Lóom 8:3 - Nomaande

³ Yááŋa anyía basɔ́, bɔnyɛ baacɔ, tu tɛ ɔmɔ́ sɔ́ bá na makɛ́nda ma ɔlátákɛ́na *bikotí bí *Moyís ; yaátɛ́ asana bɛ́ tɛ ɔ́mɔ́ bá na makɛ́nda ma ɔwaáŋɛ́áka maabɛ́. Mbá bɛsana ebí bikotí tɛ ɔ́mɔ́ bá na makɛ́nda ma ɔkɛlaka, Bandɔ́mɛsɛ́ ŋeé biíbi kɛlaka a nyɛtɔ́ma anyɛ́ u ŋaá tɔ́ma uuyé Ɔɔ́nɔ́. U ŋgeé bíbíéne ɔɔcɔ a ciasɔ́ ihúényínyí, basɔ́ baacɔ, anyía wáa basɔ́ háŋɔ́náka aasɔ́ a bɔɔbɛ́. Aáná Bandɔ́mɛsɛ́ ŋaá bɔ́sɔ́nɛ́na Kilís nyɛkua a yáásɔ́ asana ɔ ɔtábɔ́náka asana yɛ́ bɔɔbɛ́ bɔ́ baacɔ.

Lóom 8:3 Iomraidhean Croise

Malɛ́kus 15:27

Bá ŋa bɔ́ aátákɛ́ná tɔ́na baŋána béfendí ɛ ɛmbásá hoóhi ne wuúci : A wɔmɔtɛ́ ɔ ɔmbásá a wɔ́mɔtɛ́ a aháŋá yɛ́ ɔɔbɔ́ ú manɔ́mɛ, ooci a wɔmɔtɛ́ ɔ ɔmbásá a wɔ́mɔtɛ́ a aháŋá yɛ́ ɔɔbɔ́ ú meényi.

Sáaŋ 1:14

Buhúnyi ŋa bɛ́cáŋa ɔɔcɔ, ɔɔcɔ oócí ŋé limékíne aasɔ́ ɛ ɛkatɛ́katɛ́ na yááyɛ́ yaála yí nuubo ekime ; u basɔ́ tóŋgínyi taaká ikime, tu lɛcaka búáyɛ́ buáŋá, buáŋá e bú ŋé húle né Síkíne.

Sáaŋ 9:24

Ɛ́ɛhɛ́ Bafalisiɛ́ŋ ŋe túné ábɔ́ lɔ́ŋɛ́ta ɔɔcɔ awɔ́ u ŋa cáŋa á bá ondíméndíme, mbá báyɛ nááyá : « Kɔɔ́na taaká o owiínjie Bandɔ́mɛsɛ́ nuúmi : Tu ŋe sú ményi anyía ɔɔcɔ oócí áŋa mɔkɛla maabɛ́. »

Lóom 3:20

Yaátɛ́ asana yááŋa anyía Bandɔ́mɛsɛ́ tɛ káá kɛla anyía ta ɔɔcɔ ɔmɔtɛ́ á bá ɔtálɛ́mánánɔ́ eeyé eé buúse a nyɛlátɛ́na anyɛ́ u ŋa látɛ́na bikotí. Yááŋa anyía bikotí ŋo tóŋínyi bú tóŋínyi baacɔ anyía bé menyukune maabɔ́ maabɛ́.

Lóom 6:6

Túá lɔ́kɔ́ma aná : Ekúlú eyí Yésus Kilís ŋeé wé waátákɛ́nánɔ́ ɔ ɔmbásá ɔ ɔmuaná, Bandɔ́mɛsɛ́ ŋa yáátákɛ́ná tɔ́na ɔ ɔmbásá yáásɔ́ aabɛ́ yɛ́ nyɛbɛ́kɛ́lɛ́na nyɛ́ buáyá ɔlɔŋɔ ne Yésus Kilís, o o nyiínyi menyísi, tu tɛ háná bámɔ́kɔ́na bɛɔ́lɛ́ bɛ́ bɔɔbɛ́.

Lóom 7:18

ananyía i ŋe mí menyi a nyiámɛ nyɛbá nyɛ́ ɔɔcɔ anyía bɔkɔ a bɔmbányɛ tɛ ŋaá háma e úúmi ɔtɛ́má noómi. Ɛ ŋa mɛ́ aamba ɔkɛla bɔmbányɛ, mbá ɛ tɛ bɔ́ŋɔ ohónyí wú o buúbu kɛlaka.

Lóom 8:32

U ti ómo kékenyi te uuyé Ɔɔ́nɔ́ u bɛ́muátá, mbá u ŋeé wuúci sɔ́mbɛ́ná háyɛ etúké a yáásɔ́ asana basɔ́ bekime. Híáná u káá basɔ́ bóosiki tɔ́na na bɛnyɛ́ma bí etémbí bikime e elime ci uuyé Ɔɔ́nɔ́.

Lóom 9:3

Búáŋa bú o mi bílénékíne anyía Bandɔ́mɛsɛ́ á mɛ lɔmɔ́kɔ, yaŋɔ́ tɔ́na ɔwaálɔ́nánɔ́ ne *Kilís a asana na bɔmbányɛ bɔ́ báámɛ benyíinyí abá tua sɔ́ŋa hɛnyɛ́nɔ́ hɛ́mɔtɛ́ ne beébe.

