Ɛfɛ́ɛsɛ 5:3 - Nomaande

³ Nua nɔ́ŋa baacɔ bá Bandɔ́mɛsɛ́, ɛ́ɛhɛ́ bɔ́ tɛ a kɛ́la bɔmbányɛ anyía bá bɛ́káná ɔcamba buúse bukime ta ɛnjɔkɔ́nɔ́nɔ, ta bɛsana bɛ́ mɔnyɔ́kɔ́lɔ́, te olénéke mɔɔnyɛ́ buéŋí aanɔ́ ɛ ɛkatɛ́katɛ́.

Ɛfɛ́ɛsɛ 5:3 Iomraidhean Croise

Matío 15:19

Yááŋa anyía, ɔ ɔtɛ́má ú ɔɔcɔ noómi bɛɛbɛ́ bí ibíkéti ŋé húle. Biíbi bí ŋeé wuúci tɔ́ma na a muɔ́nɔ́nɔ, na ɔ ɔkanda tusɔmɔ, na ɔ ɔkɛla bɛsana bɛ́ ɛnjɔkɔ́nɔ́nɔ, ne e buébi, na ɔ ɔháyɛ́na baacɔ ɛmbasɔ́ cɛ́ bɛfala ne e muótóno.

Lúkas 12:15

Aáná u ŋeé beébe laána bekime ɔsɛ : « Énu bíkékényíki, nɔtɛ bámɔ́kɔ́nɛ́na na ɔtɛ́má a bɔnɔ́mɛ ; anyía tɛ́ cáŋa bɔnɔ́mɛ buéŋí abɔ́ ɔɔcɔ áŋa ne buúbu, bú káá kɛla anyía weé líhéke buéŋí. »

Lúkas 16:14

*Bafalisiɛ́ŋ ŋa bɔ́ bá bábɔ́ lɔ́kɔ́máka bɛsana eébí bikime, bé wuúci ɔɔ́mbɔ́náka anyía bá ŋa bɔ́ bá bébú lénéke mɔɔnyɛ́.

Buólí 15:20

Tu ŋá sɔ́ nyɛmána tu o beébe ɔɔ́ŋɔ́kɛ́na nufule hú anyía bé bíkíilíéke na ɔnyíá ɛnyama acɛ́ bá sɔ́mbɛ́na e esíéké, na ɛnjɔkɔ́nɔ́nɔ, na ɔnyíá biwéewé bɛ́ ɛnyama tɛ́ka na ɔsɛkɛta, na ɔnyíá manɔ́ŋɔ́ ma ɛnyama.

Buólí 20:33

Ɛ tɛ ɔ́mɔɔ́ bá na yaáká yí eése ta ɔɔ́ mɔɔnyɛ́, te e kóolo, mbá ta a bɔlaka bɔ́ ɔɔcɔ ta buɔ́sɛ́ a búmɔtɛ́.

Lóom 1:29

Bá bɔ́ŋa ne bibébékénú bɛ́ ɛtɛ́má, bí mo nyíóyóko na bɛɛbɛ́ bɛ́ bɛsana hú mbiɔ́kɛ ! Bá ŋa bɔ́ áákɛ́na bɔsɔ́ɔ́kɔ́, beébe na nyɛŋána ; bá bɔ́ŋa na bɛɔtɛ, bá ɔ́ɔ́nɔ́kɔ bɔsɔ́ɔ́kɔ́, bé lénéke ɛsáká ; beébe ne menjiŋé a bɛɛtɔ́, ne tusiŋítí tɔ́ ɔnyíákɛ́na bɔsɔ́ɔ́kɔ́ ; bá ŋa bɔ́ sɔ́mbɛ́na bɔsɔ́ɔ́kɔ́ bɛsana,

Lóom 16:2

Énu wuúci káha bɔmbányɛ eé nyiínyi nyí Otéŋí a Waáŋá a nyɛnamá enyí belumitinine abɔ́ nyɛmána bá ɔkɛlaka, énu wuúci ɔ́ɔ́lɔ́kɔ a bɛsana bikime a bɛ́áŋa bí o wuúci bɛ́ámbákɛ́na ; wuúci bɛ́muátá wáŋa ɔwɔ́ɔ́lɔ́kɔ́nɔ́ baacɔ beéŋí, ta hú yaŋɔ́ bɛ́muátá ooci.

