Lóom 1:3 - Nomaande

^3-4 Ambányɛ yɛ́ Ɛsɔ́ma eéyé ŋo tóŋínyi asana yí uuyé Ɔɔ́nɔ́, Yésus Kilís, uusú Otéŋí a Waáŋá. A aháŋá na baacɔ, bé ŋeé wuúci bíéné a hɛnyɛ́nɔ́ hí Otéŋí *Táfit. A aháŋá ne Elilé, Bandɔ́mɛsɛ́ ŋeé wuúci télímínyí uuyé Ɔɔ́nɔ́ a makɛ́nda me *Efúúménénú yí Elilé e nyiheenyi enyí u ŋeé wuúci héényi e biwéewé.

Lóom 1:3 Iomraidhean Croise

Matío 1:1

Ɛnjɔ́ɔ cɛ ɔbɔ́ta ú *Yésus *Kilís, *Ɔɔ́nɔ́ u Táfit, a wáŋa ɔɔ́nɔ́ u *Abɛ́laham :

Matío 1:16

Yákɔb nyikeébíéne eényí Yɔ́sɛb, ɔnɔ́mɛ u Malíi ; Malíi áŋa iinyí ci Yésus ; bɔ́ ŋɔɔ́ lɔ́ŋɔ́ Yésus anyía *Mesíi.

Matío 1:6

Yésée ŋé bíéne Otéŋí u baacɔ *Táfit. Táfit ŋeé bíéné Sálɔmɔn, ne wuúci ne oónyí u Úúli ;

Matío 12:23

Bekime ŋe bú kékéke, bá kɔ́ɔnaka báyɛ : « Yáakɛlá ɔɔ́nɔ́ u Táfit ooci wáŋa. »

Matío 15:22

Oónjú a wɔmɔtɛ́, itónyi cɛ Kanaáŋ, ŋaá bá weé límekine hɔ́á ; u ŋaá faáya né Yésus, yó túme o wuúci baŋɛna ɔsɛ : « Otéŋí a Waáŋá, ɔɔ́nɔ́ u Táfit ! Ɔ́ɔ mɛ bɛ́cáma mahana. Uumi ɔɔ́nɔ́ e woónjú ŋaá lɔ́kɔ́ma ɔkála buéŋí ; wáŋa na aabɛ́ yí elilé. »

Matío 26:63

Mbá Yésus ŋeé lésíkínyi hú mbuumu. Mutéŋínyi beluli nyiínjie a muáŋá ŋé wuúci bícónyi ɔsɛ : « Ɛ ŋɔ mɛ́ ɔ laána eé nyiínyi nyɛ́ Bandɔ́mɛsɛ́ a wáŋa wɔɔ́sɔ anyía, basɔ́ bɛ́káma aámbáya “Ɛ́ɛ”, ta anyía “Eéʼeé” : Ɔ ɔ́ŋa *Mesíi, Ɔɔ́nɔ́ u Bandɔ́mɛsɛ́ e ? »

Matío 27:43

U ŋaá háya mɔŋɔlɛ́ ná Bandɔ́mɛsɛ́. Ɛ́hɛ́ɛ, mbɔ́kɔ Bandɔ́mɛsɛ́ ŋeé wuúci léne, wé wuúci háŋɔ́na aná ! Tɛ́ka u ŋaá kɔ́ɔ́na ɔsɛ wáŋa Ɔɔ́nɔ́ u Bandɔ́mɛsɛ́ e ? »

Matío 3:17

Okelú ŋaá lɔ́kɔ́mána ú húlúkúne ɔ Ɔmuaná, ú kɔɔnaka ɔ́sɛ : « Ooci áŋa uumi ɔɔ́nɔ́ u ɔtɛ́má, ya mɛ́ŋa ne obíléne weéŋí nááyá. »

Matío 9:27

Ekúlú eyí Yésus ŋaá hátɔ́na o osúéte, bendíméndíme béfendí ŋé bú túme o wuúci látɛ́na, bá kɔɔnaka okelú ɔ ɔmuaná báyɛ : « Ɔɔ́nɔ́ u Táfit, cɔ́kɔ́lɛ, basɔ́ bɛ́cáma mahanaʼo ! »

Lúkas 1:35

Elilé yɛ́sɛ : « *Efúúménénú yí Elilé káá fáaya nɔ́ɔ́wɔ, wó hiite nyifume. Yaátɛ́ asana ɔɔ́nɔ́ ewú u kéé bíbíéne káá bá ofúúménénú, wuúci Ɔɔ́nɔ́ u Bandɔ́mɛsɛ́.

