Lóom 2:3 - Nomaande

³ Mbá kuɔŋɔ́ awɔ́ ɔ ŋɔɔ́ bɔsɔnɛna baacɔ nyɛkua, kuɔŋɔ́ bɛ́muátá a kɛlaka bɛátɛ́ bɛɛbɛ́ bɛ́ bɛsana, menyí anyía ɔ tɛ kɔ́ɔ́ bɛ́hɔɔ bɔ́nɔ́sɛ cɛ Bandɔ́mɛsɛ́.

Lóom 2:3 Iomraidhean Croise

Matío 23:33

Banɔ́ mɔɔ́hɔ eeme, bɔnyɛ ɛhɛ́nyɛ, énu menyúkúne bɔmbányɛ anyía nu tɛ anɔ́ bá nú ɔsámbáka bɔ́nɔ́sɛa cɛ Bandɔ́mɛsɛ́.

Matío 26:53

O ti ŋóo menyi anyía ya mɛ́ŋa wu ɔbáŋgɛna ciamɛ Síkíne, yɔ́ mɛ tɔ́mɛ́na ɔ ɔtɔ́mɛ́na ɛlɔŋɔ ciéŋí ci *bililé bɛ́ masɔ́ma bí biité bɛ́ hɔ́laka tɔ́sɛ́na cíɔ́hátá ne ífendí e ?

Lúkas 12:14

Yésus ɔsɛ nááyá : « Ɔɔcɔ ooci, aányɛ́ ú ŋeé mi télímínyi mukélísi bíánɔ́ bɛsana, ta anyía mɔsalɔtɔna búánɔ́ bɔnɔ́mɛ e ? »

Lúkas 22:58

Hikúlúkúlú ɔɔcɔ a wɔmɔtɛ́ ŋé wuúci lɛ́ca, mbá ɔsɛ : « Kuɔŋɔ́ tɔ́na, ɔ ɔ́ŋa u ɔlɔŋɔ oócí. » Mbá Bíel ŋaá bɛ́káma waáta ɔɔcɔ ɔsɛ : « Eéʼeé, ɛ tɛ amɛ́ bá ɔlɔŋɔ ne beébe. »

Lúkas 22:60

Mbá Bíel ŋaá bɛ́kámá ɔsɛ : « Ɛ tɛ ŋá mɛ lɔ́kɔ́ma ta bɔkɔ abɔ́ kuɔŋɔ́ ɔ ŋɔɔ́ waamba ɔkɔɔna. » Ekúlú ayɛ́ u ŋaá bá wa yánáŋa ɔ ɔtáŋa, yaaka yɛ́ ɛkɔkɛ́ ŋá bɛ́lɛ́ta.

Lóom 1:32

Ta ayɛ́ bé ŋe bú ményi bɔmbányɛ anyía Bandɔ́mɛsɛ́ ŋaá kɔɔna anyía baacɔ a bá ŋa bɔ́ kɛla anamánamá cá bɛɛbɛ́ bɛ́ bɛsana eécé ŋá bɔ́ nyɛmana bé owéékúne, bá ŋa bɔ́ cɔba hú ne buúse o o biíbi kɛla. Tɛ́ cáŋa ɔmanɔ́ oócí : Ekúlú ayɛ́ bá ŋa bɔ́ lɛ́ca baacɔ bé etémbí ábɔ́ kɛlaka bɛɛbɛ́ bɛ́ bɛsana, bé ŋe bú beébe lémbi anyía bá cɔbáka ne buúse ɔ ɔkɛla híáná.

