Lóom 5:2 - Nomaande

² Wuúci oócí u ŋaá basɔ́ tóŋínyi ohónyí anyía Bandɔ́mɛsɛ́ á basɔ́ bóósíki anyía tu ŋa sɔ́ háya mɔŋɔlɛ́ nááyá ; aáná tú me sú bíínjie olíhe a yaála yí nuubo eéyí noómi, tu bílénéke buéŋí [na mɔŋɔlɛ́] anyía Bandɔ́mɛsɛ́ káá basɔ́ iínjie nuafa eeyé e nuúmi.

Lóom 5:2 Iomraidhean Croise

Matío 25:21

Uuyé waáŋá ɔsɛ : “Ɛ́hɛ́ɛ, bɔmbányɛ ! Ɔ ɔ́ŋa ambányɛ yɛ́ munyiɔnɔ mɔ mɔŋɔlɛ́. Ahá ó moó mi tóŋínyi anyía ɔ ɔ́ŋa ɔɔcɔ u mɔŋɔlɛ́ a tɔnyɛ́mányɛ́ma, i ŋe mí o télímíkínyi mutéŋínyi mɔ bɛnyɛ́ma biéŋí. Bílénéke aaha na yaŋɔ́ʼo.”

Sáaŋ 10:7

Yésus ŋeé beébe laána tɔ́na ɔsɛ : « Aá taaká ɛ ŋá mɛ banɔ́ laána, isíʼo : Ya mɛ́ŋa ehenyi yɛ́ hɛkáká hí bitúké.

Sáaŋ 10:9

Ya mɛ́ŋa ehenyi. Mbɔ́kɔ ɔɔcɔ ŋó yoófíníne náámɛ, u kɔ́ɔ́ nɔ́hɔ ; u ké búle ó yóofine, u hámɔ́kɔ́na, u bɔ́ŋgɔ́na tɔ́na bɛnyɛ́ma bɛ́ ɔnyíá.

Sáaŋ 14:6

Yésus ŋá bɛ́káma ɔsɛ : « Yaŋɔ́ ya mɛ́ŋa ohónyí ; ya mɛ́ŋa taaká, ya mɛ́ŋa olíhe. Ohónyí ú etémbí tɛ a bá awɔ́ ɔɔcɔ áŋa wu ɔkandɛna, yɔ́ kɔɔ́háma né Síkíne, ɛ́ tɛ ŋáa bá hú náámɛ.

Sáaŋ 5:24

Aá taaká ɛ ŋa mɛ́ banɔ́ láana ɛsɛ́ : Ɔɔcɔ okime awɔ́ u ŋa lɔ́kɔ́ma úúmi ɔtáŋa, mbá u háya tɔ́na mɔŋɔlɛ́ né Ooci awɔ́ u ŋaá mɛ tɔ́má á yáaŋa na yɔɔ́sɔɔ́sɔ yí olíhe yí ekúlú ekime. Bandɔ́mɛsɛ́ tí ké wuúci kélísi, mbá ú ma hátɔna o owé, yó wóofine o olíhe ú ekúlú ekime.

Buólí 14:27

Ekúlú ayɛ́ bá ŋga bɔ́ hámá a Antióse, bá ŋá bánda hiɔ́bɔ hí belumitinine hɛ́ hɔ́á, bé ŋé hiíhi bíkétíkínyi bɛsana bikime abɛ́ Bandɔ́mɛsɛ́ ŋeé nyíóyísíkínyí a búábɔ́ buólí ; hɔlákáhɔ́láka nyitóŋínyi anyɛ́ Bandɔ́mɛsɛ́ ŋoó tóŋínyi ohónyí anyía baacɔ a bá tɛ ábɔ́ bá Besuif á bɔ́ŋa bé olumitinine tɔ́na.

Lóom 11:20

Ɛ́ɛ, yááŋa taaká aáná. Bé ŋeé ciíci aáláka ananyía cí tí omó lúmitinine. Mbá banɔ́, nua nɔ́ŋa aáhá anyía nu ŋe nú lumitinine. Nuti bíbéétíki aná ! Énu kékéke bu kékéke Bandɔ́mɛsɛ́.

