Ɛfɛ́ɛsɛ 4:2 - Nomaande

² Énu bílóósíki bikúlú bikime ; núɔ́ bámɔ́kɔ́na mbuumu cɛ́ baacɔ, nu eéhíkínyínyi banɔ́ na banɔ́ e nulénéne noómi.

Ɛfɛ́ɛsɛ 4:2 Iomraidhean Croise

Matío 11:29

Énu lumítíne ɔbámɔ́kɔ́nɛ́na báámɛ *baákɔ́nɛ́na ; ánɔ mɛ nyɛána yámɛ banɔ́ eékúnyíki bɛsana, anyía úúmi ɔtɛ́má áŋa mbuumu, wuúci tɔ́na obílóósínyi ɔ ɔmɛsɛ́ ; aáná túánɔ́ tɔtányɛ́ káá bá ne ehélúme.

Malɛ́kus 9:19

Mbá Yésus ɔsɛ náábɔ́ : « Ééʼ, banɔ́ be-ti-lumítíníne eebe ! Ɔ ɔkɔɔ́háma nyíényí ɛ ká mɛ bá ɔlɔŋɔ na banɔ́ e ? Ɔ ɔkɔɔ́háma nyíényí ɛ ká mɛ banɔ́ eéhíkínyínyi e ? Énu mi héléníne ɔɔ́nɔmbɔ́ oócí aaha ! »

Buólí 20:19

Ɛ ŋaá mɛ nyiɔkɛ́na Otéŋí a Waáŋá buólí, mío bílóosi, ɛ bɛ́cɔ́bɔkɔ e uumi ɔtɛ́má noómi ; ɛ lɔ́kɔ́máka muuyé muéŋí a tɔbɛŋa etú *Besuif ŋaá bá bábɔ́ mɛ táŋgɛ́na.

Lóom 15:1

Basɔ́ abá tu na maá sɔ́ ɔ́ɔ́nɛ́na o olumitinine, tu ŋá sɔ́ nyɛ́mana tu otímbéke bɔsɔ́ɔ́kɔ́ a bá tɛ́ ŋa bɔ́ ɔ́ɔ́nɛ́na ; tu tɛ aamba ɔ cáŋa menyi mbɔ́kɔ bú ŋaá basɔ́ bíléníne.

1 Kɔlɛ́ɛntɛ 13:7

Muléne bɔsɔ́ɔ́kɔ́ ŋaá nyɛanɛnɛna baacɔ bɛsana a bɛɛbɛ́ bikime, mu lumitekinine bɛsana a bɛmbányɛ bikime, mu hákɛ́na mɔŋɔlɛ́ a bɔkɔ bukime, mu eéhíkínyínyi bɛsana bikime.

Kalasi 6:2

Ánɔ ɔ́ɔ́lɔ́kɔ́nɔ́ e ekúlú yí muuyé. Mbɔ́kɔ nu ŋa nɔ́ kɛ́la aáná, nu ká nɔ́ látákɛ́na okotí yí Kilís.

Ɛfɛ́ɛsɛ 1:4

Yááŋa anyía Bandɔ́mɛsɛ́ na maá basɔ́ táfáka buáyá ɛ́cɛ u tɛ ŋáá bɔ́tá na ɔmɛsɛ́ na ɔmuaná anyía túásɔ́ bámɔ́kɔ́na befúúménénú e nyimónjóló ne Kilís, tɛ́ka na hɛkɔma eeyé eé buúse. A asana ayɛ́ Bandɔ́mɛsɛ́ ŋaá basɔ́ lénéké,

Kolóso 1:11

Bandɔ́mɛsɛ́, a mááyɛ́ makɛ́nda me nuúmi, káá banɔ́ íinjie yɔɔ́nɛ́nánɔ́ yɛ́ ɔtɛ́má, anyía núánɔ́ nɔ́mátákána muuyé, nu ééhíkínyi bɔsɔ́ɔ́kɔ́ o obíléne noómi.

1 Timoté 6:11

Ɔ́ɔ kuɔŋɔ́, munyiɔnɔ Bandɔ́mɛsɛ́, sámbáka bɛsana eébí bikime ; bɛ́kɛ́ndákɛ́na ekúlú ekime ɔ ɔbá atálɛ́mánánɔ́ yɛ́ ɔɔcɔ, é líhéke háyɛ Bandɔ́mɛsɛ́ ŋé léne, mbá á cɔbá ne buúse ne o olumitinine *Kilís, ne o oléne bɔsɔ́ɔ́kɔ́, eéhíkínyínyi bɛsana, a aambáka mbuumu na bɔsɔ́ɔ́kɔ́ tɔ́na.

2 Timoté 2:25

Ekúlú ayɛ́ baacɔ ŋé bú muúmu nuusi, mu ŋá nyɛmána mu o beébe eékúnyíki ne ehúúménénú yɛ́ ɔtɛ́má ekime ; muúmu na mɔŋɔlɛ́ anyía Bandɔ́mɛsɛ́ áŋa wu o beébe iínjie makɛ́nda ma ɔbɛ́kákálákɛ́na maabɔ́ maabɛ́, mbá bá sɔ́mba ɔkɔlɔ́ eé meéme ; bó menyukune taaká.

Sáak 1:21

A yaátɛ́ asana, ánɔ nyɛanáka ɔkɛla na bɛsana bɛ́ mɔnyɔ́kɔ́lɔ́ na anamánamá cá bɛsana cá nyɛŋána. Énu bílóósíki eé buúse bɔ́ Bandɔ́mɛsɛ́, núó lumitinine bíáyɛ́ bɛsana abɛ́ u ŋa háya e cíínú ɛtɛ́má noómi ; biíbi bɛ́áŋa bɛ́ ɔ banɔ́ nóhiki.

1 Bíel 3:15

Mbá énu nyemíki e cíínú ɛtɛ́má noómi Kilís, Otéŋí a Waáŋá. Ánɔ bámɔ́kɔ́na ekúlú ekime hoóhi na ɔbɛ́kámáka baacɔ bekime a bá ŋa bɔ́ banɔ́ bícónyi a asana na mɔŋɔlɛ́ amá nua nɔ́ŋa ne meéme.

1 Bíel 3:8

Ɛ ŋaá mɛ aamba obíóndísínyi ɔ banɔ́ wɔɔ́ŋɛ́na anyía ánɔ bámɔ́kɔ́nɛ́na na nyɛbɛ́táá nyɛ́mɔtɛ́, ne nulénéne númɔtɛ́, énu lénékéne banɔ́ na banɔ́ anyía nua nɔ́ŋa benyíinyí, ánɔ bá tɔ́na na ɔtɛ́má ú mahana, ne nyibílóosi nyɛ́ ɛtɛ́má.