Lóom 11:2 - Nomaande

² Bandɔ́mɛsɛ́ tɛ́ ŋa bɛ́yúáta buayá, anyía u ŋa cáŋa e buúbu lɔtɔ́ feeké. Nu ŋe nú ményi bɔmbányɛ aátɛ́ Ciɔɔ́ŋɛ́ cɛ́ Bandɔ́mɛsɛ́ ŋá kɔ́ɔna haála ehé Éli ŋɔ́ sɔ́mɛ́na baacɔ bé *Islayɛ́l ná Bandɔ́mɛsɛ́, ɔsɛ :

Lóom 11:2 Iomraidhean Croise

Malɛ́kus 12:26

Mbá, a asana a yɛ́ ŋa lɛ́ca ne biwéewé na nyíábɔ́ nyɛhaanyua, nu tɛ ɔ́mɔ nɔ́ fána e Nufule nú Moyís a haála ehé u ŋe bíkéti asana yí hikitékíté a hɛ́ ŋaá bá hɛ́á lɔ́laka e ? Hɔ́á, Bandɔ́mɛsɛ́ ŋaá laána Moyís ɔsɛ : “Ya mɛ́ŋa Bandɔ́mɛsɛ́ cɛ *Abɛ́laham, Bandɔ́mɛsɛ́ cɛ *Isak, Bandɔ́mɛsɛ́ cɛ *Yákɔb.” »

Lúkas 4:1

Ekúlú ayɛ́ u ŋa ka hálɔ́mɔ́ná aá nuɔmɔ́ nú Sulutɛ́ŋ, Yésus ŋaá bá onyíóyónó ne *Efúúménénú yí Elilé. Elilé ŋeé wuúci cɔbána i iisí cɛ ɔsɛ́bɛ́á.

Sáaŋ 4:11

Mbá oónjú ɔsɛ : « Taatá, kuɔŋɔ́ ooci, ɔ tɛ ɔ́ bá na bɔtɔ́kɛ́ná ; ekenú áŋa tiímé noómi tɔ́na. Anyána ɔ ŋɔɔ́ kɛlaka anyía ɔ́ɔ bɔ́ŋɔ menyífé me hicéme e ?

Buólí 13:48

Ɛ́makɛ́la baacɔ a bá tɛ ábɔ́ bá Besuif ábɔ́ lɔ́kɔ́máka ɔtáŋa oócí, bó bílénéke buéŋí ; bé ŋé túme owoómísi Bɛsana bí Otéŋí a Waáŋá. Aáná baacɔ bekime abá Bandɔ́mɛsɛ́ ŋaá bá ú ma táfáka anyía bábɔ́ bá na yɔɔ́sɔɔ́sɔ yí olíhe yí ekúlú ekime ŋa bɔ́ hákɛ́na mɔŋɔlɛ́ né Yésus.

Buólí 15:18

Aáná Otéŋí a Waáŋá ewú u ŋe yeékúnyíkí feeké baacɔ bɛsana eébí ú ŋaá táŋá. »

Buólí 3:17

Buamɛ é, yɛ́ ŋa lɛ́cana aámbáya anyía na banɔ́ na báánɔ́ betéŋí nu ŋa nɔ́ bɛ́sáŋɔ́ná Yésus anyía nu tɛ ɔ́mɔ nɔ́ bá nuenú ményukune bɔkɔ abɔ́ nu ŋa nɔ́ bá nuanɔ́ kɛ́laka.

Buólí 7:40

Bá ŋga bɔ́ laána *Aálɔn báyɛ : “Basɔ́ tábɔ́nákɛ́na bɛbandɔ́mɛsɛ́ a bɛ́ á nyɛmána bɛ́ ɔ basɔ́ súéke eé buúse ; tu ti ŋé sú ményi bɔkɔ a bɔ́ ma ka hámɛ́na Moyís, mu-basɔ́-kátɔ́na e Esíbit.”

