Lóom 5:5 - Nomaande

⁵ Aáná maasɔ́ mɔŋɔlɛ́ eémé tɛ á bá maháyánɔ́ e etémbí ne etémbí, ananyía Bandɔ́mɛsɛ́ ŋaá basɔ́ tóŋínyí anyána u naŋa waá basɔ́ lénéke e elime ci *Efúúménénú yí Elilé ayɛ́ u ŋaá háya aasɔ́ ɛ ɛtɛ́má noómi.

Lóom 5:5 Iomraidhean Croise

Buólí 10:45

Belumitinine a bá ŋa bɔ́ fááya o okoósíke Bíel ŋa bɔ́ bá *Besuif ; bé ŋe bú kékéké buéŋí ekúlú ayɛ́ bá ŋa bɔ́ lɛ́cá anyía Bandɔ́mɛsɛ́ me yíínjie ta baacɔ a bá tɛ ábɔ́ bá Besuif Efúúménénú yí Elilé.

Buólí 2:17

“Ɔ mɔɔ́sɛ́ ma nyɛmana, i ké mí neesiki yáámɛ Elilé anyía yé nyíóyo ɛ ɛtɛ́má cɛ́ baacɔ bekime ; híáná na bíánɔ́ bɛnɔ́kɔ́ na báánɔ́ babɔ́la ké bú hémúkúnyi bíámɛ bɛsana, bíánɔ́ bɛnɔ́kɔ́ ká bɔ́ lɛ́caka biseye bɛ́ bɛsana, bíánɔ́ bilunyí bɛ́ baacɔ ká bɔ́ lámanaka taaká cɛ́ bɛsana bɛ́ Bandɔ́mɛsɛ́.

Buólí 2:33

Ekúlú eyí Yésus ŋaá bááta ɔ Ɔmuaná o okolímine a aháŋá yɛ́ ɔɔbɔ́ ú manɔ́mɛ ú Bandɔ́mɛsɛ́, Síkíne Bandɔ́mɛsɛ́ ŋée wuúci iínjíé *Efúúménénú yí Elilé ayɛ́ ú ŋaá bɛ́tánɛ́ná baacɔ, yiíyi eéyé ú maá tɔ́má náásɔ́. Yaátɛ́ asana nu ŋa nɔ́ lɛ́ca, nu lɔ́kɔ́máka buólí ebú yí ŋoo nyíosi.

Lóom 1:7

Ɛ́ɛhɛ́ ɛ ŋá mɛ́ banɔ́ ɔ́ɔ́ŋɛ́na nufule eenu, banɔ́ bekime abá nua nɔ́ŋa o *Lóom ; nua nɔ́ŋa baacɔ bá ɔtɛ́má bá Bandɔ́mɛsɛ́. Wuúci u ŋaá banɔ́ lɔ́ŋɔ́kɔ́ anyía nuánɔ́ bámɔ́kɔ́na bááyɛ́. Na ciasɔ́ Síkíne Bandɔ́mɛsɛ́ ne uusú Otéŋí a Waáŋá Yésus Kilís bá banɔ́ sayábákɛ́na, bá banɔ́ iínjíékíne mbuumu ɛ ɛtɛ́má noómi.

Lóom 8:28

Tu ŋe sú ményi tɔ́na anyía Bandɔ́mɛsɛ́ ŋeé híkisi bɛsana bikime a bɛ́ ŋá hámɛ́na be-wuúci-léne ; beébe eébé u ŋɔɔ́ lɔ́ŋɔ́kɔ́ háyɛ u ŋaá tákákɛ́ná.

Lóom 9:33

Nuúnu eénú Ciɔɔ́ŋɛ́ ŋa kɔ́ɔna cɛ́sɛ : « Ánɔ lɛcá, ya mɛ́ŋa otúmékénú e ciíbe ci *Síon nukúse e nú ŋé kúúsi baacɔ ɔ ɔmɛsɛ́ ; nuúnu nú ŋé beébe kúfítínyi. Aáná, ɔɔcɔ awɔ́ u ŋaá háya mɔŋɔlɛ́ e nuúnu tɛ káá lɔ́kɔ́ma aatɔ́ ɔlama ta buɔ́sɛ́ ! »

1 Kɔlɛ́ɛntɛ 8:3

Bandɔ́mɛsɛ́ ŋe ményi ɔɔcɔ okime ewú u ŋe wuúci léne.

2 Kɔlɛ́ɛntɛ 1:22

U ŋa háná a basɔ́ bílícíkínyínyi na búáyɛ́ bubílícínyínyí, yɔ́ basɔ́ iínjie yááyɛ́ Elilé e cíísú ɛtɛ́má noómi o otóŋínyi anyía tua sɔ́ŋa bááyɛ́ baacɔ ; yiíyi yí ŋo tóŋínyi anyía u káá basɔ́ iínjíékíne tɔ́na bɛnyɛ́ma bí etémbí abɛ́ u ŋa basɔ́ batɛ́ákɛ́nɛ́na.

2 Kɔlɛ́ɛntɛ 3:18

Híáná basɔ́ bekime tú tɛ asɔ́ bá tɔ́na ne buume e eése, anyía nuúmi nú Otéŋí a Waáŋá ŋa nɔ́ma náásɔ́ háyɛ o oólí noómi, tu lɛcakana háyɛ ciayɛ́ ihúényínyí, na yaandándá yí nuúmi a yɛ́ ŋá bááta bɔ bááta ɔ ɔhɔla. Buólí bú Otéŋí a Waáŋá eébú ebú Elilé ŋɔ́ nyiɔ.

