Lúkas 1:2 - Nomaande

² Bé ŋe bú biíbi ɔɔ́ŋɔ́kɔ háyɛ baacɔ e bé ŋe bú biíbi lɛcáka e nyitúme ŋa bɔ́ basɔ́ láákɛ́na ; beébe eébé bá ŋa bɔ́ bá behúli Ambányɛ yɛ́ Ɛsɔ́ma.

Lúkas 1:2 Iomraidhean Croise

Malɛ́kus 1:1

Nyitúme nyɛ́ Ambányɛ yɛ́ Ɛsɔ́ma yí *Yésus *Kilís, Ɔɔ́nɔ́ u *Bandɔ́mɛsɛ́.

Malɛ́kus 16:20

Aáná baákɔ́nɛ́na ŋa bɔ́ cɔ́bá o o húle húlinyi baacɔ Ambányɛ yɛ́ Ɛsɔ́ma haála hekime. Otéŋí a Waáŋá ŋaá bá ne beébe e buólí eébú, we oónyísíkínyi Ambányɛ yɛ́ Ɛsɔ́ma ne bikéki bí tubílícínyínyí abɛ́ bá ŋa bɔ́ bá bábɔ́ kɛ́laka.]

Malɛ́kus 4:14

Mumiene moohó áŋa háyɛ ɔɔcɔ ewú u ŋe húlinyi baacɔ Ambányɛ yɛ́ Ɛsɔ́ma.

Lúkas 24:48

Nu ká nɔ́ hákɛ́na ɛmbasɔ́ a bɛsana eébí.

Sáaŋ 15:27

Ta banɔ́ tɔ́na nu ká nɔ́ kɔ́ɔnaka yáámɛ asana anyía hí e nyitúméke nuanɔ́ báka na yaŋɔ́. »

Sáaŋ 16:4

Ɛ ŋa mɛ́ banɔ́ láana ɔtáŋa ooci anyía ɛkákɛ́la ekúlú á kaá háma, ekúlú yáábɔ́ yɛ́ ɔbɛ́kɛ́lákɛ́na a nyɛnamá eényí, núɔ́ bɛ́táá anyía ɛ́ ŋá mɛ caŋácáŋa ɔ banɔ́ láakɛna aáná. Ɛ tɛ ɔ́mɔ́ cáŋacaŋa ɔ banɔ́ láana bɛsana eebi hí e nyitúméke anyía ɛ́ ŋá mɛ bá ɔlɔŋɔ na banɔ́.

Buólí 1:3

E elime ci muuyé amɔ́ ú ŋaá lɔ́kɔ́máká, u ŋé wé. Mbá u ŋa háányúá e biwéewé, yó bítóŋgínyi bɔmbányɛ bɔmbányɛ náábɔ́ a mɔɔ́sɛ́ etíne éfendí bikúlú biéŋí, anyía bébú ményi anyía wáŋa wɔɔ́sɔ ; u ŋeé beébe bíkétíkínyi bɛsana a bɛ́ ŋa lɛ́ca *Butéŋí bɔ́ Bandɔ́mɛsɛ́.

Buólí 1:8

Asana ɔ́mɔtɛ́, Bandɔ́mɛsɛ́ káá banɔ́ iínjie makɛ́nda ekúlú eyí *Efúúménénú yí Elilé ké yóofine náánɔ́, nu ká nɔ́ bámɔ́kɔ́nɛ́na báámɛ bambasɔ́mbásɔ, núo bíkétíkínyi baacɔ bɛsana ebí nú ŋe nú menyi aámɛ a asana, o otúme e Yelúsalɛm, ɔ ɔháma i iisí ne ci *Yuté ikime na cɛ *Samalí, ɔ ɔkɔɔ́háma ɔ mɔnɔŋɔ mekime me nyióndi ma ɔmɛsɛ́ ooci. »

Buólí 14:25

Bé ŋe bú hulíkínyi baacɔ bá bálɛ́ka cɛ Bɛ́ɛsɛ Ambányɛ yɛ́ Ɛsɔ́ma, bɔ́ ŋɔ́ lɔɔ́kɔ a Atali.

Buólí 16:6

Bá ŋa sɛ́ bé ke bú húlíkínyi baacɔ bé ekéti yí iisí yɛ́ Asi bɛsana bɛ́ Bandɔ́mɛsɛ́, mbá Efúúménénú yí Elilé ŋeé beébe kotí. Buátɛ́ bɔkɔ bá ŋa bɔ́ hɔ́láka ci ohónyí, bá tɛ tálɛ́mɛ́na i iisí ne ci Filiki na cɛ Kalasi.

Buólí 17:11

Besuif bá bálɛ́ka ci Belée ŋa bɔ́ bá na ambányɛ́kɛ́ yɛ́ ɔtɛ́má ɔ ɔhɔla bɔsɔ́ɔ́kɔ́ bá Tɛsaloníke. Bé ŋe tényí ebú lúmitinine Ambányɛ yɛ́ Ɛsɔ́ma. Aáná bé ŋe bú túmé ɔwaákɔ́nɛ́na Ciɔɔ́ŋɛ́ cɛ́ Bandɔ́mɛsɛ́ mɔɔ́sɛ́ mekime anyía bábɔ́ lɛ́ca mbɔ́kɔ bɛsana ebí Bóol ŋaá bá weé beébe laakɛna áŋa taaká.

