Lúkas 1:17 - Nomaande

¹⁷ U káá cáŋa a faaya né Otéŋí a Waáŋá. U káá bá onyíóyónó ne Elilé yɛ́ Bandɔ́mɛsɛ́ na makɛ́nda bɔkɔ búmɔtɛ́ háyɛ *muhémúnyi bɛsana Éli, anyía wɔ́ kɔ́ŋɔ́náka ɛtɛ́má cí síkíne o oléne báábɔ́ baáná, yó lébéke ba-tɛ-lɔ́kɔ́mɛ́na Bandɔ́mɛsɛ́ anyía bá bámɔ́kɔ́na ne injiŋé, bɔ́ bɛ́cáŋáka bɛtálɛ́mánánɔ́ bɛ́ baacɔ. U káá bándáka bunɔŋɔ bɔ́ baacɔ a bɔ́ káá bá bɔbɛ́tábɔ́nákánɔ́ o onyemi Otéŋí a Waáŋá. »

Lúkas 1:17 Iomraidhean Croise

Matío 11:14

Mbɔ́kɔ nu ŋe nú léne olumitine anyía nyiámɛ nyɛkɔɔna áŋa taaká, énu menyi anyía Sáaŋ áŋa Éli, oócí awɔ́ bá ŋaá bá bá tátáka nyɛfaaya.

Matío 14:4

U ŋaá kɛ́la aáná anyía Sáaŋ ŋaá bá weé wuúci laakɛna ɔsɛ : « Okotí ti ŋó yóo wiínjie makɛ́nda ma ɔbátɛ́na oónyí u uuwe onúséyé. »

Matío 3:3

Sáaŋ áŋa waátákána ɔɔcɔ ewú *muhémúnyi bɛsana mɔ Bandɔ́mɛsɛ́, *Ɛsayí, ŋaá kɔɔ́náka yááyɛ́ asana ɔsɛ : « Ɔɔcɔ ŋo sóbi okelú ɔ ɔmuaná i iisí cɛ ɔsɛ́bɛ́á ɔsɛ : “Ánɔ tábɔ́náka ohónyí ú Otéŋí a Waáŋá ; énu nyimíkínyi cííyí ihényí.” »

Matío 3:4

Sáaŋ ŋaá bá waá láŋabaka bɔlaka a bɔ́ ŋaá bá bunuákánɔ́ na bɛhɔcá bɛ́ ɛnyama acɛ́ bɔ́ ŋɔɔ́ lɔ́ŋɔ anyía samó ; u bísúŋéke kandá cɛ yɔɔfa a nɔsɛ́ŋá. U ŋaá bá waá nyíáka na bɛtandá na buɔ́yɔ́ abɔ́ u ŋaá bá u húle ɔ́ bɔ́ŋgɔ́na.

Lúkas 1:16

U káá kɛla anyía baacɔ beéŋí bé *Islayɛ́l á ka hálɔ́mɔ́na, mbá bá cɔ́baka ná ciabɔ́ Síkíne Bandɔ́mɛsɛ́.

Lúkas 1:76

Mbá kuɔŋɔ́, uumi ɔɔ́nɔ́, bé ké búle ɔ yɔ́ɔ lɔ́ŋɔ anyía *muhémúnyi bɛsana mɔ Bandɔ́mɛsɛ́, ooci awɔ́ á hɔ́láka baacɔ bekime ɔ Ɔmuaná, anyía ɔ kɔ́ɔ́ cáŋa ɔfaaya ne Otéŋí a Waáŋá ɔ ɔkɔtábɔ́na úúyé ohónyí.

Sáaŋ 1:13

Bé ti ómó bú bíbíéne háyɛ baacɔ náŋa bébú bíbíénéke, ɛ́cɛ anyía tɛ́ cáŋa e nyiléne nyɛ́ baacɔ, mbá Bandɔ́mɛsɛ́ bɛ́muátá u ŋeé beébe ceŋísíki bááyɛ́ baáná.

Sáaŋ 1:34

Yaŋɔ́, ɛ ŋá mɛ́ lɛca anyía bɛsana eébí maá háma taaká. Buátɛ́ bɔkɔ ɛ ŋaá mɛ́ háya ɛmbasɔ́ anyía ɔɔcɔ ooci áŋa Ɔɔ́nɔ́ u Bandɔ́mɛsɛ́. »

Sáaŋ 3:28

Banɔ́ bɛ́muátá nua nɔ́ŋa nú ɔ mɛ háyɛ́na ɛmbasɔ́ anyía ɛ ŋa mɛ́ kɔɔ́na ɛsɛ́ : Ɛ tɛ ámɛ bá *Mesíi, mbá bá ŋaá mɛ tɔ́ma anyía yámɛ caŋácáŋa ɔfaaya eé buúse ne wuúci.

