Lúkas 1:20 - Nomaande

²⁰ Mbá kuɔŋɔ́ te olumitinine maamɛ mehúnyi, meéme eémé ma káá bɛ́kɛ́láka e ekúlú ayɛ́ á yɛnyɛmánánɔ́ ; yaátɛ́ asana o kóó limine múkúmúku, a tɛ táŋa, ɔ ɔkɔɔ́háma buɔ́sɛ́ abɔ́ bɛsana eébí ká bɛ́kɛ́láka. »

Lúkas 1:20 Iomraidhean Croise

Malɛ́kus 16:14

E elime eécí, Yésus ŋé bíóndísínyi obítóŋínyi ná bááyɛ́ *baákɔ́nɛ́na bɔ́ɔ́hátá na ɔmɔtɛ́, beébe ɔ ɔnyíá ; yó beébe kákálákɛ́na anyía bá ŋa bɔ́ bá ne isuŋí na bɛnatákánɔ́ bɛ́ ɛtɛ́má, ananyía bé ti ómo bú lumitinine ɔtáŋa ú baacɔ e bé ŋe bú wuúci lɛcáka ɛ́cɛ ú ma háanyua o owé.

Malɛ́kus 9:19

Mbá Yésus ɔsɛ náábɔ́ : « Ééʼ, banɔ́ be-ti-lumítíníne eebe ! Ɔ ɔkɔɔ́háma nyíényí ɛ ká mɛ bá ɔlɔŋɔ na banɔ́ e ? Ɔ ɔkɔɔ́háma nyíényí ɛ ká mɛ banɔ́ eéhíkínyínyi e ? Énu mi héléníne ɔɔ́nɔmbɔ́ oócí aaha ! »

Lúkas 1:19

Mbá elilé yɛ́ bɔsɔ́ma yɛ́sɛ : « Ya mɛ́ŋa Kabiliyɛl, ɛ náŋa yámɛ tálɛ́mákɛ́na eé buúse bɔ́ Bandɔ́mɛsɛ́ o o wuúci kɛlɛna masɔ́ma ; wuúci wá mɛ tɔ́ma nɔ́ɔ́wɔ anyía yámɛ ɔ laána ambányɛ yɛ́ ɛsɔ́ma eéyé.

Lúkas 1:21

Ekúlú eéyé, nyɛkɔca nyɛ́ baacɔ a nyɛ́ ŋaá bá nyɛ́ á tátáka Sakali ŋeé kéké, anyía u ŋeé líhéke buéŋí eé Ciíbe cɛ Bandɔ́mɛsɛ́.

Lúkas 1:22

Mbá ayɛ́ ú ŋa háma a nɔháatɛ́, u tɛ háná táŋa ne beébe ; aáná bé ŋe bú menyí anyía wáŋa ɔlɛcánɔ́ ekéki yɛ́ bɔkɔ eé Ciíbe. U ŋaá bá wá táŋáka ne beébe hú na aabá, u ŋé limíne múkúmúku.

Lúkas 1:45

Ɔ ɔ́ŋa ɔmbányɛ anyía ó moó lumitinine anyía bɛsana ebí *elilé yɛ́ bɔsɔ́ma yɛ́ Bandɔ́mɛsɛ́ ŋɔ yɔ́ɔ laakɛna e nyiínyi nyɛ́ Bandɔ́mɛsɛ́ káá bɛ́kɛ́láka. »

Lúkas 1:64

Hí e ekúlú eéyé Sakali ŋa háná é túmé ɔtáŋa, u nyemiki Bandɔ́mɛsɛ́ okelú ɔ ɔmuaná.

Lóom 3:3

Mbá anyána aná, mbɔ́kɔ báábɔ́ baacɔ a bɔ́mɔtɛ́ ti ómo bú lúmitinine bɛsana eébí, yiíyi yí ŋo tóŋínyi tɔ́na anyía Bandɔ́mɛsɛ́ áŋa wu olimine, u ti nyíóyísínyi cááyɛ́ esúŋe e ?

2 Timoté 2:13

Mbɔ́kɔ tu ti ŋé sú nyióyísínyi cíísú ɛndána nááyá, wuúci u ŋó nyióyísínyi cííyé ɛndána bikúlú bikime, ananyía u tɛ a bá wu ɔlɔbɔ u ti nyióyísínyi nyíáyɛ́ nyɛkɔɔna.

Tite 1:2

bɔ́ hákɛ́na mɔŋɔlɛ́ ɔɔ́ yɔɔ́sɔɔ́sɔ yí olíhe yí ekúlú ekime. Bandɔ́mɛsɛ́ ŋaá basɔ́ bɛ́tánɛ́ná olíhe oócí ɛ́cɛ u ti ŋe kéti na ɔmuaná na ɔmɛsɛ́, u naŋa u ti é néŋéne.

Ebélé 6:18

Híáná bɛnyɛ́ma áŋa bífendí a bɛ́ tɛ á bá bɛ́ ɔbɛ́nyɔ́kɔ́tɔ́na ta buɔ́sɛ́, anyía ú tɛ á bá we onéŋe. Bɛ́áŋa anyía bɔkɔ abɔ́ ú ŋaá bɛ́tána, na ɔsúátɛ́na awɔ́ ú ŋaá súátɛ́na. Bɛ́ ŋaá basɔ́ iínjíé makɛ́nda ɛ ɛtɛ́má, tuɔ́ kɔ bɛ́námba ɔɔ́ mɔɔyɔ́ ma Bandɔ́mɛsɛ́ ; tuɔ́ cɔba ne buúse ɔ ɔháya mɔŋɔlɛ́ a bɔkɔ abɔ́ ú ŋaá basɔ́ bɛ́tánɛ́na.

Nyɛnambɔnɛna nyɛ́ bɛsana 3:19

Ɛ naŋa yámɛ kákálákɛ́na, i bɔ́nɔ́sɛ́áka eebe bekime ebé i ŋeé mi léne. Yaátɛ́ asana bíínjíé na makɛ́nda mekime o olumitinine, mbá a bɛ́kákálákɛ́na búɔ́wɔ bɔɔbɛ́, mbá a sɔ́mba ɔkɔlɔ́ eé buúbu.