Lóom 5:8 - Nomaande

⁸ Mbá Bandɔ́mɛsɛ́ ŋaá basɔ́ tóŋínyí anyána u naŋa waá basɔ́ lénéke buéŋí ekúlú eyí Kilís ŋe keé wé a yáásɔ́ asana, ɛ́cɛ tua sɔánáŋa bakɛla maabɛ́.

Lóom 5:8 Iomraidhean Croise

Sáaŋ 15:13

Nyɛnamá nyí etémbí nyí olénéke bɔsɔ́ɔ́kɔ́ tɛ á bá a nyɛ́ á hɔ́la nyí owééne a asana yɛ́ bíɔ́wɔ bikendinyi.

Sáaŋ 3:16

Yááŋa anyía Bandɔ́mɛsɛ́ ŋeé lénéke baacɔ bekime e nyiwééné, yó wíínjie hííyé hɛkɔŋɔ́ hɛ́ Ɔɔ́nɔ́, ɔkɛla anyía ɔɔcɔ okime awɔ́ u káá háya mɔŋɔlɛ́ nááyá ti nyíme, mbá wá bá na yɔɔ́sɔɔ́sɔ yí olíhe yí ekúlú ekime.

Lóom 3:5

Yáakɛlá bɔ́mɔtɛ́ baacɔ ŋa bɔ́ kɔɔna anyía nyíásɔ́ nyɛkɛla nyɛ́ bɛsana a bɛɛbɛ́ ŋɔ yɔ́ɔlɔ baacɔ o omenyi anyía Bandɔ́mɛsɛ́ áŋa ɔtálɛ́mánánɔ́. Aátɛ́ yí etémbí tua sɔ́ŋa tú o beébe bɛ́káma e ? Tua sɔ́ŋa tú o beébe bɛ́káma anyía Bandɔ́mɛsɛ́ tɛ á bá ɔtálɛ́mánánɔ́ ekúlú ayɛ́ u ŋaá basɔ́ bɔ́nɔ́sɛa e ?

Lóom 4:25

Wuúci oócí Bandɔ́mɛsɛ́ ŋe lumitine anyía baacɔ ébú wuúci ɔ́ɔ́nɔ́ anyía máásɔ́ maabɛ́, mbá u ŋeé wuúci heényi e biwéewé anyía wá kɛlá anyía túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse.

Lóom 5:20

A asana ne bikotí bí Moyís, Bandɔ́mɛsɛ́ ŋeé biíbi iínjíékíne anyía bɔɔbɛ́ é tékéke. Mbá, ekúlú ayɛ́ bɔɔbɛ́ bɔ́ baacɔ ŋe tékéke, yaála yí nuubo yɛ́ Bandɔ́mɛsɛ́ ŋe tékéke tɔ́na buéŋí ɔ ɔhɔla.

Lóom 5:6

Yááŋa anyía e ekúlú ayɛ́ Bandɔ́mɛsɛ́ ŋaá sɔ́mbɔ́tɔ́ná, *Kilís ŋe keé wé a yáásɔ́ asana, basɔ́ bakɛla maabɛ́. Tu ŋa sɔ́ bá e ekúlú eéyé tɛ́ka na makɛ́nda me obínóhi basɔ́ bɛ́muátá.

Lóom 5:7

Yááŋa anyía bú ŋa náta anyía ɔɔcɔ a wɔmɔtɛ́ e wééne a asana na atálɛ́mánánɔ́ yɛ́ ɔɔcɔ. Yáakɛlá ɔɔcɔ a wɔmɔtɛ́ áŋa wu olumitine owééne a asana na mɔkɛla bɛsana a bɛmbányɛ.

Lóom 8:32

U ti ómo kékenyi te uuyé Ɔɔ́nɔ́ u bɛ́muátá, mbá u ŋeé wuúci sɔ́mbɛ́ná háyɛ etúké a yáásɔ́ asana basɔ́ bekime. Híáná u káá basɔ́ bóosiki tɔ́na na bɛnyɛ́ma bí etémbí bikime e elime ci uuyé Ɔɔ́nɔ́.

