Lóom 4:3 - Nomaande

³ Yááŋa anyía Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : « Abɛ́laham ŋaá háyá mɔŋɔlɛ́ ná Bandɔ́mɛsɛ́, ɛ́ɛhɛ́ Bandɔ́mɛsɛ́ ŋeé wuúci hiíte háyɛ atálɛ́mánánɔ́ yɛ́ ɔɔcɔ eeyé eé buúse. »

Lóom 4:3 Iomraidhean Croise

Matío 20:9

Aáná bɔnyiɔnɔ e bé ŋge bú síé i injéŋí ɛ́táánɔ cɛ nanyiɔ́fɔ́ ŋa bɔ́ faáya ; bɔ́ námaka hú náányɛ́ bɛnamá a bá naŋa bá námaka munyiɔnɔ a buɔ́sɛ́ bú buólí bukimekime.

Malɛ́kus 12:10

Yaŋɔ́ ɛsɛ nu na ma nɔ́ fanáka Ciɔɔ́ŋɛ́ cɛ́ Bandɔ́mɛsɛ́ a cɛ́ ŋaa kɔ́ɔna cɛ́sɛ : “Nyɛndányɛ́ anyɛ́ bafalɛfa ciíbe ŋe bú óómbóko, nyiínyi nyɛ́ ma bɛ́cáŋa nyɛndányɛ́ a nyɛ́ ma bɛ́túáhɛ́na ciíbe.

Lóom 10:11

Háyɛ yááŋa yɔɔ́ŋɔ́kɔ́nɔ́ anyía : « Ɔɔcɔ awɔ́ u káá háya mɔŋɔlɛ́ nááyá tɛ káá lɔ́kɔ́ma aatɔ́ ɔlama ta buɔ́sɛ́. »

Lóom 11:2

Bandɔ́mɛsɛ́ tɛ́ ŋa bɛ́yúáta buayá, anyía u ŋa cáŋa e buúbu lɔtɔ́ feeké. Nu ŋe nú ményi bɔmbányɛ aátɛ́ Ciɔɔ́ŋɛ́ cɛ́ Bandɔ́mɛsɛ́ ŋá kɔ́ɔna haála ehé Éli ŋɔ́ sɔ́mɛ́na baacɔ bé *Islayɛ́l ná Bandɔ́mɛsɛ́, ɔsɛ :

Lóom 4:11

Abɛ́laham ŋaá bá wá yánáŋa iindú ekúlú ayɛ́ Bandɔ́mɛsɛ́ ŋeé wuúci hiite háyɛ atálɛ́mánánɔ́ yɛ́ ɔɔcɔ eeyé eé buúse, ananyía u ŋeé lumitíníne. E elime, Bandɔ́mɛsɛ́ ŋeé wuúci laana anyía wá bɛ́áca. Ɔbɛ́áca oócí ŋaá bá hibílícínyínyí e hí ŋo tóŋínyi anyía wáŋa atálɛ́mánánɔ́ yɛ́ ɔɔcɔ eé buúse bɔ́ Bandɔ́mɛsɛ́. Yaátɛ́ asana Abɛ́laham áŋa sɔ́kɔ́nɔ́ cɛ baháya mɔŋɔlɛ́ ná Bandɔ́mɛsɛ́ bekime, te beébe iindú. Beébe eébé Bandɔ́mɛsɛ́ ŋeé hiite tɔ́na háyɛ bɛtálɛ́mánánɔ́ bɛ́ baacɔ eeyé eé buúse.

Lóom 4:5

Mbá, mbɔ́kɔ ɔɔcɔ ŋaá háya bɔ́ háya mɔŋɔlɛ́ ná Bandɔ́mɛsɛ́, wuúci u ŋa kɛ́la anyía bakɛla maabɛ́ á bámɔ́kɔ́na bɛtálɛ́mánánɔ́ bɛ́ baacɔ eeyé eé buúse, ɔɔcɔ oócí tɛ fanɛ́na a bíáyɛ́ bɛmbányɛ bí mekilíkínyí, Bandɔ́mɛsɛ́ kéé hiite úúyé olumitinine háyɛ ɔtálɛ́mánánɔ́ eeyé eé buúse.

Lóom 4:9

Ɔ́kɔ, obíléne oócí káá lɛ́caka hú basɔ́ *Besuif a babɛ́ácákánɔ́ bímuócí e ? Eéʼeé, ú ŋa lɛca tɔ́na benduéndue. Tú ma sɔ́ kɔɔna anyía Bandɔ́mɛsɛ́ ŋeé hiíte Abɛ́laham háyɛ atálɛ́mánánɔ́ yɛ́ ɔɔcɔ eeyé eé buúse e uúyé olumitinine.

Lóom 9:17

Aayá a Ciɔɔ́ŋɛ́, Bandɔ́mɛsɛ́ ŋaá laána tɔ́na Falawɔ́ŋ ɔsɛ : « I ŋé mí o télímínyi otéŋí ananyía e elime cɛ yɔ́ɔ́wɔ aatɔ́ ɔnata, yémi tóŋínyi na a baacɔ bekime maamɛ makɛ́nda na ɔ ɔmɛsɛ́ okime nulumí nɔ́ nyiámɛ nyiínyi. »

Sáak 2:23

Aáná yááŋa yɔɔ́ŋɔ́kɔ́nɔ́ anyía : « Abɛ́laham ŋaá háya mɔŋɔlɛ́ ná Bandɔ́mɛsɛ́, ɛ́ɛhɛ́ Bandɔ́mɛsɛ́ ŋeé wuúci hiíte háyɛ atálɛ́mánánɔ́ yɛ́ ɔɔcɔ eeyé eé buúse, yó wuúci lɔ́ŋɛ́ta anyía yááyɛ́ ekendinyi. »

Sáak 4:5

Tɛ́ cáŋa etémbí yááŋa yɔɔ́ŋɔ́kɔ́nɔ́ anyía : « Bandɔ́mɛsɛ́ ŋeé léne buéŋí Elilé ayɛ́ u ŋaá basɔ́ iínjie, u yiíyi kɛlakɛna yɔɔtɛ. »