Lóom 6:13

Nuti túné bíínjie ɔ ɔkɛlaka tɔ́na bɛɛbɛ́ bɛ́ bɛsana, mbá énu bíínjíékine ná Bandɔ́mɛsɛ́ bímuócí ; anyía nua nɔ́ŋa baacɔ e bé ŋe bú wéékúne, bɔ́ háanyuaka e biwéewé. Énu bíínjíékíne nááyá banɔ́ bɛ́muátá bekimekime ɔ ɔkɛla anyía wá banɔ́ kílísíki bɛmbányɛ bɛ́ bɛsana.

1 Kɔlɛ́ɛntɛ 10:8

Tu tɛ bɛ́nyɛ́ánáka ɛ ɛnjɔkɔ́nɔ́nɔ noómi háyɛ báábɔ́ baacɔ ɔ bɔ́mɔtɛ́ ŋa bɔ́ bɛ́nyɛ́ánáka ; yaátɛ́ asana baacɔ tɔ́sɛ́na nyitíne na ɛ́tátɔ́ ŋe bú wéékúné ɔ buɔ́sɛ́ búmɔtɛ́.

1 Kɔlɛ́ɛntɛ 5:1

Nulumí áŋa haála hekime anyía ɛnjɔkɔ́nɔ́nɔ moó nyíóyo náánɔ́ a nyɛnamá anyɛ́ bá tɛ́ ŋáá lɔ́kɔ́ma ta ɛ ɛkatɛ́katɛ́ ci be-ti-menyí Bandɔ́mɛsɛ́. Yááŋa háyɛ anyía ɔɔcɔ wɔmɔtɛ́ náánɔ́ ŋa fíánanana oónyí ú cááyɛ́ síkíne.

1 Kɔlɛ́ɛntɛ 6:13

Bɛnyɛ́ma bɛ́ ɔnyíá áŋa a asana na tɔɔna, tɔɔna a asana na bɛnyɛ́ma bɛ́ ɔnyíá ; asana ɔ́mɔtɛ́, Bandɔ́mɛsɛ́ kéé biíbi menyisiki bikime bífendí buɔ́sɛ́. Aá Bandɔ́mɛsɛ́, u ti ómo kétiki cɛɛ́tɔ cɛ ɔɔcɔ a asana na ɛnjɔkɔ́nɔ́nɔ, anyía cɛɛ́tɔ cɛ ɔɔcɔ áŋa a asana na Bandɔ́mɛsɛ́, Bandɔ́mɛsɛ́ a asana na cɛɛ́tɔ cɛ ɔɔcɔ.

1 Kɔlɛ́ɛntɛ 6:18

Yaátɛ́ asana, ánɔ nyɛánáka ɛnjɔkɔ́nɔ́nɔ. Yááŋa anyíaʼo, bɛɛbɛ́ bɛ́ bɛsana bí etémbí abɛ́ ɔɔcɔ áŋa wu ɔkɛlaka tɛ a bá bí obítíse ciayɛ́ cɛɛ́tɔ ; mbá ɔɔcɔ awɔ́ u ŋa kánda tusɔmɔ ŋaá háya ciayɛ́ cɛɛ́tɔ bihíŋe.

2 Kɔlɛ́ɛntɛ 12:21

Ɛ ŋaá mɛ bɛ́ákɛ́na buéŋí ɔɔ́mɛ ɔ ɔtɛ́má noómi anyía ciasɔ́ Bandɔ́mɛsɛ́ ká háná é mi lemisi aatɔ́, míɔ lɛlaka a asana yɛ́ bakɛla maabɛ́ beéŋí, eebe a bá tɛ ɔ́mɔ bɔ́ bɛ́kákálɛ́na maabɔ́ maabɛ́, bá cɔ́baka ne buúse na a mɔnyɔ́kɔ́lɔ́, na ɛ ɛnjɔkɔ́nɔ́nɔ, na a mafala.