Lóom 6:16

Nu ŋe nú ményi bɔmbányɛ anyía ɔɔcɔ okime ewú e lumitine obítúé wuúci bɛ́muátá ná ɔɔcɔ o o wuúci lɔ́kɔ́mɛ́na háyɛ yɔɔ́lɛ́ a yáaŋa taaká yɔɔ́lɛ́ yɛ́ ɔɔcɔ oócí. Híáná, mbɔ́kɔ nu ŋa nɔ́ lɔ́kɔ́mɛ́na bɔɔbɛ́, nua nuáŋa bíáyɛ́ bɛɔ́lɛ́ ; owé ŋaá banɔ́ bísúéne ekúlú eéyé. Mbá, mbɔ́kɔ nu ŋa nɔ́ lɔ́kɔ́mɛ́na Bandɔ́mɛsɛ́, nua nuáŋa bíáyɛ́ bɛɔ́lɛ́, u káá banɔ́ kílisiki bɛmbányɛ bɛ́ bɛsana.

Lóom 9:23

U ŋoó tóŋínyi tɔ́na baacɔ nyɛnamá anyɛ́ yááyɛ́ yaála yí nuubo áŋa yeéŋí a yáásɔ́ aháŋá, basɔ́ abá u ŋaá basɔ́ bɛ́cáma mahana. U ŋaá cáŋa ɔ basɔ́ tabɔ́nɛ́na yaáláka yɛ́ núáyɛ́ nuúmi.

Lóom 9:6

Ɔ́kɔ, bú ŋo tóŋínyi anyía Bɛsana bɛ́ Bandɔ́mɛsɛ́ mé wé etémbí e ? Eéʼeé ! Yááŋa anyía, bɔnyɛ Islayɛ́l bukime tɛ á bá taaká cɛ́ baáná bá Bandɔ́mɛsɛ́.

1 Kɔlɛ́ɛntɛ 6:2

Énu menyí bɔmbányɛ anyía belumitinine *Kilís bé ké bú kélísíki baacɔ bekime bá ɔmɛsɛ́. Mbɔ́kɔ banɔ́ belumitinine, núánɔ́ nyɛ́mána nú okélísíki baacɔ bekime bá ɔmɛsɛ́, mbá anyána aná nu tɛ anɔ́ bá nú okélísíki tɔsanasáná e ?

1 Kɔlɛ́ɛntɛ 8:3

Bandɔ́mɛsɛ́ ŋe ményi ɔɔcɔ okime ewú u ŋe wuúci léne.

Filibí 1:22

Mbá, mbɔ́kɔ a asana eyí i ŋeé mi líhe ya mɛ́ŋa wu ɔwɔɔ́lɔ́kɔ baacɔ aáná, i ti ŋé mí menyi aátɛ́ yámɛ́ nyɛmána wu ɔtáfa.

Ebélé 1:1

Buáyá, *Bandɔ́mɛsɛ́ ŋaa láakɛna cíísú sɔ́kɔ́nɔ́ bɛsana anamánamá bikúlú biéŋí. Bááyɛ́ *behémúnyi bɛsana abá u ŋaá tɔ́mɔ́kɔ́ná ŋa bɔ́ táŋa a yááyɛ́ aháŋá.

1 Bíel 1:2

Síkíne Bandɔ́mɛsɛ́ ŋaá banɔ́ táfáká buáyá háyɛ u ŋaá tákákɛ́ná a makɛ́nda ma yááyɛ́ Elilé anyía nuánɔ́ lɔ́kɔ́mákɛ́na Yésus Kilís, tɔ́na anyía nuánɔ́ bámɔ́kɔ́na bifúúménénú bɛ́ baacɔ e elime cɛ maayɛ́ manɔ́ŋɔ́ a má ŋaá hámɔ́kɔ́ná. Bandɔ́mɛsɛ́ á banɔ́ sayábákɛ́na, mbá u banɔ́ iínjíékíne mbuumu ciéŋíníŋíniʼo !