Ɛfɛ́ɛsɛ 3:3 - Nomaande

³ Bandɔ́mɛsɛ́ ŋeé mi tóŋínyí nyíáyɛ́ nyɛtákɛ́na nyɛ́ bɛsana anyɛ́ ú ŋa námbɛ́na baacɔ háyɛ yámɛ cáŋa ɔ kɔtɛtɛna ɔwɔɔ́ŋɔ e nufule eenu.

Ɛfɛ́ɛsɛ 3:3 Iomraidhean Croise

Buólí 22:17

« E elime eécí, nyiámɛ nyɛhálɔ́mɔ́na eényí eé Yelúsalɛm. Ekúlú ayɛ́ ɛ ŋaá mɛ bá yamɛ́ bɛ́cɔ́kɔ́lɔ́kɛ́na eé *Ciíbe cɛ Bandɔ́mɛsɛ́, ciamɛ injiŋé ŋá bɛ́kɔ́ŋɔ́na, míɔ lɛca *eseye yɛ́ asana.

Buólí 22:21

Mbá Otéŋí a Waáŋá ɔsɛ : “Buaka, cɔbá yáaŋa, anyía ɛ ká mɛ́ ɔ tɔ́ma haaca né eebe a bá tɛ ábɔ́ bá *Besuif.” »

Buólí 23:9

Háyɛ hikókó ŋaá bá hɛ́ á cɔ́baka bɔ cɔbaka ne buúse na makɛ́nda, *beékúnyi bikotí ɔ bɔ́mɔtɛ́ ɔ ɔlɔŋɔ ú Bafalisiɛ́ŋ nyɛhatɔna eényí o osuŋunyinyi na makɛ́nda báyɛ : « Tu tɛ ŋá sɔ́ lɛ́ca hɛkɔma ná ɔɔcɔ ooci. Yáakɛlá elilé a yɛ́mɔtɛ́ ta anyía *elilé yɛ́ bɔsɔ́ma yɛ́ Bandɔ́mɛsɛ́ a yɛ́mɔtɛ́ yɛ́áŋa ɔtáŋákánɔ́ ne wuúci. »

Lóom 11:25

Banɔ́ báámɛ benyíinyí, ɛ ŋa mɛ́ aamba anyía núénú menyi asana yí indiitie eeye, anyía nu ti bíkéti anyía nua nɔ́ŋa ne injiŋé ciéŋí ɔ ɔhɔla : Yááŋa anyía baacɔ ɔ bɔ́mɔtɛ́ bé *Islayɛ́l ká bɔ́ cɔ́cɔbaka ne buúse ɔ ɔkɛlɛna Bandɔ́mɛsɛ́ aatɔ́ ɔnata ɔ ɔkɔɔ́háma ekúlú ayɛ́ baacɔ bá mɔnɔŋɔ me etémbí bekime ké bú lúmitekinine.

Lóom 16:25

Tu iínjíékíne hú Bandɔ́mɛsɛ́ nuúmi anyía wuúci u ŋaá basɔ́ kíndísi. Aáná Ambányɛ yɛ́ Ɛsɔ́ma yí Yésus *Kilís eyí i ŋe mí húlínyi baacɔ ŋaa kɔ́ɔna bɔkɔ búmɔtɛ́, yiíyi eéyé yɛ́ ŋaá bá indiitie buáyá.

2 Kɔlɛ́ɛntɛ 12:1

Ɔ́kɔ, ɔɔcɔ ŋá nyɛ́mána wa ɔbɛ́kɔ́ɔnaka e ? Eéʼeé, bú tɛ ŋɔ́ yɔɔ́lɔ́ buúse bukime. Ta híáná, míɔ cɔba ɔ ɔkɔɔnaka ne biseye ebí Otéŋí a Waáŋá ŋeé mi tóŋgínyi, na abɛ́ ú ŋa mɛ́ nambɔ́nákɛ́na.

Kalasi 1:12

Ta ɔɔcɔ a wɔmɔtɛ́ ti ómo mi yiíyi laana, te o mi yiíyi eékúnyi ; mbá Yésus Kilís ú ŋe mi yiíyi nambɔ́nɛ́na.

Ɛfɛ́ɛsɛ 1:17

Ɛ ŋaá mɛ bɛ́cɔ́kɔ́lɛ́na Bandɔ́mɛsɛ́, Síkíne ci nuúmi ewú uusú Otéŋí a Waáŋá Yésus *Kilís ŋaá bá weé nyémiki ; i ŋe mí wuúci bɛ́cɔ́kɔ́lɛ́na anyía wá banɔ́ íínjíé injiŋé, mbá u bítóŋínyi náánɔ́ o o wuúci menyi bɔmbányɛ bɔmbányɛ ;

Ɛfɛ́ɛsɛ 3:4

Núénú nuúnu fanáka, nu ŋa nɔ́ cɔ́ba ɔ ɔlɛca anyía i ŋe mí menyi bɛsana a bɛnambákánɔ́ a bɛ́ ŋa lɛ́ca Kilís.