Ɛfɛ́ɛsɛ 5:12

Yááŋa anyía, bɛsana abɛ́ baacɔ eébé ŋa bɔ́ kɛla a nyɛnamba ŋe yiínjie aatɔ́ ɔlama te o o biíbi bíkéti.

Ɛfɛ́ɛsɛ 5:5

Énu menyí bɔmbányɛ anyía na bakɛla ɛnjɔkɔ́nɔ́nɔ, na bakɛla bɛsana bɛ́ mɔnyɔ́kɔ́lɔ́, na baacɔ e bé ŋe bú léne mɔɔnyɛ́ buéŋí, ɛ́cɛ anyía nyinyemi nyɛ́ bɛbɔ́kɔ́bɔ́kɔ, tɛ ábɔ́ bá na nuafa buúse bukime e Butéŋí ne bú Kilís na bɔ́ Bandɔ́mɛsɛ́.

Filibí 1:27

Bɔkɔ abɔ́ ɛ ŋa mɛ́ hɔla ɔwaamba áŋa anyía nuénú líhéke háyɛ Ambányɛ yɛ́ Ɛsɔ́ma yí *Kilís ŋo tóŋínyi, ananyía bú káá kɛ́la anyía, ta ɛ ŋa mɛ́ faáya náánɔ́ ta ɛ tɛ ŋá mɛ faáya, yamɛ́ lɔ́kɔ́máka bé bíkétíki anyía nua nɔ́ŋa bɔɔ́nɛ́nánɔ́ o olumitinine, banɔ́ okelú ɔ́mɔtɛ́, nu nuaka tɔ́na ɛcálɛ ɔtɛ́má ɔ́mɔtɛ́ o ocubisiki Ambányɛ yɛ́ Ɛsɔ́ma ne buúse.

Kolóso 3:5

Yaátɛ́ asana ánɔ aáŋíáka ɛtɛ́má a bɛsana a bɛɛbɛ́ bɛ́ ɔmɛsɛ́ abɛ́ nú ŋa nɔ́ kɛ́la. Ibiébi bíáŋa anyía ɛnjɔkɔ́nɔ́nɔ, ɔkɛla bɛsana bɛ́ mɔnyɔ́kɔ́lɔ́, ɔbá na hiɔkɔ ɔtɛ́má, na bɛɛbɛ́ bí ibíkéti, na yaáká yí eése ; yiíyi yááŋa nyinyemi nyɛ́ bɛbɔ́kɔ́bɔ́kɔ.

1 Tɛsaloníke 4:3

Nyiléne nyí Bandɔ́mɛsɛ́ áŋa anyía núánɔ́ bámɔ́kɔ́na befúúménénú eéyé eé buúse, ɛ́cɛ anyía núánɔ́ nyɛ́ánáka ɛnjɔkɔ́nɔ́nɔ.

1 Tɛsaloníke 4:7

Yááŋa anyía Bandɔ́mɛsɛ́ ŋaá basɔ́ lɔ́ŋɔ́kɔ́ ; tɛ́ cáŋa a asana yɛ́ mɔnyɔ́kɔ́lɔ́, mbá a asana yɛ́ ɔbá befúúménénú eéyé eé buúse.

1 Timoté 2:10

Mbá, beénjú a bá ŋa bɔ́ kɔɔna anyía bé ŋe bú kéke Bandɔ́mɛsɛ́ ŋa bɔ́ nyɛmána bá ɔkɛlaka bɛmbányɛ bɛ́ bɛsana.

1 Timoté 3:3

Mu tɛ ɔ́mɔ nyɛmána mu ɔbá ta amúána meluku, ta anua bitule, mbá mu ŋá nyɛmána mu ɔbá mbuumu cɛ ɔɔcɔ, u tɛ sáá ɛsáká ; wuúci tɛ́ka na ɔtɛ́má ɔɔ́ mɔɔnyɛ́.

