Lóom 11:7 - Nomaande

⁷ Mbá aátɛ́ aná e ? Yááŋa anyía bɔkɔ abɔ́ baacɔ bé Islayɛ́l ŋa bɔ́ bá bábɔ́ aambaka, bé ti ómó bú buúbu bɔ́ŋɔ ; mbá hú eebe abá Bandɔ́mɛsɛ́ ŋɔ lɔ́tɔ́kɔ bá ŋa bɔ́ bɔ́ŋɔ buátɛ́ bɔkɔ. U ŋaá kɛ́la anyía bɔsɔ́ɔ́kɔ́ bé etémbí tɛ lɔ́kɔ́ma bɔmbányɛ bíáyɛ́ bɛsana.

Lóom 11:7 Iomraidhean Croise

Malɛ́kus 6:52

anyía bɔ́ tɛ ɔ́mɔ bɔ́ lɔ́kɔ́ma bɔmbányɛ *ekéki yɛ́ asana yí biléti ebí Yésus ŋeé céésíki, anyía cííbú ɛtɛ́má ŋaá bá ɛnatákánɔ́ ɔ ɔlɔ́kɔ́ma.

Lúkas 13:24

« Ánɔ bɛ́kɛ́ndɛ́na owoofine e ehenyi a yɛsákɛ́nánɔ́, anyía ɛ ŋa mɛ́ banɔ́ láana anyía baacɔ beéŋí ká bɔ́ aámbáka owoofine, mbá bé ti ké bú oofine.

Sáaŋ 12:40

« Bandɔ́mɛsɛ́ ŋeé beébe ceŋísíki bendíméndíme, yɔ́ kɔ́ŋɔ́náka maabɔ́ mɔsɔŋɛ́ anyía mbá cáábɔ́ eése tɛ lɛcána, maabɔ́ mɔsɔŋɛ́ tɛ́ kanda bɔmbányɛ, aáná bá tɛ ká bɔ́ bɛ́kákálákɛ́na maabɔ́ maabɛ́ anyía wé beébe eéŋúnyísíki. »

Lóom 10:3

Yááŋa anyía bé tí ómó bú ményi bɔmbányɛ bɔmbányɛ ohónyí awɔ́ Bandɔ́mɛsɛ́ ŋe híite baacɔ háyɛ bɛtálɛ́mánánɔ́ bɛ́ baacɔ eeyé eé buúse ; ɛ́ɛhɛ́ bá ŋa bɔ́ bɔlɔkɔ úúbú ohónyí ú bɛ́muátá, bá ŋá bɛ́sáŋɔ́na ohónyí awɔ́ Bandɔ́mɛsɛ́ ŋé hiíte baacɔ háyɛ bɛtálɛ́mánánɔ́ eeyé eé buúse.

Lóom 11:25

Banɔ́ báámɛ benyíinyí, ɛ ŋa mɛ́ aamba anyía núénú menyi asana yí indiitie eeye, anyía nu ti bíkéti anyía nua nɔ́ŋa ne injiŋé ciéŋí ɔ ɔhɔla : Yááŋa anyía baacɔ ɔ bɔ́mɔtɛ́ bé *Islayɛ́l ká bɔ́ cɔ́cɔbaka ne buúse ɔ ɔkɛlɛna Bandɔ́mɛsɛ́ aatɔ́ ɔnata ɔ ɔkɔɔ́háma ekúlú ayɛ́ baacɔ bá mɔnɔŋɔ me etémbí bekime ké bú lúmitekinine.

Lóom 11:5

*Híáná yááŋa tɔ́na aámbáya : Tua sɔánáŋa hɔ́á, basɔ́ bɛtaŋalaka bɛ́ baacɔ abɛ́ Bandɔ́mɛsɛ́ ŋɔ lɔ́tɔ́kɔ a yááyɛ́ yaála yí nuubo.

Lóom 3:9

Ánɔ lɛcá aná ! Ya mɛáŋa otóŋgínyínyi anyía na basɔ́ Besuif na baacɔ bé etémbí tua sɔ́ŋa basɔ́ bekime na ɔtɛ́má awɔ́ ú ŋa basɔ́ hámɛ́na ɔkɛla bɔkɔ búmɔtɛ́. Ɛ́ɛhɛ́ basɔ́ Besuif tu tɛ ŋá sɔ́ hɔ́la baacɔ bé etémbí te butíkítíki.

Lóom 6:15

Mbá aátɛ́ bú ŋo tóŋínyi aná e ? Mbá yááŋa anyía ayɛ́ yaála yí nuubo yɛ́ Bandɔ́mɛsɛ́ ŋaá basɔ́ mánɛna aáná, ɛ́ɛhɛ́ túásɔ́ nyɛmana tu ɔcɔbaka ne buúse ɔ ɔkɛla bɛɛbɛ́ bɛ́ bɛsana anyía bikotí tɛ ŋa háná basɔ́ manɛna e ? Eéʼeé, tɛ́ cáŋa aáná.

Lóom 9:18

Bú ŋo tóŋínyi tɔ́na anyía Bandɔ́mɛsɛ́ ŋaá bɛ́cáma mahana ooci ewú u ŋeé léne o wuúci bɛ́cáma mahana, u netisiki ɔtɛ́má ú ooci ewú u ŋeé léne o wuúci netisi ɔtɛ́má.