Lóom 8:39

ta bɛnyɛ́ma bɛ́ ɔ ɔmuaná, ta bɛ́ ɛ ɛmbana cɛ ɔmɛsɛ́, ta bɔkɔ bú etémbí a bɛnyɛ́ma ebí bé ŋe kétíki tɛ á bá bɛ́ ɔ basɔ́ ɔwaálɔ́na ne nulénéne anɔ́ Bandɔ́mɛsɛ́ ŋaá basɔ́ tóŋínyi e elime ci uusú Otéŋí a Waáŋá Yésus Kilís.

Kalasi 2:20

Ɛ tɛ ŋá háná émi líhe a ciamɛciamɛ, mbá Kilís u ŋa kɛ́la anyía yémi líhéke. Yááŋa anyía, úúmi olíhe ú aámbáya, i ŋe mí wuúci líhe ɔ mɔŋɔlɛ́ amá ɛ ŋaá mɛ háya ná Ɔɔ́nɔ́ u Bandɔ́mɛsɛ́. U ŋeé mi lénéke, yó bílénékíne okoówé aámɛ a asana.

Ɛfɛ́ɛsɛ 2:7

U ŋaá basɔ́ kɛ́láka bɔmbányɛ, yɔ́ hɔ́lɛna né Yésus Kilís ananyía wó tóŋgínyi baacɔ bekime bá tɔɔya a tɔ́ ŋa fáakɔna anyána yááyɛ́ yaála yí nuubo áŋa yaáŋá ɔ ɔhɔla bɛnyɛ́ma bikime.

Ɛfɛ́ɛsɛ 5:2

énu líhéke, nu lénéke bɔsɔ́ɔ́kɔ́ i iŋetí ci *Kilís. U naŋa waá basɔ́ lénéke, ɛ́ɛhɛ́ u ŋeé wé a yáásɔ́ asana háyɛ abɛ́sámbá yɛ́ bɛnyɛ́ma te yí etúké eyí bé ŋe lúli o oocó ; yááyɛ́ ambányɛ yí enumbé bílénékíne Bandɔ́mɛsɛ́.

1 Timoté 1:16

Ta híáná, Yésus Kilís ŋaá mɛ bɛ́cáma mahana, yaŋɔ́ mɔkɛla maabɛ́ mú buúsebuúse, anyía wó tóŋínyi baacɔ anyána u ŋeé beébe eéhínyínyi buéŋí. U ŋo tóŋínyi hibílícínyínyí eéhí o okíndísi baacɔ a bá ká bɔ́ hákɛ́na mɔŋɔlɛ́ nááyá, bɔ́ bɔ́ŋgɔ́na yɔɔ́sɔɔ́sɔ yí olíhe yí ekúlú ekime.

Ebélé 8:3

Bá ŋaá táfá betéŋínyi *beluli nyiínjie a *baáŋá bekime anyía bébú lúlíkínyi Bandɔ́mɛsɛ́ nyiínjie, bé wuúci ɔɔ́nɔ́kɛ́na bitúké ; híáná yá nyɛmána yɛ́ ɔbá tɔ́na na muasɔ́ mululi nyiínjie a muáŋá, anyía muá bámɔ́kɔ́na na bɔkɔ bú olulikinyi Bandɔ́mɛsɛ́ nyiínjie.

1 Bíel 3:18

Yááŋa anyía, Kilís bɛ́muátá ŋeé wé ekúlú ɔ́mɔtɛ́ e bikúlú bikime a asana na maabɛ́ ma baacɔ ; wuúci atálɛ́mánánɔ́ yɛ́ ɔɔcɔ u ŋe keé wééné a yáánɔ́ asana, banɔ́ bakɛla maabɛ́, ɔ ɔkɛla anyía wá banɔ́ súétékéne ná Bandɔ́mɛsɛ́. Bé ŋeé wuúci ɔ́ɔ́nɔ owé háyɛ ɔɔcɔ okime, yɔ́ háányua o owé a makɛ́nda me Efúúménénú yí Elilé.

1 Sáaŋ 3:16

Bɔkɔ abɔ́ bɔ́ ŋɔɔ́ lɔ́ŋɔ anyía nulénéne, íbúebu aná Yésus Kilís ŋe keé iínjíé úúyé olíhe a yáásɔ́ asana. Basɔ́ tɔ́na tu ŋá sɔ́ nyɛmána tú owiínjíékíne cíísú ilíhe a bɛsana bɛ́ báásɔ́ benyíinyí.