2 Kɔlɛ́ɛntɛ 4:6

Yááŋa anyía Bandɔ́mɛsɛ́ u ŋaá kɔ́ɔ́na buáyá anyía eese á nɔ́máka i ibíne noómi, wuúci tɔ́na u ŋaá basɔ́ númisinyi yááyɛ́ eese ɛ ɛtɛ́má noómi. Eese eéyé ŋaá basɔ́ tóŋínyi núáyɛ́ nuúmi a nɔ́ ŋa nɔ́ma eé buúse bú Kilís ; buátɛ́ bɔkɔ tu ŋe sú húlínyi baacɔ Ambányɛ yɛ́ Ɛsɔ́ma.

Kalasi 4:6

Asana e yí ŋo tóŋínyi anyía nua nuáŋa baáná bá Bandɔ́mɛsɛ́ áŋa anyía : Bandɔ́mɛsɛ́ ŋaá basɔ́ nyióyísíkínyi Elilé yí uuyé Ɔɔ́nɔ́ ɛ ɛtɛ́má noómi ; yiíyi yɛ́ ŋa kɔ́ɔna okelú ɔ ɔmuaná anyía « Ába ! », ɛ́cɛ anyía « Taatá. »

Kalasi 5:22

Mbá Elilé ŋa kɛ́la anyía baacɔ ábɔ́ bá ne nulénéne, ne obíléne, ne mbuumu, ne oweéhínyínyi, na ambányɛ yɛ́ ɔtɛ́má, na yaála yí nuubo, bá hákɛ́na mɔŋɔlɛ́ náábɔ́,

Ɛfɛ́ɛsɛ 1:13

Banɔ́ tɔ́na, ekúlú ayɛ́ nu ŋa nɔ́ lɔ́kɔ́máká taaká cɛ ɔtáŋa, wuúci wáŋa Ambányɛ yɛ́ Ɛsɔ́ma a yɛ́ ŋaá banɔ́ nóhi, nu ŋa nɔ́ hákɛ́ná mɔŋɔlɛ́ né Kilís. Aáná Bandɔ́mɛsɛ́ ŋaá banɔ́ háyá hííyé hibílícínyínyí hɛ́ bɛ́muátá ; híáŋa *Efúúménénú yí Elilé ayɛ́ u ŋaá banɔ́ bɛ́tánɛ́ná o otóŋínyi anyía nua nɔ́ŋa bááyɛ́.

Ɛfɛ́ɛsɛ 4:30

Nuti líŋísíki *Efúúménénú yí Elilé ; yiíyi yááŋa hibílícínyínyí ahɛ́ Bandɔ́mɛsɛ́ ŋaá banɔ́ háyá o otóŋínyi anyía nua nɔ́ŋa bááyɛ́ ; hibílícínyínyí eéhí áŋa afacɛ́ e yí ŋo tóŋínyi anyía Bandɔ́mɛsɛ́ káá banɔ́ háŋɔ́náka buúse bukime a bɔɔbɛ́ e ekúlú a yɛnyɛmánánɔ́.

Filibí 1:20

Nyɛnamá enyí i ŋeé mi léne anyía asana eéyé á bɛ́kɛ́láka aáná, yaŋɔ́ tɔ́na na ɛcaná ɔ ɔtɛ́má, ŋa kɛ́la anyía ɛ tɛ lɔ́kɔ́ma aatɔ́ ɔlama a bɔkɔ a búmɔtɛ́. Mbá, i ŋeé mi menyi bɔmbányɛ anyía ta aámbáya te e bikúlú bikime ya mɛ́ŋa na mɔŋɔlɛ́ anyía nyiámɛ nyɛbɛ́kɛ́lɛ́na nyikimekime káá kɛla anyía baacɔ ébú nyemiki Kilís, ta yaŋɔ́ wɔɔ́sɔ ta yaŋɔ́ owéénú.

1 Tɛsaloníke 4:8

Yaátɛ́ asana yááŋa anyía ɔɔcɔ é kiné ɔlátɛ́na esúŋe eécé, tɛ́ cáŋa hú ɔɔcɔ u ŋa bábɛ́na, mbá u ŋa bábɛ́na Bandɔ́mɛsɛ́, Mu-banɔ́-iínjíé *Efúúménénú yí Elilé.

2 Tɛsaloníke 2:16

Ɛ ŋaá mɛ bɛ́cɔ́kɔ́lɛ́na ne uusú Otéŋí a Waáŋá Yésus Kilís bɛ́muátá na ciasɔ́ Síkíne Bandɔ́mɛsɛ́ awɔ́ ú ŋa basɔ́ léne anyía bá cɔbá ne buúse ɔ ɔ basɔ́ kíndísi ɛtɛ́má, bá basɔ́ hákɛ́na taaká cɛ mɔŋɔlɛ́ ɛ ɛtɛ́má a yáábɔ́ yaála yí nuubo noómi,

2 Timoté 1:12

Buátɛ́ bɔkɔ ɛ ŋa mɛ́ lɔ́kɔ́ma nyɛnamá nyí muuyé eenyi ; mbá ta híáná, ɛ tɛ ŋá mɛ lɔ́kɔ́ma aatɔ́ ɔlama, ananyía i ŋe mí menyi ɔɔcɔ awɔ́ ɛ ŋa mɛ́ háya mɔŋɔlɛ́ nááyá, yaŋɔ́ tɔ́na na mɔŋɔlɛ́ anyía wáŋa na makɛ́nda me otétényíki bɔkɔ ebú u ŋeé mí cuméke ɔ ɔkɔɔ́háma buɔ́sɛ́ etéebú abɔ́ u ká ká hálɔ́mɔ́na.

1 Sáaŋ 4:19

A náásɔ́, tua sɔ́ŋa ne nulénéne ɛ ɛtɛ́má ananyía Bandɔ́mɛsɛ́ u ŋaá cáŋa ɔ basɔ́ léne.