Lóom 2:1

Mbá kuɔŋɔ́ aná, ɔ ɔ́ŋa aányɛ́, ɔ ŋɔɔ́ bɔsɔnɛna bɔsɔ́ɔ́kɔ́ nyɛkua e ? Bandɔ́mɛsɛ́ kɔ́ yɔ́ɔ lɔ́kɔ́mɛ́na bɔɔbɛ́ anyía ɔ ŋɔɔ́ bɔsɔnɛna bɔsɔ́ɔ́kɔ́ nyɛkua, yiíyi anyía kuɔŋɔ́ bɛ́muátá tɔ́na ɔ ŋɔɔ́ kɛla bɛátɛ́ bɛɛbɛ́ bɛ́ bɛsana. Ɛ́ɛhɛ́ ɔ́ mɔɔ́ bɛ́bɔ́sɔ́nɛ́na nyɛkua kuɔŋɔ́ bɛ́muátá.

Lóom 2:2

Basɔ́ bekime, tu ŋe sú ményi anyía ekúlú ayɛ́ Bandɔ́mɛsɛ́ ŋɔ́ bɔ́nɔ́sɛ baacɔ a bá ŋa bɔ́ kɛ́la bɛɛbɛ́ bɛ́ bɛsana eébí, wáŋa a taaká noómi.

Lóom 9:20

Kuɔŋɔ́ ɔɔcɔ u bɔtɔhɔ, ɔ ɔ́ŋa aátɛ́ o ŋóo kélísi Bandɔ́mɛsɛ́ e ? O ŋoó keti anyía bɔkɔ abɔ́ bá tabɔ́naka na aabá áŋa na makɛ́nda ma ɔbata mu-buúbu-tábɔ́na bɔ́sɛ : « Anyíatɛ́ ɔ́ɔ mɛ tábɔ́náka aáná e ? »

1 Tɛsaloníke 5:3

Ekúlú a yɛ́mɔtɛ́ ayɛ́ baacɔ ká bɔ́ bá bábɔ́ kɔ́ɔnaka anyía bɔmbányɛ áŋa hɔ́á, bɔkɔ bú olíkíméke tɛ á bá, hí e ekúlú eéyé bé ké bú túme ɔlɛca muuyé, bá tɛ bɛ́táta ; bú káá bá háyɛ inúmí cí obíéne naŋa cɛ́á hátɛna oónjú, u tɛ bɛ́táta ; bá tɛ ká bɔ́ bɔ́ŋɔ ohónyí wú ɔcabakɛna.

Ebélé 12:25

Énu bíkékényíki aná, nuti kine ɔlɔ́kɔ́ma ɔtáŋa ú Ooci awɔ́ u ŋaá táŋa. Baacɔ bá buáyá ŋe bú kínéké ɔlɔ́kɔ́mɛ́na ɔɔcɔ awɔ́ u ŋaá bá weé beébe hulikinyi bɛsana bɛ́ Bandɔ́mɛsɛ́ aáhá ɔ ɔmɛsɛ́ ; aáná bá ŋa bɔ́ lɔ́kɔ́máka muuyé. Híáná túásɔ́ nyɛmána tú ɔlɔ́kɔ́mákɛ́na Ooci ewú u ŋeé húle ɔ Ɔmuaná. Mbɔ́kɔ tu ŋe sú kíne o wuúci lɔ́kɔ́mɛ́na, tu ká sɔ́ lɔ́kɔ́máka muuyé muéŋí ɔ ɔhɔla.

Ebélé 2:3

Mbá basɔ́ tua sɔ́ŋa balɔ́kɔ́mákánɔ́ bɛandándá bɛ́ bɛsana a bɛ́ a hɔ́la : Biíbi bɛ́ ŋá basɔ́ nóhi, mbá anyána tua sɔ́ŋa tú ɔsámbáka muuyé a mɔ́ á basɔ́ nyɛmána, mbɔ́kɔ tu ŋa sɔ́ nɔ́kɔ *bikotí, tu ti biíbi lɔ́kɔ́mɛ́na e ? Otéŋí a Waáŋá bɛ́muátá ú ŋa cáŋacáŋa ohuliki bɛsana a bɛ́ ŋa basɔ́ nóhi. Baacɔ a bá ŋa bɔ́ lɔ́kɔ́máka bɛsana eébí ŋa bɔ́ hákɛ́na ɛmbasɔ́ anyía bíáŋa taaká cɛ́ bɛsana.