Buólí 10:33

Ɛ ŋaá mɛ tɔ́ma ɔ ɔtɔ́ma baacɔ ɔ ɔkɔɔ́ kuɔŋɔ́ lɔ́ŋɛ́ta. Ɔ́ mɔɔ́ kɛla bɔmbányɛ háyɛ ɔ́ mɔɔ́ faáya. Aámbáya basɔ́ eebe eé buúse bɔ́ Bandɔ́mɛsɛ́ anyía túásɔ́ lɔ́kɔ́máka bɛsana bikime ebí Otéŋí a Waáŋá ɔ́ yɔ́ɔ laakɛna anyía ɔ́ɔ basɔ́ húlíkínyi. »

Lóom 9:23

U ŋoó tóŋínyi tɔ́na baacɔ nyɛnamá anyɛ́ yááyɛ́ yaála yí nuubo áŋa yeéŋí a yáásɔ́ aháŋá, basɔ́ abá u ŋaá basɔ́ bɛ́cáma mahana. U ŋaá cáŋa ɔ basɔ́ tabɔ́nɛ́na yaáláka yɛ́ núáyɛ́ nuúmi.

Kolóso 1:12

Énu íínjíékíne Bandɔ́mɛsɛ́ ciasɔ́ Síkíne bitéŋíti. Wuúci u ŋaá banɔ́ íinjie makɛ́nda ma ɔbámɔ́kɔ́na na nuafa a bɛsana abɛ́ u ŋaá tábɔ́nákɛ́ná bááyɛ́ baacɔ a haála ehé eese ŋá nɔ́ma.

2 Timoté 2:21

Híáná, mbɔ́kɔ ɔɔcɔ ŋeé bítétényi ofúúménénú, yó bíkíilie bɔɔbɛ́ eébú, u káá bá háyɛ bɛtáyá bɛ́ ɔnyíákɛ́na a bɛmbányɛ abɛ́ bá ŋa bɛ́kɛ́lɛ́na a taaká cɛ buɔ́sɛ́. Aáhá Síkíne kéé wuúci háya a maabána anyía waáta ɔɔcɔ ŋeé wuúci ɔ́ɔ́lɔ ; wáŋa hoóhi ne o wuúci nyiɔkɛna buólí a bɔmbányɛ bukime.

1 Bíel 2:9

Mbá, aá banɔ́, nua nɔ́ŋa hɛnyɛ́nɔ́ ahɛ́ Bandɔ́mɛsɛ́ ŋɔɔ́ lɔ́tɔ, banɔ́ beluli nyiínjie e bé ŋe bú lúlinyi Otéŋí a Waáŋá bɛnyɛ́ma. Nua núáŋa tɔ́na efúúménénú yɛ́ bunɔŋɔ a yɛ́ ŋaá bɛ́lɔ́kɔ́mɛ́na Bandɔ́mɛsɛ́. U ŋaá banɔ́ lɔ́tɔ́kɔ́ anyía nuénú húlíkínyi baacɔ bɛmbányɛ́kɛ́ bɛ́ bɛsana abɛ́ u ŋaá kɛlaka, ananyía u ŋaá banɔ́ aáŋíáka o olíhe ú ibíne noómi, yɔ́ banɔ́ hákɛ́na e uúyé olíhe ú eese noómi.

1 Sáaŋ 2:28

Yaátɛ́ asana aná, banɔ́ báámɛ baáná, énu limíne e nyimónjóló ne *Kilís, ananyía ekúlú ayɛ́ u ká ka hálɔ́mɔ́na, tu ká sɔ́ bámɔ́kɔ́na o moyóyónó, tu tɛ lɔ́kɔ́ma aatɔ́ ɔlama eeyé eé buúse.

Nyɛnambɔnɛna nyɛ́ bɛsana 20:4

E elime eécí, ɛ ŋá lɛcá tɔkɔná. Baacɔ a bá ŋa bɔ́ bá limekine hɔ́á, bé ŋeé beébe iínjíékíne makɛ́nda me okélísíki baacɔ. Míɔ lɛcá tɔ́na tɔtányɛ́ tɔ́ baacɔ abá bá ŋaá cáláká bɛɛtɔ́ a asana na nyíábɔ́ nyibíínjie, bó lumitekinine Bɛsana bɛ́ Bandɔ́mɛsɛ́, na a asana yɛ́ taaká ecí Yésus ŋaá námbɔ́nákɛ́na baacɔ. Beébe eébé bó ti ómo bú nyemi múálá, ta ɔbɔ́kɔ́bɔ́kɔ yí hííyé hibílícínyínyí ; baacɔ te o beébe bílícínyínyi ta tɔbɔlɔ mbá ta aabá. Bá ŋa bɔ́ háányuaka e biwéewé, Bandɔ́mɛsɛ́ yó beébe iínjíékíne makɛ́nda me otéŋgínyi baacɔ ɔlɔŋɔ ne *Kilís a tuɔŋɔ tɔ́sɛ́na ɛ́mɔtɛ́.