Lóom 9:23

U ŋoó tóŋínyi tɔ́na baacɔ nyɛnamá anyɛ́ yááyɛ́ yaála yí nuubo áŋa yeéŋí a yáásɔ́ aháŋá, basɔ́ abá u ŋaá basɔ́ bɛ́cáma mahana. U ŋaá cáŋa ɔ basɔ́ tabɔ́nɛ́na yaáláka yɛ́ núáyɛ́ nuúmi.

1 Kɔlɛ́ɛntɛ 10:19

Ɛ ŋa mɛ́ aamba ɔ banɔ́ láana anyía ne bitúké a bá ŋa sɔ́mbɛ́na e esíéké ne esíéké bɛ́muátá tɛ ŋɔ́ yɔ́ɔ́lɔ ta bɔkɔ.

2 Kɔlɛ́ɛntɛ 3:14

Híáná cííbú injiŋé ŋeé nyímúkúne ɔ ɔkɔɔ́háma hɛ́nánɔ eeci ; ekúlú ayɛ́ bá ŋa bɔ́ fana tufule tɔ́ nyɛlata nyí bumbénú nyɛ́ buáyá a Ciɔɔ́ŋɛ́ cɛ́ Bandɔ́mɛsɛ́, bá tɛ ŋá bɔ́ lɔ́kɔ́ma bɔmbányɛ nyɛfana anyía bá bɔ́ánáŋa ne buume e eése. Yááŋa anyía hí ekúlú ayɛ́ ɔɔcɔ áŋa e nyimónjóló ne Kilís, ɛ́ɛhɛ́ buume ŋá mána eeyé eé buúse.

2 Kɔlɛ́ɛntɛ 4:4

A asana na baacɔ eébé a bá tɛ ŋá bɔ́ lɔ́kɔ́ma bɔmbányɛ Ambányɛ yɛ́ Ɛsɔ́ma, yááŋa anyía Sátan, bandɔ́mɛsɛ́ cɛ ɔmɛsɛ́ ooci, u ne meé beébe cakalaka bíábɔ́ bɛɛtɔ́, anyía bá tɛ́ lɛcá háyɛ Ambányɛ yɛ́ Ɛsɔ́ma yí nuúmi nú *Kilís ŋá nɔ́ma náábɔ́, nú húlúkúne ne Kilís. Waáta Kilís áŋa taaká ci ihúényínyí cɛ Bandɔ́mɛsɛ́ bɛ́muátá.

Ɛfɛ́ɛsɛ 1:4

Yááŋa anyía Bandɔ́mɛsɛ́ na maá basɔ́ táfáka buáyá ɛ́cɛ u tɛ ŋáá bɔ́tá na ɔmɛsɛ́ na ɔmuaná anyía túásɔ́ bámɔ́kɔ́na befúúménénú e nyimónjóló ne Kilís, tɛ́ka na hɛkɔma eeyé eé buúse. A asana ayɛ́ Bandɔ́mɛsɛ́ ŋaá basɔ́ lénéké,

Ɛfɛ́ɛsɛ 4:18

Ciíbú injiŋé áŋa i ibíne noómi ; bá tɛ abɔ́ bá na nuafa ɔ yɔɔ́sɔɔ́sɔ yí olíhe ayɛ́ Bandɔ́mɛsɛ́ ŋé yííŋjíéne, anyía bé ti ŋé bú menyi ta bɔkɔ, beébe na bɛnatákánɔ́ bɛ́ ɛtɛ́má.

Filibí 1:18

Ɛ́cɛ anyía, ta yɛ́ cáŋa á bá na aabɛ́ yɛ́ ɔtɛ́má, ta anyía na ambányɛ yɛ́ ɔtɛ́má, bú tɛ ŋá mɛ ɔɔmbɔ ta ɔbaca. Bekime eébé ŋe bú húlinyi baacɔ Kilís ; yaátɛ́ asana i ŋeé mi bíléne buéŋí. I ké túné émi bílénéke buéŋí ɔ ɔhɔla ;

Ebélé 12:17

Nu ŋe nú menyi anyía e elime ci nyitúé, u ŋa yáambaka anyía síkíne é wuúci sayábɛ́na, mbá síkíne te olumitine, ta yɛ́ cáŋa á bá anyía u ŋa lɛ́láka. Asana yɛ́ ɔkɔmbɔtɔna tɛ ɔ́mɔɔ́ háná bá.

1 Bíel 1:2

Síkíne Bandɔ́mɛsɛ́ ŋaá banɔ́ táfáká buáyá háyɛ u ŋaá tákákɛ́ná a makɛ́nda ma yááyɛ́ Elilé anyía nuánɔ́ lɔ́kɔ́mákɛ́na Yésus Kilís, tɔ́na anyía nuánɔ́ bámɔ́kɔ́na bifúúménénú bɛ́ baacɔ e elime cɛ maayɛ́ manɔ́ŋɔ́ a má ŋaá hámɔ́kɔ́ná. Bandɔ́mɛsɛ́ á banɔ́ sayábákɛ́na, mbá u banɔ́ iínjíékíne mbuumu ciéŋíníŋíniʼo !