Lúkas 1:69

Ú maá basɔ́ tɔ́mɛ́na ɔkɛndákɛ́nda ɔ ɔ basɔ́ nóhi, u ŋeé húle eé ciíbe cɛ baacɔ cɛ muayɛ́ munyiɔnɔ Táfit.

Sáaŋ 1:14

Buhúnyi ŋa bɛ́cáŋa ɔɔcɔ, ɔɔcɔ oócí ŋé limékíne aasɔ́ ɛ ɛkatɛ́katɛ́ na yááyɛ́ yaála yí nuubo ekime ; u basɔ́ tóŋgínyi taaká ikime, tu lɛcaka búáyɛ́ buáŋá, buáŋá e bú ŋé húle né Síkíne.

Sáaŋ 1:34

Yaŋɔ́, ɛ ŋá mɛ́ lɛca anyía bɛsana eébí maá háma taaká. Buátɛ́ bɔkɔ ɛ ŋaá mɛ́ háya ɛmbasɔ́ anyía ɔɔcɔ ooci áŋa Ɔɔ́nɔ́ u Bandɔ́mɛsɛ́. »

Sáaŋ 1:49

Mbá Nataniɛl ɔsɛ : « Láábi, ɔ ɔ́ŋa Ɔɔ́nɔ́ u Bandɔ́mɛsɛ́, ɔ ɔ́ŋa Otéŋí u Islayɛ́l. »

Sáaŋ 10:30

Na yaŋɔ́ na ciamɛ Síkíne tua sɔ́ŋa ɔɔcɔ ɔmɔtɛ́. »

Sáaŋ 10:36

Ɛ́ɛhɛ́ yaŋɔ́, Bandɔ́mɛsɛ́ ŋaá mɛ lɔ́tɔ, yɔ́ mɛ tɔ́ma ɔ ɔmɛsɛ́. I ti ŋé mi menyi anyána nua nɔ́ŋa nú ɔkɔɔna anyía i ŋe mí féníne Bandɔ́mɛsɛ́ ekúlú ayɛ́ ɛ́ maá mɛ kɔɔna anyía ya mɛ́ŋa Ɔɔ́nɔ́ u Bandɔ́mɛsɛ́.

Sáaŋ 20:28

Tɔ́mas ɔsɛ : « Uumi Otéŋí a Waáŋá, ciamɛ Bandɔ́mɛsɛ́ ! »

Sáaŋ 20:31

Mbá bɛsana eebi a bɛ́áŋa bɛɔ́ŋɔ́kɔ́nɔ́ e nufule eenu áŋa anyía núénú lumítíníne anyía Yésus áŋa *Mesíi, Ɔɔ́nɔ́ u Bandɔ́mɛsɛ́. Mbɔ́kɔ nu ŋá nɔ́ háya mɔŋɔlɛ́ nááyá, nááyá nu ká nɔ́ kándɛna, núɔ́ bámɔ́kɔ́na ne olíhe.

Sáaŋ 5:25

Aá taaká ɛ ŋa mɛ́ banɔ́ láana ɛsɛ́ : Ekúlú á yáaŋa hoóhi, ɔmuátákáná yá yáaŋa anyɛmánánɔ́ eyí biwéewé káá lɔ́kɔ́máka nyiámɛ nyiónyi, yaŋɔ́ Ɔɔ́nɔ́ u Bandɔ́mɛsɛ́. Bɔsɔ́ɔ́kɔ́ e bé ké bú nyiínyi lɔ́kɔ́máka ká bɔ́ bámɔ́kɔ́na ne olíhe.