Lóom 12:12

Aáná, énu bílénéke ekúlú ekime, nu hákɛ́na mɔŋɔlɛ́ ná Bandɔ́mɛsɛ́. Énu eéhíkínyínyi muuyé na yɔɔ́nɛ́nánɔ́ yɛ́ ɔtɛ́má, nuó bíínjie na makɛ́nda ɔ ɔbɛ́cɔ́kɔ́lɛ́na Bandɔ́mɛsɛ́ ekúlú ekime.

Lóom 14:4

Ɔ ɔ́ŋa aányɛ́, kuɔŋɔ́ ewú o ŋoó kélísi munyiɔnɔ mɔ bɔsɔ́ɔ́kɔ́ e ? Ta wɔ́ nyíɔ́kɔ bɔɔbɛ́, ta wɔ́ nyíɔ́kɔ bɔmbányɛ, bú ŋa lɛ́ca hú ciayɛ́ síkíne ci buólí. Yááŋa anyía, munyiɔnɔ eémú ké yeéhínyínyi ɔnyiɔ búáyɛ́ buólí, u tɛ kua, ananyía Otéŋí a Waáŋá ŋeé wuúci kíndísi aáná.

Lóom 15:13

Bandɔ́mɛsɛ́, indíné cɛ máásɔ́ mɔŋɔlɛ́, á banɔ́ súkúnékíne na anamánamá cé obíléne ekime ne mbuumu anyía nu ŋa nɔ́ háya mɔŋɔlɛ́ nááyá. Aáná cíínú ɛtɛ́má ké búle á bá inyíóyókónú hú mbiɔ́kɛ na mɔŋɔlɛ́ a makɛ́nda me *Efúúménénú yí Elilé.

Lóom 2:7

Aáná, a aháŋá na baacɔ e bé ŋe bú bíínjie ɔ ɔkɛla bɛmbányɛ bɛ́ bɛsana, bá aambaka anyía Bandɔ́mɛsɛ́ é beébe iínjie nuúmi, wé beébe bɛ́sɔ́mɔ́kɔ, wé beébe iínjíékíne ɛndɛfɔnɔ́ cɛ cɛɛ́tɔ : Beébe eébé u káá kɛla anyía bébú líhéke yɔɔ́sɔɔ́sɔ yí olíhe yí ekúlú ekime.

Lóom 3:23

Yááŋa anyía baacɔ bekime ŋa bɔ́ kɛ́la bɛsana a bɛɛbɛ́, buátɛ́ bɔkɔ bá tɛ abɔ́ bá bá ɔkɔɔ́háma hoóhi ne nuúmi nɔ́ Bandɔ́mɛsɛ́.

Lóom 5:5

Aáná maasɔ́ mɔŋɔlɛ́ eémé tɛ á bá maháyánɔ́ e etémbí ne etémbí, ananyía Bandɔ́mɛsɛ́ ŋaá basɔ́ tóŋínyí anyána u naŋa waá basɔ́ lénéke e elime ci *Efúúménénú yí Elilé ayɛ́ u ŋaá háya aasɔ́ ɛ ɛtɛ́má noómi.

Lóom 8:1

Aámbáya aná, Bandɔ́mɛsɛ́ tɛ á bá tɔ́na wu ɔbɔsɔna nyɛkua a baacɔ a bá bɔ́ŋa e nyimónjóló ne Yésus *Kilís háyɛ na nyɛbaná na ɔmɛsɛ́,

Lóom 8:24

Yááŋa anyía tua sɔ́ŋa na mɔŋɔlɛ́ o otúme ekúlú ayɛ́ Bandɔ́mɛsɛ́ ŋaá basɔ́ nóhíki, ta yɛ́ cáŋa á bá anyía tu tɛ ŋá sɔ́ lɛ́ca nuúmi. Ekúlú ayɛ́ ɔɔcɔ ŋa lɛ́ca bɔkɔ abɔ́ u ŋa mɛ́nɛna mɔŋɔlɛ́, u ti ŋé túné é meéme háya e buúbu, anyía ta ɔɔcɔ tɛ ŋá háya mɔŋɔlɛ́ a bɔkɔ abɔ́ u ŋa lɛ́ca.

