔ bɛkandɛ́na a akɔlɔ́.

Malɛ́kus 14:61

Mbá Yésus ŋeé lésíkínyí hú mbuumu, ta ɔbɛ́káma ta bɔkɔ. Mutéŋínyi beluli nyiínjie a muáŋá ŋe túné é wuúci bícónyi ɔsɛ : « Ɔ ɔ́ŋa *Mesíi, Ɔɔ́nɔ́ u Bandɔ́mɛsɛ́ a wɔsáyábɛ́nánɔ́ e ? »

Malɛ́kus 5:7

U ŋá bɔmɛ́ta ɔsɛ : « Yésus, Ɔɔ́nɔ́ u Bandɔ́mɛsɛ́ a wáŋa waáŋá, asana ayɛ́ yaátɛ́ yááŋa na yaŋɔ́ na kuɔŋɔ́ e ? Cɔ́kɔ́lɛ eé nyiínyi nyɛ́ Bandɔ́mɛsɛ́, eti mi iínjíé muuyé. »

Lúkas 1:15

Yááŋa anyía u káá bá akɛ́ndánɔ́ yɛ́ ɔɔcɔ a nyɛlɛca nyí Otéŋí a Waáŋá. U ti ké búle á múána meluku mekime e mé ŋe hiíténe. U káá bá onyíóyónó ne *Efúúménénú yí Elilé o otúme a tɔɔna tú iinyí.

Lúkas 1:35

Elilé yɛ́sɛ : « *Efúúménénú yí Elilé káá fáaya nɔ́ɔ́wɔ, wó hiite nyifume. Yaátɛ́ asana ɔɔ́nɔ́ ewú u kéé bíbíéne káá bá ofúúménénú, wuúci Ɔɔ́nɔ́ u Bandɔ́mɛsɛ́.

Lúkas 1:76

Mbá kuɔŋɔ́, uumi ɔɔ́nɔ́, bé ké búle ɔ yɔ́ɔ lɔ́ŋɔ anyía *muhémúnyi bɛsana mɔ Bandɔ́mɛsɛ́, ooci awɔ́ á hɔ́láka baacɔ bekime ɔ Ɔmuaná, anyía ɔ kɔ́ɔ́ cáŋa ɔfaaya ne Otéŋí a Waáŋá ɔ ɔkɔtábɔ́na úúyé ohónyí.

Lúkas 3:16

Mbá ɔsɛ náábɔ́ : « Yaŋɔ́ ɛ ŋa mɛ́ banɔ́ óótine ne menyífé ; mbá ɔɔcɔ awɔ́ á mɛ hɔla a makɛ́nda kokóokó eémi e elime : Ɛ tɛ ŋa mɛ́ nyɛmána ooci a wáŋa wu ohembuleke tukolí tɔ́ bíáyɛ́ bɛkandɛ́na. Wuúci oócí u káá banɔ́ óotokine ne *Efúúménénú yí Elilé ne oocó.

Lúkas 6:35

Mbá ɛ ŋa mɛ́ banɔ́ láana anyía énu lénéke báánɔ́ beliŋine, énu beébe kɛláka bɔmbányɛ, nu beébe foliki, nuti bíkéti anyía bá ká bɔ banɔ́ hélúmúnyínyi. Nu ká nɔ́ bɔ́ŋɔ bɛnamá biéŋí, nuɔ́ bámɔ́kɔ́na baáná bá Bandɔ́mɛsɛ́ fáátɛ ɔ Ɔmuaná, u kɛlaka bɔmbányɛ a aháŋá ná baŋákɔ́ŋákɔ na baŋána.

Sáaŋ 12:34

Baacɔ ŋe bú wuúci bɛ́kámá báyɛ : « E nufule nú *bikotí bɔ́ ŋɔ yɔ́ɔ́ŋɔ́kɔ́ anyía *Mesíi kéé líhéke tɛ́ka ne nyióndi. Kuɔŋɔ́, ɔ ŋɔɔ́ kɔɔna náányia, asɛ : “Bé kéé bééti Ɔɔ́nɔ́ u ɔɔcɔ”. Ɔɔ́nɔ́ u ɔɔcɔ waátákána ɛ́cɛ aányɛ́ e ? »

Sáaŋ 6:69

Tú ma sɔ́ hákɛ́na mɔŋɔlɛ́ nɔ́ɔ́wɔ, túó ményi tɔ́na anyía ɔ ɔ́ŋa Ofúúménénú u Bandɔ́mɛsɛ́. »

Buólí 16:17

Aáná ɔbɔ́la oócí ŋaá bá waá basɔ́ látákɛ́na na basɔ́ ne Bóol, u húlé kɔ́ɔnaka okelú ɔ ɔmuaná ɔsɛ : « Baacɔ eebe á bɔ́ŋa bɔnyiɔnɔ bá Bandɔ́mɛsɛ́ a wáŋa fáátɛ ɔ Ɔmuaná ; bá ŋa bɔ́ banɔ́ húlinyi bɛsana a bɛ́áŋa bɛ́ ɔ banɔ́ iínjíékíne olíhe. »

Buólí 2:30

Asana ɔ́mɔtɛ́, ekúlú ayɛ́ u ŋaá bá wa yánaŋa o olíhe, u ŋaá bá muhémúnyi bɛsana mɔ Bandɔ́mɛsɛ́, u ŋaá bá weé menyukune ɛndána acɛ́ Bandɔ́mɛsɛ́ ŋeé wuúci bɛ́tánɛ́ná, yɔ́ súátɛ́na anyía u kéé bééti ɔɔcɔ ɔmɔtɛ́ u hííyé hɛnyɛ́nɔ́ otéŋí a núáyɛ́ nɔkɔná.

Buólí 2:36

Buátɛ́ bɔkɔ, banɔ́ baacɔ bé Islayɛ́l, énu menyí bɔmbányɛ bɔmbányɛ anyía Bandɔ́mɛsɛ́ ŋɔɔ́ lɔ́tɔ́ Yésus awɔ́ nu ŋa nɔ́ aátákɛ́ná ɔ ɔmbásá anyía wáá bá wuúci Mesíi, wuúci tɔ́na Otéŋí a Waáŋá ! »

Buólí 7:48

Mbá ta híáná, Bandɔ́mɛsɛ́ a wáŋa fáátɛ ɔ Ɔmuaná ti ŋé límine a anamá cé meébe ekime acɛ́ baacɔ ŋa bɔ́ fálɛfaka. Híáná muhémúnyi bɛsana mɔ Bandɔ́mɛsɛ́ ŋaá kɔ́ɔ́na mɔsɛ :

Nyɛnambɔnɛna nyɛ́ bɛsana 3:7

« Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hí Fɛlátɛ́lɛ́fi anyía : “Ooci a wáŋa ofúúménénú, wuúci atálɛ́mánánɔ́ yɛ́ ɔɔcɔ eé buúse bɔ́ Bandɔ́mɛsɛ́, wuúci ne tulibe tɔ́ Táfit e úúye ɔɔbɔ́ ; wáŋa anyía wéé kúune ehenyi, ɔɔcɔ u etémbí tɛ á bá wu o yiíyi kueye ; wéé yiíyi kuéye, ɔɔcɔ u etémbí ti yiíyi kuúne; wuúci u ŋa kɔɔna ɔsɛ :