Lóom 5:3 - Nomaande

³ Ɔ ɔhɔla aáná, tu ŋe sú bíléne buéŋí tɔ́na ekúlú ayɛ́ tu ŋa sɔ́ lɔ́kɔ́ma muuyé, anyía ekúlú ayɛ́ tu ŋa sɔ́ lɔ́kɔ́ma muuyé, mu ŋaá basɔ́ ɔɔ́lɔ o oweéhínyínyi.

Lóom 5:3 Iomraidhean Croise

Lúkas 21:19

énu eéhínyínyi mbá nu nohiki cíínú ilíhe. »

Buólí 5:41

Baacɔ bá ɛndɔ́ma ŋa bɔ́ hátɔ́na ɛ ɛkatɛ́katɛ́ ci Hitúlé a hiáŋá, bé ŋé súéte, bé bílénéke buéŋí, anyía bú me bílénékíne Bandɔ́mɛsɛ́ anyía bábɔ́ lɔ́kɔ́máka muuyé a asana ne Yésus.

Lóom 5:11

Tɛ́ cáŋa ɔmanɔ́ oócí : Tu ŋe sú bíléníne tɔ́na buéŋí Bandɔ́mɛsɛ́ e elime ci Yésus Kilís, uusú Otéŋí a Waáŋá ; wuúci u ŋaá basɔ́ láta e bumbénú aámbáya na basɔ́ na Bandɔ́mɛsɛ́.

Lóom 8:23

Mbá bɛ́ tɛ á bá bímuócí ɔ ɔkɛ́mba aáná. Basɔ́ tɔ́na abá Bandɔ́mɛsɛ́ ŋa cáŋa ɔ basɔ́ iínjie yááyɛ́ Elilé, tu ŋa sɔ́ kɛmba tɔ́na e cíísú ɛtɛ́má. Tu tátáka na mɔŋɔlɛ́ mekime nyɛ-basɔ́-hiíte anyɛ́ Bandɔ́mɛsɛ́ káá basɔ́ hiíte háyɛ bááyɛ́ baáná bá ɔfana, yɔ́ kátɔ́náka buúse bukime ciasɔ́ cɛɛ́tɔ.

Lóom 9:10

Tɛ́ cáŋa ɔmanɔ́ oócí, anyía Alabáka ŋeé bíéne nyɛhása banɔ́mɔcɔ́ béfendí hú na ciasɔ́ sɔ́kɔ́nɔ́ a ciáŋá Isak.

2 Kɔlɛ́ɛntɛ 4:17

Yááŋa anyía muuyé mukime amɔ́ tu ŋa sɔ́ lɔ́kɔ́ma aámbáya tɛ á bá ta bɔkɔ ekúlú ayɛ́ tu ŋe sú muúmu keti na yaandándá yí nuúmi yí ekúlú ekime a yɛ́ a hɔ́la, nuúnu tu ká sɔ́ lɛ́cáka.

2 Kɔlɛ́ɛntɛ 8:19

Tɛ́ cáŋa hú a asana eéyé tu ŋe sú wuúci tɔ́ma, mbá tuɔ́bɔ tú belumitinine Kilís tú iisí cɛ Masɛtuán tú ŋeé wuúci táfá anyía wá bámɔ́kɔ́nɛ́na yáásɔ́ ekendinyi yí buólí o húle bánda nyiínjie. Ambányɛ yí buólí eéyé ayɛ́ tu ŋa sɔ́ nyiɔ kéé yíínjie uusú Otéŋí a Waáŋá nuúmi ; yí tóŋgínyi ambányɛ yɛ́ nyɛháŋa nyɛ́ ɔtɛ́má ayɛ́ tu ŋa sɔ́ aamba ɔwɔɔ́lɔ baacɔ.

Ɛfɛ́ɛsɛ 3:13

Aáná ɛ ŋa mɛ́ banɔ́ laana anyía nɔtɛ kásáka a asana anyía ɛ ŋaá mɛ lɔ́kɔ́ma muuyé a yáánɔ́ asana, mbá muamɛ muuyé eémú á banɔ́ iínjíé yáaŋa nuúmi.

Filibí 1:29

anyía nua nɔ́ŋa na ɛbɔla ɔ ɔnyiɔkɛna Kilís buólí, tɛ́ cáŋa hú ɔ ɔháya mɔŋɔlɛ́ nááyá, mbá na ɔ ɔlɔ́kɔ́máka tɔ́na muuyé a yááyɛ́ asana.

Sáak 1:12

Bɔmbányɛ ná ɔɔcɔ awɔ́ u ŋɔ yɔ́ɔ́ndɛ́mánána muɔ́kɛ́tánana, u muúmu eéhíkínyínyi na yɔɔ́nɛ́nánɔ́ yɛ́ ɔtɛ́má. Ekúlú ayɛ́ mɔ́ ma mána, Bandɔ́mɛsɛ́ kéé wuúci nama yɔɔ́sɔɔ́sɔ yí olíhe. U ŋaá bɛ́tánɛ́na olíhe oócí ná baacɔ e bé ŋe bú wuúci léne.

1 Bíel 3:14

Mbɔ́kɔ yɛ́ ŋáá háma anyía núánɔ́ lɔ́kɔ́máka muuyé asana na yáánɔ́ ambányɛ yɛ́ nyɛbɛ́kɛ́lɛ́na, yááŋa ambányɛ yɛ́ asana. Buátɛ́ bɔkɔ, nuti líkíméke baacɔ ; cíínú injiŋé tí nyimukune.