1 Kɔlɛ́ɛntɛ 15:1

Baláamɛ, aámbáya ɛ ŋa mɛ́ aamba ɔ banɔ́ obítéési asana yɛ́ Ambányɛ yɛ́ Ɛsɔ́ma ayɛ́ ɛ ŋa mɛ́ banɔ́ húlíkínyi, nuó yiíyi lumitinine. I ŋe mí menyi anyía nua nɔ́ŋa bɔɔ́nɛ́nánɔ́ e yiíyi.

2 Kɔlɛ́ɛntɛ 3:18

Híáná basɔ́ bekime tú tɛ asɔ́ bá tɔ́na ne buume e eése, anyía nuúmi nú Otéŋí a Waáŋá ŋa nɔ́ma náásɔ́ háyɛ o oólí noómi, tu lɛcakana háyɛ ciayɛ́ ihúényínyí, na yaandándá yí nuúmi a yɛ́ ŋá bááta bɔ bááta ɔ ɔhɔla. Buólí bú Otéŋí a Waáŋá eébú ebú Elilé ŋɔ́ nyiɔ.

2 Kɔlɛ́ɛntɛ 4:17

Yááŋa anyía muuyé mukime amɔ́ tu ŋa sɔ́ lɔ́kɔ́ma aámbáya tɛ á bá ta bɔkɔ ekúlú ayɛ́ tu ŋe sú muúmu keti na yaandándá yí nuúmi yí ekúlú ekime a yɛ́ a hɔ́la, nuúnu tu ká sɔ́ lɛ́cáka.

Ɛfɛ́ɛsɛ 2:18

Ɛ́ɛhɛ́ basɔ́ bekime tua sɔáŋa tú ɔtálɛ́mɛ́na aámbáya eé buúse bú Síkíne Bandɔ́mɛsɛ́, túɔ́ hɔ́lɛ́na né Kilís a makɛ́nda me *Efúúménénú yí Elilé ɔ́mɔtɛ́.

Ɛfɛ́ɛsɛ 3:12

A asana ayɛ́ tua sɔ́ŋa a nyɛlatana ne Yésus Kilís, ɛ́ɛhɛ́ tua sɔ́ŋa tu obíkósíti ná Bandɔ́mɛsɛ́ na mɔŋɔlɛ́ ɛ ɛtɛ́má hú mbiɔ́kɛ anyía tu ŋe sú meéme háya nááyá.

Ɛfɛ́ɛsɛ 6:13

Yaátɛ́ asana, énu hiitéke aná meléfényí mekime amá Bandɔ́mɛsɛ́ ŋaá banɔ́ iínjíékíne ; aáná nu ká nɔ́ bá na makɛ́nda ma ɔtámba *Sátan ɛ ɛcálɛ ekúlú ayɛ́ buɔ́sɛ́ a bɔɔbɛ́ ká kaá háma, núo weéhínyínyi ɔnua ɛcálɛ eécí, nuɔ yákáka Sátan ɔ ɔkɔɔ́háma a nyɛmana, banɔ́ hú ɛndánáka.

2 Tɛsaloníke 2:16

Ɛ ŋaá mɛ bɛ́cɔ́kɔ́lɛ́na ne uusú Otéŋí a Waáŋá Yésus Kilís bɛ́muátá na ciasɔ́ Síkíne Bandɔ́mɛsɛ́ awɔ́ ú ŋa basɔ́ léne anyía bá cɔbá ne buúse ɔ ɔ basɔ́ kíndísi ɛtɛ́má, bá basɔ́ hákɛ́na taaká cɛ mɔŋɔlɛ́ ɛ ɛtɛ́má a yáábɔ́ yaála yí nuubo noómi,

Ebélé 3:6

Mbá a aháŋá ne *Kilís, wáŋa Ɔɔ́nɔ́ ewú u ŋé téŋínyi baacɔ bá Bandɔ́mɛsɛ́. Basɔ́ belumitinine, tua sɔ́ŋa bááyɛ́ baacɔ tɔ́na mbɔ́kɔ tu ŋa sɔ́ cɔ́ba ne buúse ɔ ɔháya na makɛ́nda ɛ ɛtɛ́má, ɔháya tɔ́na mɔŋɔlɛ́ a bɛsana a bɛ́áŋa bɛ́ basɔ́ bátɛ́nánɔ́.