Buólí 26:16

mbá ta híáná, hatɔ́na ɛndánáka ; asana ayɛ́ ɛ́ ma mɛ́ kɛla anyía ɔ́ɔ mɛ lɛca áŋa anyía ɔ ŋɔ́ɔ nyɛmána wu ɔbámɔ́kɔ́na muamɛ munyiɔnɔ. Ɔ kɔ́ɔ́ bá uumi ɔmbasɔ́mbásɔ anyía óo bíkétíkínyi baacɔ anyána ɔ́ mɔ mɛ́ lɛca hɛ́nánɔ ; o kóó beébe bíkétíkínyi tɔ́na bɛsana ebí i ké mí o tóŋgínyi.

Buólí 4:20

Tu tɛ asɔ́ bá tú okine obíkétínyi baacɔ bɛsana abɛ́ tú ŋa sɔ́ lɛ́caka, túɔ́ lɔ́kɔ́máka tɔ́na. »

Buólí 8:4

Aáná belumitinine a bá ŋa bɔ́ sáásíáka ŋaá bá bé húlé ebú húlikinyi baacɔ Ambányɛ yɛ́ Ɛsɔ́ma bɛhaála bɛhaála.

Lóom 15:16

U ŋeé mi télímínyí munyiɔnɔ mu Yésus *Kilís ɛ ɛkatɛ́katɛ́ cɛ baacɔ a bá tɛ ábɔ́ bá *Besuif o o beébe hulinyi yááyɛ́ Ambányɛ yɛ́ Ɛsɔ́ma ɔ ɔkɛla anyía bábɔ́ bɛ́cáŋáka háyɛ *abɛ́sámbá e yí ŋeé wuúci bíléníne. Yiíye eéyé *Efúúménénú yí Elilé ŋé fúúmínyi.

1 Kɔlɛ́ɛntɛ 4:1

Ɛ́náʼo, baacɔ ŋá bɔ́ nyɛmána bá ɔ basɔ́ híiteke yáaŋa háyɛ bɔnyiɔnɔ bé *Kilís, basɔ́ tɔ́na betétényi injibí cɛ́ bɛsana cɛ́ Bandɔ́mɛsɛ́ a cɛnambákánɔ́.

Ebélé 2:3

Mbá basɔ́ tua sɔ́ŋa balɔ́kɔ́mákánɔ́ bɛandándá bɛ́ bɛsana a bɛ́ a hɔ́la : Biíbi bɛ́ ŋá basɔ́ nóhi, mbá anyána tua sɔ́ŋa tú ɔsámbáka muuyé a mɔ́ á basɔ́ nyɛmána, mbɔ́kɔ tu ŋa sɔ́ nɔ́kɔ *bikotí, tu ti biíbi lɔ́kɔ́mɛ́na e ? Otéŋí a Waáŋá bɛ́muátá ú ŋa cáŋacáŋa ohuliki bɛsana a bɛ́ ŋa basɔ́ nóhi. Baacɔ a bá ŋa bɔ́ lɔ́kɔ́máka bɛsana eébí ŋa bɔ́ hákɛ́na ɛmbasɔ́ anyía bíáŋa taaká cɛ́ bɛsana.

1 Bíel 5:1

Aámbáya aná, ɛ ŋaá mɛ́ banɔ́ kíndísi, banɔ́ bekendisi tuɔ́bɔ tú belumitinine ɛsɛ́ : Énu sókóbíki bɔmbányɛ belumitinine abá Bandɔ́mɛsɛ́ ŋaá banɔ́ iínjiekine, nu beébe sókóbíki i iŋetí ci besókóbi bitúké. Ya mɛ́ŋa tɔ́na mukendisi hiɔ́bɔ hí belumitinine, yaŋɔ́ tɔ́na ɔmbasɔ́mbásɔ u indekese ecí *Kilís ŋeé hiítéke. Na yaŋɔ́ na banɔ́, tu ká sɔ́ bámɔ́kɔ́na na nuafa e nuúmi nú Kilís anɔ́ Bandɔ́mɛsɛ́ kóó tóŋínyi baacɔ. Énu sókóbíki belumitinine, tɛ́ cáŋa e yeékínyi ɔ ɔmuaná mbá e nyiléne noómi háyɛ bú ŋeé bíléníne Bandɔ́mɛsɛ́ ; tɛ́ cáŋa ɔ hɔ́mákɛ́na mɔɔnyɛ́, mbá na ambányɛ yɛ́ ɔtɛ́má.

2 Bíel 1:16

Yááŋa anyía tú ŋa sɔ́ banɔ́ láákɛ́na anyána uusú Otéŋí a Waáŋá Yésus Kilís ŋa kaá fááya na maayɛ́ makɛ́nda ; tu tɛ ɔ́mɔ sɔ́ banɔ́ láakɛna na bɛmbányɛ bí tuhélúméke bí injiŋé cɛ baacɔ, mbá anyía cáásɔ́ eése cá bɛ́muátá ŋaá lɛ́cáka búáyɛ́ buáŋá.