Lóom 11:6 - Nomaande

⁶ U ŋaá basɔ́ lɔtɔ́kɔ, basɔ́ Besuif, a yááyɛ́ yaála yí nuubo, mbá tɛ́ cáŋa a maasɔ́ mekilíkínyí. Mbɔ́kɔ yá bá anyía a maasɔ́ mekilíkínyí, keyé yááyɛ́ yaála yí nuubo tɛ á bá taaká cɛ yaála yí nuubo.

Lóom 11:6 Iomraidhean Croise

Lúkas 6:13

Ɛ́makɛ́la ɔyá áa ya, u ŋɔ́ lɔ́ŋɔ́kɔ bááyɛ́ *baákɔ́nɛ́na, u ŋá táfáka aabɔ́ ɛ ɛkatɛ́katɛ́ baacɔ bɔ́ɔ́hátá ne béfendí, u ŋé beébe lɔá nyiínyi anyía *baacɔ bá ɛndɔ́ma.

1 Kɔlɛ́ɛntɛ 15:10

Mbá ta híáná, Bandɔ́mɛsɛ́ ŋa mɛ́ sayábɛ́na, nyiámɛ nyɛbɛ́cáŋa eényí ooci awɔ́ ya mɛ́ŋa aámbáya. Aáná yááyɛ́ yaála yí nuubo eyí u ŋeé mi tóŋínyí tɛ a bá buólí bú nubókó. Eéʼeé, ya mɛ́ŋa ɔnyiɔ́kɔ́nɔ́ ne nuubo eénú yaandándá yí buólí a yɛ́ á hɔ́la bɔ́ baacɔ bá ɛndɔ́ma bé etémbí bekime. Aá taaká, tɛ́ cáŋa yaŋɔ́ bɛ́muátá ɛ ŋa mɛ́ nyiɔ́kɔ buólí eébú, mbá yaála yí nuubo yɛ́ Bandɔ́mɛsɛ́ a yɛ́áŋa náámɛ.

Kalasi 2:21

Ɛ tɛ ámɛ bá wu ɔbɛ́sáŋɔ́na bɔmbányɛ bɔ́ yaála yí nuubo yɛ́ Bandɔ́mɛsɛ́ a asana na nyɛlátɛ́na nyí bikotí anyía, mbɔ́kɔ ɔɔcɔ ŋe fúúméne eé buúse bɔ́ Bandɔ́mɛsɛ́ a asana na nyɛlátɛ́na nyí bikotí, bú ŋo tóŋínyi anyía owé ú Kilís tɛ ŋɔ́ yɔ́ɔ́lɔ buúse bukime.

Kalasi 5:4

Banɔ́ eebe abá nu ŋa nɔ́ bɛ́táá anyía nua nɔ́ŋa nú ɔbá bɛtálɛ́mánánɔ́ bɛ́ baacɔ eé buúse bɔ́ Bandɔ́mɛsɛ́ anyía nyɛlátɛ́na nyí bikotí bí *Besuif, énu menyi anyía nú ma nɔ́ aálɔ́nána ne Kilís ; yááyɛ́ yaála yí nuubo tɛ á bá yɛ́ ɔ háná bá náánɔ́.

2 Timoté 1:9

Bandɔ́mɛsɛ́ ŋaá basɔ́ nohi. U ŋaá basɔ́ lɔ́ŋɔ́kɔ anyía túásɔ́ bámɔ́kɔ́nɛ́na bifúúménénú bɛ́ baacɔ ; tɛ́ cáŋa a asana na bíásɔ́ bɛmbányɛ bɛ́ abɛ́kɛ́lɛ́na, mbá hú anyía na nyíáyɛ́ nyɛtákɛ́na nyɛ́ bɛsana na yááyɛ́ yaála yí nuubo. U ŋaá kɛ́láka aáná e elime ci Yésus Kilís, ekúlú ayɛ́ u ŋaá bá ɛ́cɛ u ti ŋe kéti na ɔmuaná na ɔmɛsɛ́.

Tite 3:5

u ŋaá basɔ́ nóhíki etémbí ne etémbí ; tɛ́ cáŋa anyía tu ŋa sɔ́ kɛ́láka bɛmbányɛ bɛ́ bɛsana, mbá u ŋaá basɔ́ nóhíki anyía u ŋaá basɔ́ bɛ́cáma mahana, a nyɛsua anyɛ́ u ŋaá súáka maasɔ́ maabɛ́, yó fúúmíkínyi cíísú ɛtɛ́má ne menyífé a makɛ́nda me *Efúúménénú yí Elilé, anyía túésú bíbíénútúne yɔɔ́sɔɔ́sɔ yí nyibíbíéne, túɔ́ bá na yɔɔ́sɔɔ́sɔ yí olíhe.