Lóom 2:2 - Nomaande

² Basɔ́ bekime, tu ŋe sú ményi anyía ekúlú ayɛ́ Bandɔ́mɛsɛ́ ŋɔ́ bɔ́nɔ́sɛ baacɔ a bá ŋa bɔ́ kɛ́la bɛɛbɛ́ bɛ́ bɛsana eébí, wáŋa a taaká noómi.

Lóom 2:2 Iomraidhean Croise

Nyɛnambɔnɛna nyɛ́ bɛsana 19:2

Nyíáyɛ́ nyɛbɔsɔna nyɛ́ bɛsana áŋa taaká, nyiínyi nyɛtálɛ́mánánɔ́, anyía wáŋa ɔbɔsɔ́nánɔ́ asana yɛ́ yaandándá yí okendí u oónjú eéyé a yɛ́ ŋaá cáŋgɛ́na baacɔ bekime bá ɔmɛsɛ́ na cááyɛ́ ɛnjɔkɔ́nɔ́nɔ. Bandɔ́mɛsɛ́ mé wuúci bɔ́nɔ́sɛa aná anyía u ŋɔ yɔɔ́nɔ́kɔ bááyɛ́ bɔnyiɔnɔ. »

Nyɛnambɔnɛna nyɛ́ bɛsana 16:5

Ɛ ŋaá mɛ lɔ́kɔ́má *elilé yɛ́ bɔsɔ́ma a yɛ́ náŋa yé téŋgínyi menyífé á láakɛna Bandɔ́mɛsɛ́ yɛ́sɛ : « Kuɔŋɔ́ bímuócí ɔ ɔ́ŋa ofúúménénú, ɔ ɔ́ŋa ekúlú ekime, kuɔŋɔ́ ɔ ŋɔɔ́ bá ; ɔ́ mɔɔ́ sɔ́mbɔ́tɔ́kɔ́na bɛsana eebi háyɛ yááŋa atálɛ́mánánɔ́.

Lóom 9:14

Mbá aátɛ́ yí etémbí aná e ? Ɛ́cɛ anyía Bandɔ́mɛsɛ́ tɛ á bá ɔtálɛ́mánánɔ́ e ? Eéʼeé, te butíkítíki !

Lóom 2:5

Huúúʼ ! Asɛ ɔ́ɔ natá ɔtɛ́má, baabá ! Ɔ tɛ ŋɔ́ɔ waamba ɔbɛ́kákálɛ́na búɔ́wɔ bɔɔbɛ́ ; aáná ɔ ŋɔɔ́ bɛ́áŋɛ́nɛ́na yaandándá yɛ́ bɔ́nɔ́sɛ yɛ́ Bandɔ́mɛsɛ́. U kóó lóbísíkinyi bakɛla maabɛ́ ɔ buɔ́sɛ́ bɔ́ yááyɛ́ atálɛ́mánánɔ́ yɛ́ nyɛkála.

Buólí 17:31

Yááŋa anyía u ŋaá táfá na buɔ́sɛ́ bú okélísíki baacɔ bá ɔmɛsɛ́ okime na ɔɔcɔ ewú u kéé beébe kélísíki aá taaká noómi. Buátɛ́ bɔkɔ Bandɔ́mɛsɛ́ ŋeé tóŋínyí hibílícínyínyí á baacɔ bekime e nyiheenyi enyí u ŋeé héényi waáta ɔɔcɔ e biwéewé. »

Lóom 2:1

Mbá kuɔŋɔ́ aná, ɔ ɔ́ŋa aányɛ́, ɔ ŋɔɔ́ bɔsɔnɛna bɔsɔ́ɔ́kɔ́ nyɛkua e ? Bandɔ́mɛsɛ́ kɔ́ yɔ́ɔ lɔ́kɔ́mɛ́na bɔɔbɛ́ anyía ɔ ŋɔɔ́ bɔsɔnɛna bɔsɔ́ɔ́kɔ́ nyɛkua, yiíyi anyía kuɔŋɔ́ bɛ́muátá tɔ́na ɔ ŋɔɔ́ kɛla bɛátɛ́ bɛɛbɛ́ bɛ́ bɛsana. Ɛ́ɛhɛ́ ɔ́ mɔɔ́ bɛ́bɔ́sɔ́nɛ́na nyɛkua kuɔŋɔ́ bɛ́muátá.

Lóom 2:3

Mbá kuɔŋɔ́ awɔ́ ɔ ŋɔɔ́ bɔsɔnɛna baacɔ nyɛkua, kuɔŋɔ́ bɛ́muátá a kɛlaka bɛátɛ́ bɛɛbɛ́ bɛ́ bɛsana, menyí anyía ɔ tɛ kɔ́ɔ́ bɛ́hɔɔ bɔ́nɔ́sɛ cɛ Bandɔ́mɛsɛ́.