Lúkas 1:1 - Nomaande

¹ Tiofil, woómóomo u ɔɔcɔ ! O ŋoó menyi anyía baacɔ beéŋí ŋa bɔ́ bɛ́kánáka ɔwɔɔ́ŋɔ tufule a bɛsana a bɛ́ ŋaá bɛ́kɛ́láka aasɔ́ ɛ ɛkatɛ́katɛ́.

Lúkas 1:1 Iomraidhean Croise

Malɛ́kus 16:20

Aáná baákɔ́nɛ́na ŋa bɔ́ cɔ́bá o o húle húlinyi baacɔ Ambányɛ yɛ́ Ɛsɔ́ma haála hekime. Otéŋí a Waáŋá ŋaá bá ne beébe e buólí eébú, we oónyísíkínyi Ambányɛ yɛ́ Ɛsɔ́ma ne bikéki bí tubílícínyínyí abɛ́ bá ŋa bɔ́ bá bábɔ́ kɛ́laka.]

Sáaŋ 20:31

Mbá bɛsana eebi a bɛ́áŋa bɛɔ́ŋɔ́kɔ́nɔ́ e nufule eenu áŋa anyía núénú lumítíníne anyía Yésus áŋa *Mesíi, Ɔɔ́nɔ́ u Bandɔ́mɛsɛ́. Mbɔ́kɔ nu ŋá nɔ́ háya mɔŋɔlɛ́ nááyá, nááyá nu ká nɔ́ kándɛna, núɔ́ bámɔ́kɔ́na ne olíhe.

Lóom 14:5

Yááŋa anyíaʼo, baacɔ a bɔ́mɔtɛ́ ŋa bɔ́ lɛ́ca anyía mɔɔ́sɛ́ ŋa hɔ́lana ; mbá ɔ bɔ́mɔtɛ́ ábɔ́ lɛ́caka anyía mɔɔ́sɛ́ mekime áŋa bɔkɔ búmɔtɛ́. Aáná ɔɔcɔ okime á nyɛ́mána wu omenyi bɔmbányɛ bɔmbányɛ aátɛ́ u ŋa bɛ́táá e úúyé ɔtɛ́má noómi.

Lóom 4:21

U menyukune bɔmbányɛ bɔmbányɛ anyía Bandɔ́mɛsɛ́ áŋa na makɛ́nda me onyíóyísínyi bɔkɔ ebú u ŋeé wuúci bɛ́tánɛ́ná.

Kolóso 2:2

Ɛ ŋa mɛ́ nua aáná anyía na banɔ́ ne beébe nuánɔ́ bámɔ́kɔ́na na ɛtɛ́má cɛɔ́nɛ́nánɔ́, nu lénékéne e nyimónjóló noómi. Aáná nu ká nɔ́ lɔ́kɔ́máka bɔmbányɛ bɔmbányɛ asana ayɛ́ Bandɔ́mɛsɛ́ ŋaá bátɛ́ná indiitie, nuó yiíyi menyi bɔmbányɛ bɔmbányɛ, yiíyi yááŋa Kilís.

Kolóso 4:12

Ɛbáfas a wáŋa uunú ɔɔcɔ a wɔ́mɔtɛ́, ŋaá banɔ́ téŋi. U ŋɔɔ́ nyiɔ buólí bú Yésus Kilís. Ú meé bíínjíe na makɛ́nda ɔ ɔbɛ́cɔ́kɔ́lɛ́na Bandɔ́mɛsɛ́ eenú eé buúse anyía nuénú lúmitinine na makɛ́nda, nu kɔmaka o ohónyí ú Bandɔ́mɛsɛ́, nu menyukune bɔmbányɛ bɔmbányɛ aátɛ́ Bandɔ́mɛsɛ́ ŋa yáamba anyía nuánɔ́ kɛ́láka.

1 Tɛsaloníke 1:5

Tu ŋe sú ményi aáná, anyía tu tɛ ɔ́mɔ sɔ́ banɔ́ húlikinyi Ambányɛ yɛ́ Ɛsɔ́ma hú ne nyuúté, mbá a makɛ́nda me *Efúúménénú yí Elilé, tu menyukune anyía bɛsana eébí áŋa taaká. Banɔ́ bɛ́muátá, nu ŋe nú ményi yáásɔ́ ambányɛ yɛ́ nyɛbɛ́kɛ́lɛ́na, ekúlú ayɛ́ tu ŋa sɔ́ bá aanɔ́ ɛ ɛkatɛ́katɛ́ a asana na búánɔ́ bɔmbányɛ.

1 Timoté 3:16

Asana eéyé ayɛ́ Bandɔ́mɛsɛ́ ŋa námbɔ́nɛ́na baacɔ áŋa yaandándá yɛ́ asana, isuŋí tɛ á kɛla. Yááŋa asana yí Ooci awɔ́ ú ŋaá bɛ́cáŋa ɔɔcɔ, Elilé yó tóŋínyi anyía wáŋa ɔtálɛ́mánánɔ́, bililé bɛ́ masɔ́ma bɛ́ Bandɔ́mɛsɛ́ bíó wuúci lɛcaka, baacɔ bó húlíkínyi baacɔ abá bá tɛ ábɔ́ bá Besuif yááyɛ́ asana, biliminyi bɛ́ ɔmɛsɛ́ okime bá ɔhákɛ́na mɔŋɔlɛ́ nááyá, Bandɔ́mɛsɛ́ nyi wuúci bééti eényí ɔ Ɔmuaná aá haála hé nuúmi.

2 Timoté 4:17

Mbá ta híáná, Otéŋí a Waáŋá ŋaá bá hoóhi na yaŋɔ́, yó mi kíndísíki buéŋí anyía yémi hulíkínyi baacɔ bɔmbányɛ bíáyɛ́ bɛsana, bɛ́ ɔ lɔ́kɔ́mákána e eetú cá baacɔ bekime a bá tɛ ábɔ́ bá *Besuif. U ŋeé mi kétúnyíki e nyuúté nyí iŋgoyó.

Ebélé 10:22

Buátɛ́ bɔkɔ, túé bíkósíki ná Bandɔ́mɛsɛ́ na ɔtɛ́má okime na mɔŋɔlɛ́ ɔ ɔtɛ́má hú mbiɔ́kɛ, anyía Yésus me fúúmínyi túásɔ́ tɔcɔɔ́cɔ́ tɔ́ ɛtɛ́má na mááyɛ́ manɔ́ŋɔ́ ; ú ma súáka ciasɔ́ cɛɛ́tɔ ne menyífé e mefúúménénú.

Ebélé 6:11

Yaandándá yɛ́ asana ayɛ́ tú ŋa sɔ́ áamba ɔ banɔ́ laána áŋa anyía ɔɔcɔ okime aá banɔ́ á cɔba ne buúse ɔ ɔkɛla háyɛ nú ŋa nɔ́ kɛ́la ɔ ɔkɔɔ́háma a nyɛmana nyɛ́ ɔmɛsɛ́, anyía núánɔ́ bámɔ́kɔ́na na bɛsana abɛ́ nú ma nɔ́ háya mɔŋɔlɛ́ anyía Bandɔ́mɛsɛ́ ŋaá banɔ́ bɛ́tánɛ́ná.