Sáaŋ 7:42

Tɛ́ka Ciɔɔ́ŋɛ́ cɛ́ Bandɔ́mɛsɛ́ ŋaá kɔ́ɔna tɔ́na cɛ́sɛ Mesíi kéé bíbíéne a hɛnyɛ́nɔ́ hɛ́ *Táfit, cɛ́ kɔ́ɔnaka tɔ́na anyía u kéé bíbíéne a Bɛ́tɛlɛhɛm, bunɔŋɔ bɔ́ Táfit e ? »

Buólí 2:30

Asana ɔ́mɔtɛ́, ekúlú ayɛ́ u ŋaá bá wa yánaŋa o olíhe, u ŋaá bá muhémúnyi bɛsana mɔ Bandɔ́mɛsɛ́, u ŋaá bá weé menyukune ɛndána acɛ́ Bandɔ́mɛsɛ́ ŋeé wuúci bɛ́tánɛ́ná, yɔ́ súátɛ́na anyía u kéé bééti ɔɔcɔ ɔmɔtɛ́ u hííyé hɛnyɛ́nɔ́ otéŋí a núáyɛ́ nɔkɔná.

Buólí 3:13

Eéʼeé, yááŋa anyía Bandɔ́mɛsɛ́ ewú cíísú sɔ́kɔ́nɔ́ a cɛ́áŋa anyía na *Abɛ́laham, ne *Isak, na *Yákɔb, ŋaá bá cíé nyémiki, ú moo tóŋínyi anyána muayɛ́ munyiɔnɔ Yésus áŋa muáŋá. Banɔ́, nu ŋe nú túé waáta Yésus, núó wuúci bɛ́sáŋɔ́na eé buúse bú Bílat awɔ́ u ŋaá bá ú ma sɔ́mbɔ́tɔ́na anyía bá nyɛ́ána Yésus.

Buólí 8:36

Ekúlú ayɛ́ bá ŋa bɔ́ bá bábɔ́ kándaka o ohónyí, bá ŋa bɔ́ lɛ́cá nuúci ; mbá weekí ɔsɛ : « Menyífé eeme, aátɛ́ yááŋa yé okóti anyía o ti o mi ootíne e ? »

Buólí 9:20

u ŋé túme o otúme ohulinyi baacɔ bá hɔ́á Ambányɛ yɛ́ Ɛsɔ́ma a *bɛndaŋía bɛ́ ɔbɛ́cɔ́kɔ́lɛ́na bí *Besuif, u sobiki anyía Yésus áŋa Ɔɔ́nɔ́ u Bandɔ́mɛsɛ́.

Lóom 1:9

Yááŋa anyía ɛ ŋaá mɛ bɛ́cɔ́kɔ́lɛ́na Bandɔ́mɛsɛ́ a yáánɔ́ asana ekúlú ekime eyí i ŋe mí wuúci bɛ́cɔ́kɔ́lɛ́na. Bandɔ́mɛsɛ́ áŋa uumi ɔmbasɔ́mbásɔ a asana eéyé. Wuúci ɛ ŋa mɛ́ nyiɔnɔ na ɔtɛ́má okime buólí bú ohulikinyi baacɔ Ambányɛ yɛ́ Ɛsɔ́ma yɛ́ asana yí uuyé Ɔɔ́nɔ́.

Lóom 4:1

Buamɛ, ánɔ bɛ́táá asana a yɛ́ ŋaá hámɛ́ná ciasɔ́ sɔ́kɔ́nɔ́ *Abɛ́laham. Aátɛ́ u ŋaá hɔ́má na Bandɔ́mɛsɛ́ e ?

Lóom 9:3

Búáŋa bú o mi bílénékíne anyía Bandɔ́mɛsɛ́ á mɛ lɔmɔ́kɔ, yaŋɔ́ tɔ́na ɔwaálɔ́nánɔ́ ne *Kilís a asana na bɔmbányɛ bɔ́ báámɛ benyíinyí abá tua sɔ́ŋa hɛnyɛ́nɔ́ hɛ́mɔtɛ́ ne beébe.

Lóom 9:5

bá bɔ́ŋa bɔnyɛ sɔ́kɔ́nɔ́ cí nuúmi. *Mesíi tɔ́na, a nyɛbá nyɛ́ bɔnyɛ baacɔ, áŋa u hííbú hɛnyɛ́nɔ́. Wáŋa waáŋá ɔ ɔhɔla bɛnyɛ́ma bikime, wuúci tɔ́na Bandɔ́mɛsɛ́ Muómóomo bikúlú bikime. *Híáná yááŋa !