Ɛfɛ́ɛsɛ 3:6

Asana yí indiitie eéyé áŋa anyía baacɔ a bá tɛ ábɔ́ bá Besuif á bɔ́áŋa na nuafa a bɛnyɛ́ma abɛ́ Bandɔ́mɛsɛ́ ŋaá batɛ́ákɛ́nɛ́na bááyɛ́ baacɔ ; bá búáŋa háyɛ maláŋá ma cɛɛ́tɔ ɛ́mɔtɛ́, beébe tɔ́na ɛ ɛndána noómi acɛ́ Bandɔ́mɛsɛ́ ŋaá hɔlɛna né Yésus Kilís o o beébe bɛ́tánɛ́na. Bɛsana bikime eébí áŋa anyía bé me bú lúmitekinine Ambányɛ yɛ́ Ɛsɔ́ma.

Ɛfɛ́ɛsɛ 3:9

U ŋa mɛ́ kɛ́lá tɔ́na bɔmbányɛ anyía yémi hembúlékíne bɔmbányɛ bɔmbányɛ baacɔ bekime anyána Bandɔ́mɛsɛ́ ŋa cɔba ɔ ɔkɛla bɛsana abɛ́ u ŋa batɛ́ákɛ́nɛ́ná bááyɛ́ baacɔ indiitie. Wuúci Bandɔ́mɛsɛ́ bɛ́muátá, Muketi bɛnyɛ́ma bikime, wuúci u ŋa námbaka bɛsana eébí bikime o otúme buáyá ɔ ɔkɔɔ́háma aámbáya ayɛ́ ú meé biíbi nambɔnaka.

Ɛfɛ́ɛsɛ 6:19

Ánɔ bɛ́cɔ́kɔ́lɔ́kɛ́na Bandɔ́mɛsɛ́ tɔ́na a yáámɛ́ aháŋá yɛ́ bɛ́muátá anyía wé mi iínjíé mehúnyi amá ɛ ŋa mɛ́ cɔba o ohémúkúnyi, mbá i hulikinyi baacɔ Ambányɛ yɛ́ Ɛsɔ́ma yí indiitie na bɔɔcɔ bukime, i ti líkíme ta bɔkɔ.

Kolóso 2:2

Ɛ ŋa mɛ́ nua aáná anyía na banɔ́ ne beébe nuánɔ́ bámɔ́kɔ́na na ɛtɛ́má cɛɔ́nɛ́nánɔ́, nu lénékéne e nyimónjóló noómi. Aáná nu ká nɔ́ lɔ́kɔ́máka bɔmbányɛ bɔmbányɛ asana ayɛ́ Bandɔ́mɛsɛ́ ŋaá bátɛ́ná indiitie, nuó yiíyi menyi bɔmbányɛ bɔmbányɛ, yiíyi yááŋa Kilís.

Kolóso 4:3

Ánɔ bɛ́cɔ́kɔ́lɔ́kɛ́na tɔ́na a yáásɔ́ asana, anyía Bandɔ́mɛsɛ́ á basɔ́ tóŋínyi ohónyí wú ohulikinyi baacɔ yááyɛ́ Ambányɛ yɛ́ Ɛsɔ́ma yí Kilís ayɛ́ Bandɔ́mɛsɛ́ ŋa bátɛ́na indiitie. A yaátɛ́ asana yí indiitie eéyé ya mɛ́ŋa eé ciíbe cɛ ɛcaná aámbáya.

Ebélé 13:22

Banɔ́ báámɛ benyíinyí, ɛ ŋa mɛ́ banɔ́ bɛ́cɔ́kɔ́lɛ́na anyía núé hiíte ilébé eeci na ambányɛ yɛ́ ɔtɛ́má, anyía ɛ tɛ ɔ́mɔɔ́ banɔ́ ɔɔ́ŋɛ́na bɛsana biéŋí.

1 Bíel 5:12

Sílas u ŋɔ yɔɔ́ŋɔ mehúnyi eeme eémi e nyiínyi. I ŋeé mi wuúci lɛca háyɛ onyíinyí a wáŋa obíínjíénú ɔ ɔnyiɔnɔ Yésus buólí. Mehúnyi eeme áŋa a asana na ɔ banɔ́ kíndísíki na ma ɔ banɔ́ háyɛ́na ɛmbasɔ́ anyía nua nɔ́ŋa bahákɛ́nánɔ́ bɛɛtɔ́ aá taaká cɛ yaála yí nuubo yɛ́ Bandɔ́mɛsɛ́ noómi.

2 Bíel 3:15

Énu menyí anyía yaandándá yí nyiéhínyínyi yí uusú Otéŋí a Waáŋá eéyé ŋaá banɔ́ iinjie ohónyí wú ɔnɔhɔkɔ banɔ́ bekime. A asana eéyé uusú onyíinyí u ɔtɛ́má Bóol ŋaá banɔ́ ɔ́ɔ́ŋɔ́kɛ́na tɔ́na i injiŋé acɛ́ Bandɔ́mɛsɛ́ ŋeé wuúci iínjíé.