Ebélé 6:18

Híáná bɛnyɛ́ma áŋa bífendí a bɛ́ tɛ á bá bɛ́ ɔbɛ́nyɔ́kɔ́tɔ́na ta buɔ́sɛ́, anyía ú tɛ á bá we onéŋe. Bɛ́áŋa anyía bɔkɔ abɔ́ ú ŋaá bɛ́tána, na ɔsúátɛ́na awɔ́ ú ŋaá súátɛ́na. Bɛ́ ŋaá basɔ́ iínjíé makɛ́nda ɛ ɛtɛ́má, tuɔ́ kɔ bɛ́námba ɔɔ́ mɔɔyɔ́ ma Bandɔ́mɛsɛ́ ; tuɔ́ cɔba ne buúse ɔ ɔháya mɔŋɔlɛ́ a bɔkɔ abɔ́ ú ŋaá basɔ́ bɛ́tánɛ́na.

1 Bíel 3:18

Yááŋa anyía, Kilís bɛ́muátá ŋeé wé ekúlú ɔ́mɔtɛ́ e bikúlú bikime a asana na maabɛ́ ma baacɔ ; wuúci atálɛ́mánánɔ́ yɛ́ ɔɔcɔ u ŋe keé wééné a yáánɔ́ asana, banɔ́ bakɛla maabɛ́, ɔ ɔkɛla anyía wá banɔ́ súétékéne ná Bandɔ́mɛsɛ́. Bé ŋeé wuúci ɔ́ɔ́nɔ owé háyɛ ɔɔcɔ okime, yɔ́ háányua o owé a makɛ́nda me Efúúménénú yí Elilé.

Nyɛnambɔnɛna nyɛ́ bɛsana 21:11

Ciíci inyíóyónó na núáyɛ́ nuúmi ; cɛ mányɛmaka háyɛ yoomí yɛ́ nyɛndányɛ́ a yɛ́mɔtɛ́ ; yoomí yɛ́ sasɛ́bɛ a cɛ́ ŋaá sána háyɛ abácɛ yí oólí.

Nyɛnambɔnɛna nyɛ́ bɛsana 21:23

Yááŋa tɔ́na anyía bálɛ́ka eécí tɛ ŋá yáamba ta ɔɔ́cɔ́ te oólí, anyía eese yí nuúmi nɔ́ Bandɔ́mɛsɛ́ ŋa lɛcana hɔ́á ; Ɔɔ́nɔ́ u Ɛtɔ́mbá áŋa ciayɛ́ *lámba.

Nyɛnambɔnɛna nyɛ́ bɛsana 21:3

Aáná ɛ ŋaá lɔ́kɔ́má yaandándá yí okelú ma bɛ́átábɔ́tɔ́na, ú húlúkúne haála ahá nɔkɔná áŋa ; ú kɔ́ɔnaka buáŋá ɔ́sɛ : « Ánɔ lɛcáka, ooki ú Bandɔ́mɛsɛ́ ooci, wáŋa ɛ ɛkatɛ́katɛ́ cɛ baacɔ ; u kéé límekine ɔlɔŋɔ ne beébe. Aáná u káá bá ciábɔ́ Bandɔ́mɛsɛ́, beébe bááyɛ́ baacɔ.

Nyɛnambɔnɛna nyɛ́ bɛsana 3:21

Ɛ ká mɛ́ kɛla anyía muyáka mukime á faáya wé ke límíne na yaŋɔ́ o otéŋínyi baacɔ, híáná yaŋɔ́ tɔ́na ɛ ŋaá mɛ yáká ; aáná tua sɔ́ŋa limine na ciamɛ Síkíne o otéŋínyi baacɔ.