1 Kɔlɛ́ɛntɛ 1:9

Bandɔ́mɛsɛ́ u ŋaá banɔ́ lɔ́ŋɔ́kɔ́ anyía núánɔ́ bámɔ́kɔ́na e nyimónjóló ne uuyé Ɔɔ́nɔ́ Yésus Kilís, uusú Otéŋí a Waáŋá. Wáŋa ooci ewú u ŋé nyíóyísínyi cááyɛ́ esúŋe ekime.

1 Kɔlɛ́ɛntɛ 10:18

Ánɔ lɛcá hibílícínyínyí eehi a bɔnyɛ *Islayɛ́l : Ekúlú ayɛ́ bá ŋa bɔ́ nyíá onyiké ú butúké a bábɔ́ sɔ́mbɛ́na Bandɔ́mɛsɛ́, bá ŋa bɔ́ látana beébe bekime, bɔ́ bá e nyimónjóló ne wuúci.

Kalasi 4:4

Ɛ́makɛ́la ekúlú ayɛ́ Bandɔ́mɛsɛ́ bɛ́muátá ŋaá sɔ́mbɔ́tɔ́na á kaáháma, u ŋá tɔ́ma uuyé Ɔɔ́nɔ́, yó ko bíbíéne a tɔɔna tú oónjú ; u ŋe líhéké a nyɛbɛ́kɛ́lɛ́na nyí bikotí bí Besuif,

1 Tɛsaloníke 1:10

Bé ŋe bú ményi tɔ́na anyía nu ŋa nɔ́ táta nyɛkahálɔ́mɔ́na nyí Yésus, Ɔɔ́nɔ́ u Bandɔ́mɛsɛ́, weé húlúkúne haála ahɛ́ Bandɔ́mɛsɛ́ áŋa. Wuúci Bandɔ́mɛsɛ́ ŋeé héényi e biwéewé, anyía wá basɔ́ kétúnyíki basɔ́ bekime a nyɛkála nyɛ́ Bandɔ́mɛsɛ́ a nyɛ́ ŋa fáakɔna.

1 Timoté 2:5

Yááŋa anyía Bandɔ́mɛsɛ́ áŋa hú ɔmɔtɛ́ ; ohényíhényi áŋa hú ɔmɔtɛ́ tɔ́na ɛ ɛkatɛ́katɛ́ cɛ na Bandɔ́mɛsɛ́ na baacɔ, wuúci wáŋa ɔɔcɔ, Yésus *Kilís.

1 Timoté 3:16

Asana eéyé ayɛ́ Bandɔ́mɛsɛ́ ŋa námbɔ́nɛ́na baacɔ áŋa yaandándá yɛ́ asana, isuŋí tɛ á kɛla. Yááŋa asana yí Ooci awɔ́ ú ŋaá bɛ́cáŋa ɔɔcɔ, Elilé yó tóŋínyi anyía wáŋa ɔtálɛ́mánánɔ́, bililé bɛ́ masɔ́ma bɛ́ Bandɔ́mɛsɛ́ bíó wuúci lɛcaka, baacɔ bó húlíkínyi baacɔ abá bá tɛ ábɔ́ bá Besuif yááyɛ́ asana, biliminyi bɛ́ ɔmɛsɛ́ okime bá ɔhákɛ́na mɔŋɔlɛ́ nááyá, Bandɔ́mɛsɛ́ nyi wuúci bééti eényí ɔ Ɔmuaná aá haála hé nuúmi.

2 Timoté 2:8

Atɛ bɛ́hɔ́ya Yésus Kilís, ɔɔcɔ u yiíbe yí Otéŋí *Táfit ; u ŋaá háányua e biwéewé háyɛ Ambányɛ yɛ́ Ɛsɔ́ma ŋaá kɔɔna. Yiíyi i ŋe mí hulínyi baacɔ.

1 Sáaŋ 1:3

Asana eéyé tu ŋa sɔ́ lɛ́cáka, túɔ́ lɔ́kɔ́máka ; yiíyi eéyé tu ŋa sɔ́ banɔ́ húlinyi tɔ́na anyía núánɔ́ bámɔ́kɔ́na e nyimónjóló na basɔ́ abá tua sɔ́ŋa e nyimónjóló ne ne Síkíne ne ne uuyé Ɔɔ́nɔ́ *Yésus *Kilís.