1 Timoté 6:10

Yááŋa anyía, oléne mɔɔnyɛ́ buéŋí ŋeé bíéne anamánamá ekime cá bɛɛbɛ́ bɛ́ bɛsana. Aáná baacɔ a bɔ́mɔtɛ́ e bé ŋe bú bíínjíékíne o oléne mɔɔnyɛ́ ŋa bɔ́ bɛ́yuátáka olumitinine, cííbú ɛtɛ́má bɛ́nyíáka buéŋí a asana eéyé.

2 Timoté 3:2

yááŋa anyía baacɔ ká bɔ́ bá ne buhibé, bé lénéke mɔɔnyɛ́ buéŋí, bá kɛ́láka bumálá, bé bíbéétíki, bé fénékíne Bandɔ́mɛsɛ́, bá kɛ́lákɛ́na bíábɔ́ bibíényi aatɔ́ ɔnata ; bá ká bɔ́ bá na tɔŋákɔ, bé ti kéké bɔkɔ bú okotí.

Tite 1:11

Bá ŋá nyɛmána bé o beébe kuéyíki eété anyía bé ŋe bú túŋulinyi baacɔ bekime bé meébe ma baacɔ a mɔ́mɔtɛ́, bé ŋe bú eékúnyi bɛsana a bɛ́ tɛ ŋá nyɛmána anyía bábɔ́ nyíákɛ́na baacɔ e menjiŋé.

Tite 1:7

Yááŋa anyía *mukendisi belumitinine áŋa munyiɔnɔ Bandɔ́mɛsɛ́ ; yaátɛ́ asana muá nyɛmána mu ɔbá tɛ́ka na hɛkɔma, muúmu tɛ́ka ne enyite, te ne tuliŋéliŋe, muúmu tɛ́ka ta amúána meluku, ta anua bitule ; mu tɛ nyíáná ɔɔcɔ e menjiŋé tɔ́na.

Tite 2:3

Laákɛ́na tɔ́na bilunyí bí beénjú anyía bíé líhéke ambányɛ yí olíhe e yí ŋeé bíléníne Bandɔ́mɛsɛ́, bé ti oótóko bɔsɔ́ɔ́kɔ́, bá tɛ bɛ́cáŋáka bɛɔ́lɛ́ bí meluku ; bá ŋá bɔ́ nyɛmána bé owiínjíékíne bɔsɔ́ɔ́kɔ́ bɛmbányɛ bí ilébé,

Ebélé 12:16

Énu bíkékényíki ! Ta ɔɔcɔ tɛ kɛláka bɛsana bɛ́ mɔnyɔ́kɔ́lɔ́, u tɛ bábɛ́na bɛsana bɛ́ Bandɔ́mɛsɛ́ háyɛ Eso ŋeé biíbi bábákɛ́na. U ŋeé túéné ekuke búáyɛ́ buáŋá hú a asana na bɛnyɛ́ma bɛ́ ɔnyíá.

2 Bíel 2:10

U ŋaá kɛ́la aáná hɔlákáhɔ́láka eebe a bá naŋa bábɔ́ kɛ́laka bɛsana bɛ́ mɔnyɔ́kɔ́lɔ́ e bí ŋe bíléníne imehú, bá bábákɛ́na Butéŋí bú Otéŋí a Waáŋá. Beékúnyi bá bɛfala eébé á bɔ́ŋa na ɛtɛ́má cɛáŋá, beébe na bɔsɛsɛ, bé ti líkíme ta ɔwɔɔ́mbɔ́na bililé bɛ́ Ɔmuaná e bí ŋeé líhe eé nuúmi noómi,

2 Bíel 2:14

Cííbú ɛtɛ́má ŋeé beébe hámɛ́na hú ɔ ɔfianana beénjú ; ɔkɛla bɔɔbɛ́ beébe bílénékíne ekúlú ekime. Bé ŋe bú bísúéne baacɔ a bá bɔ́ŋa na ɛtɛ́má ɛcɔ́ɔ́cɔ́, mɔɔnyɛ́ beébe hámɔ́kɔ́nɛ́na ɛ ɛtɛ́má buéŋí. Ɛ́ɛhɛ́ Bandɔ́mɛsɛ́ ne meé beébe lɔmɔkɔ.