2 Kɔlɛ́ɛntɛ 5:21

A aháŋá ne Kilís, u tɛ ɔ́mɔ kɛ́la bɔɔbɛ́ ta buɔ́sɛ́, mbá ta híáná Bandɔ́mɛsɛ́ ŋeé wuúci túéhínyí búásɔ́ bɔɔbɛ́ ɔkɛla anyía wá basɔ́ háŋɔ́náka, túɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse.

Kalasi 3:13

Bandɔ́mɛsɛ́ ŋaá basɔ́ lɔ́mɔ́kɔ basɔ́ bekime anyía tu tɛ ɔ́mɔ sɔ́ látɛ́na bikotí bikime. Mbá Kilís ŋaá faáya, yɔ́ basɔ́ háŋɔ́náka anyía mbá Bandɔ́mɛsɛ́ é wuúci lɔ́mɔ́kɔ a yáásɔ́ asana. Bú ŋo tóŋínyi anyía ú maá basɔ́ kétúnyíki a nyɛlɔmɔ eényí. Aáná yááŋa yɔɔ́ŋɔ́kɔ́nɔ́ anyía : « Ɔɔcɔ okime awɔ́ bá tɔ́ŋá a bɔɔtɛ́ ɔ ɔmuaná áŋa na nyɛlɔmɔ. »

Kalasi 3:21

Ɛ́cɛ bú ŋe hémbule anyía bikotí ŋe núusi ɛndána cɛ Bandɔ́mɛsɛ́ e ? Eéʼeé, buúse bukime. Yááŋa anyía, mbɔ́kɔ okotí a yɛ́mɔtɛ́ á bámɔ́kɔ́na hɔ́á a yááŋa yí owiínjíékíne baacɔ olíhe, keyé baacɔ e bé ŋe bú yiíyi latákɛ́ná ŋa bɔ́ bá bɛtálɛ́mánánɔ́ bɛ́ baacɔ eé buúse bɔ́ Bandɔ́mɛsɛ́.

Filibí 2:7

Mbá, u ŋaá bɛ́yúata nyíáyɛ́ nyɛbá nyikime anyɛ́ u ŋaá bá ne nyiínyi, yó lumitine ɔbɛ́cáŋa munyiɔnɔ ekúlú eyí u ŋgeé bíbíéne ɔɔcɔ ɔ ɔmɛsɛ́, yɔ́ hɔ́áka baacɔ.

Ebélé 10:12

Mbá ɛ́makɛ́la Kilís a bɛ́sɔ́mbɛ́na wuúci bɛ́muátá háyɛ etúké ekúlú ɔ́mɔtɛ́ e bikúlú bikime a asana na nyɛnyɛanɛna nyɛ́ maabɛ́ ma baacɔ, nyikelímine eényí a aháŋá yɛ́ ɔɔbɔ́ ú manɔ́mɛ a maabána ma Bandɔ́mɛsɛ́.

Ebélé 10:14

Ekúlú ayɛ́ ú ŋaá bɛ́sɔ́mbɛ́ná hú nyɛ́mɔtɛ́ e bikúlú bikime háyɛ etúké, u ŋa kɛ́la anyía bááyɛ́ baacɔ ébú fúúméne eé buúse bɔ́ Bandɔ́mɛsɛ́ ; bɔ́ bá bɛtálɛ́mánánɔ́ bɛ́ baacɔ e bikúlú bikime.

Ebélé 2:14

Baacɔ abá ú ŋa táŋa aaha áŋa baacɔ bá cɛɛ́tɔ ; aá yaátɛ́ asana Yésus bɛ́muátá ŋaá bɛ́cáŋa tɔ́na ɔɔcɔ u cɛɛ́tɔ, anyía weé wé mbá e uúye owé wáá yáka Musɔ́mɛ́na a muáŋa na makɛ́nda ma ɔwɔɔ́nɔ́kɔ baacɔ.

Ebélé 2:17

Buátɛ́ bɔkɔ Yésus ŋá nyɛmána wu ɔhɔ́áka bááyɛ́ benyíinyí a bɔkɔ bukime, anyía wá bɛ́cáŋa *mutéŋínyi beluli nyiínjie a muáŋá a mú me bíínjie ɔ ɔnyiɔnɔ Bandɔ́mɛsɛ́ buólí. U ŋa bɛ́cáma baacɔ mahana buéŋí, u beébe nyɛanakɛnɛna maabɔ́ maabɛ́, u kɛlaka anyía bábɔ́ lɔ́kɔ́mákána na Bandɔ́mɛsɛ́.

Ebélé 4:15

Muasɔ́ mutéŋínyi beluli nyiínjie a muáŋá eémú mú ŋaá basɔ́ bɛ́cáma mahana, anyía mu ŋeé ményi muasɔ́ muuyé mukime. Mu ŋaá lɔ́kɔ́máká ɔkála háyɛ basɔ́ tɔ́na, bó muúmu kɔkɔnaka tɔ́na, mbá ta híáná mu tɛ ɔ́mɔ kɛ́la bɔɔbɛ́ buúse bukime.

1 Bíel 2:24

Ekúlú eyí bé ŋeé wuúci aátákɛ́ná ɔ ɔmbásá, u ŋaá lɔ́kɔ́máká muuyé aáyá a cɛɛ́tɔ a asana na máásɔ́ maabɛ́, ananyía mbá túásɔ́ bámɔ́kɔ́na bewéénú a bɔɔbɛ́, mbá bɔɔ́sɔ a atálɛ́mánánɔ́ yí olíhe. A asana na maayɛ́ mooki, ɛ́ɛhɛ́ nua nɔ́ŋa baáŋɔ́núákánɔ́.