1 Sáaŋ 3:23

Bikotí abɛ́ u ŋaá basɔ́ iínjíékíne anyía tuásɔ́ látákɛ́na áŋa anyía túá háya mɔŋɔlɛ́ né uuyé Ɔɔ́nɔ́ Yésus Kilís, mbá tu lénékénéne háyɛ u ŋaá basɔ́ láakɛna.

1 Sáaŋ 3:8

Mbá ɔɔcɔ okime awɔ́ u ŋa cɔ́ba ne buúse ɔ ɔkɛla bɔɔbɛ́ áŋa na Musɔ́mɛ́na, ananyía muáŋa mɔkɛla maabɛ́ hí otúme e nyitúme. Aatɔ́ yɛ́ asana ayɛ́ Ɔɔ́nɔ́ u Bandɔ́mɛsɛ́ ŋaá fááyɛ́na ɔ ɔmɛsɛ́ ooci eé yiíyi ŋaá bá anyía wá ka cáŋgɛ́na monyiókínyí ma Musɔ́mɛ́na mekime.

1 Sáaŋ 4:15

Ɔɔcɔ okime awɔ́ u ŋá kɔ́ɔna anyía Yésus áŋa Ɔɔ́nɔ́ u Bandɔ́mɛsɛ́ ŋee límine e nyimónjóló na Bandɔ́mɛsɛ́, Bandɔ́mɛsɛ́ tɔ́na e nyimónjóló ne wuúci.

1 Sáaŋ 5:1

Ɔɔcɔ okime ewú u ŋé lumitinine anyía Yésus áŋa *Kilís awɔ́ Bandɔ́mɛsɛ́ ŋaá tɔ́ma o okonóhi baacɔ, ɔɔcɔ oócí áŋa ɔɔ́nɔ́ u Bandɔ́mɛsɛ́. Mbɔ́kɔ ɔɔcɔ ŋeé léne Síkíne, u ŋeé léne tɔ́na bááyɛ́ baáná.

1 Sáaŋ 5:20

Tu ŋe sú ményi tɔ́na anyía Ɔɔ́nɔ́ u Bandɔ́mɛsɛ́ ŋaá faaya ɔ ɔmɛsɛ́, yɔ́ basɔ́ iínjíékíne makɛ́nda me omenyinyi na taaká cɛ Bandɔ́mɛsɛ́. Tua sɔ́ŋa balatákánɔ́ e nyimónjóló na taaká cɛ Bandɔ́mɛsɛ́ oócí e elime ci Yésus Kilís, uuyé Ɔɔ́nɔ́. Wuúci wáŋa taaká cɛ Bandɔ́mɛsɛ́ ; wáŋa yɔɔ́sɔɔ́sɔ yí olíhe yí ekúlú ekime.

1 Sáaŋ 5:5

Aányɛ́ wáŋa wu ɔyáka bɛsana bɛ́ ɔmɛsɛ́, ɛ tɛ ŋáa bá hú ooci ewú u ŋe lumitinine anyía Yésus áŋa Ɔɔ́nɔ́ u Bandɔ́mɛsɛ́ e ?

2 Sáaŋ 1:7

Ɛ ŋaá mɛ kɔɔna aáná anyía baacɔ beéŋí ma bɔ́ hála haála hekime. Bé ŋe bú néŋe baacɔ ; bé ti lumítíníne anyía Yésus *Kilís ŋeé bíbíéné ɔɔcɔ aaha ɔ ɔmɛsɛ́. Nyɛnamá nyɛ́ ɔɔcɔ a nyɛ́ ŋá táŋa aáná áŋa munéŋe baacɔ, wuúci tɔ́na munuusi Kilís.

Nyɛnambɔnɛna nyɛ́ bɛsana 2:18

« Ɔɔ́ŋɔ́kɛ́na nufule né *elilé yɛ́ bɔsɔ́ma yɛ́ Bandɔ́mɛsɛ́ aá hiɔ́bɔ hí belumitinine *Kilís hɛ́ Tɛatíil anyía : “Ooci a wáŋa Ɔɔ́nɔ́ u Bandɔ́mɛsɛ́, wuúci awɔ́ cíáyɛ́ eése ŋa lɔ́la háyɛ nɔbɛ́mbɛ nú oocó, cááyɛ́ akɔlɔ́ mányɛmaka háyɛ eléŋú eyí bó mo nyíosi o oocó, ɔsɛ :