2 Bíel 2:3

A asana ayɛ́ mɔɔnyɛ́ ŋaá hámɛ́na buéŋí ɔ ɔtɛ́má beékúnyi eébé, bá ká bɔ́ banɔ́ néŋéke na anamánamá cá bɛsana ɔ ɔ banɔ́ nyíákɛ́na. Mbá Bandɔ́mɛsɛ́ na maá bɔ́sɔ́na yáábɔ́ asana feeké ; wuúci yɔ́ cɔ́ba o o beébe menyisiki, tɛ́ka ne efule.

Nyɛnambɔnɛna nyɛ́ bɛsana 2:14

Mbá ta híáná, ya mɛ́ŋa na bɛsana bɛ́mɔtɛ́ bɛ́ ɔ kuɔŋɔ́ kákálákɛ́na : Ɔ ɔ́ŋa na baacɔ a bɔ́mɔtɛ́ ɔɔ́wɔ ɛ ɛkatɛ́katɛ́ e bé me bú bíínjie ɔ ɔlátɛ́na nyiékúnyi nyɛ́ Balaam. Balaam ŋe yéékúnyiki Balak anyána wáŋa wu okufitikinyi baacɔ bé Islayɛ́l anyía bé búle ábɔ́ nyíá ɛnyama cí bisíéké, tɔ́na anyía bé búle kɛla ɛnjɔkɔ́nɔ́nɔ.

Nyɛnambɔnɛna nyɛ́ bɛsana 2:21

I ŋeé mi wuúci nyɛanɛna ekúlú ayɛ́ wáŋa wu ɔbɛ́kákálákɛ́na búáyɛ́ bɔɔbɛ́, mbá u sɔ́mba ɔkɔlɔ́ eé buúbu. Mbá háyɛ u ti ŋéé léne ɔbɛ́kákálɛ́na búáyɛ́ bɔɔbɛ́, u cɔ́cɔbaka bú cɔcɔbaka ne buúse ɔ ɔkɛla cááyɛ́ ɛnjɔkɔ́nɔ́nɔ ;

Nyɛnambɔnɛna nyɛ́ bɛsana 21:8

Mbá a aháŋá ne biénjúénjú, ne be-ti-lumítíníne Yésus, na bakɛla ɛnjɔkɔ́nɔ́nɔ, na bɔɔ́nɔ baacɔ, na bakanda tusɔmɔ, na balɛmbalɛmba, ne benyemi bɛbɔ́kɔ́bɔ́kɔ, ne benéŋe baacɔ, bekime eébé ké ké bú límekine a nɔɔfia nú oocó ú indusí noómi ; owé ú ɔláta oócí aáná. »

Nyɛnambɔnɛna nyɛ́ bɛsana 22:15

A aháŋá yɛ́ na baacɔ a bá bɔ́ŋa háyɛ ɛnyama, na baŋálaŋála, na bakɛla ɛnjɔkɔ́nɔ́nɔ, na bɔɔ́nɔ baacɔ, ne benyemi bɛbɔ́kɔ́bɔ́kɔ, ne beléne munéŋéne áyá, bé ti ké bú óofine ta buɔ́sɛ́ a bálɛ́ka noómi.

Nyɛnambɔnɛna nyɛ́ bɛsana 9:21

Baacɔ eébé tɛ ɔ́mɔ bɔ́ bɛ́kákálɛ́na ta múábɔ́ muɔ́nɔ́nɔ, ta cáábɔ́ olokí, te cííbú ɛnjɔkɔ́nɔ́nɔ, mbá ta maabɔ́ meébi.