Ɛfɛ́ɛsɛ 2:3 - Nomaande

³ Basɔ́ bekime tu ŋa sɔ́ bá bɔkɔ búmɔtɛ́ háyɛ beébe. Tu ŋa sɔ́ bá tuesú líhéke e nyibíléníne nyí cíísú imehú, tu kɛlaka bɛɛbɛ́ bɛ́ bɛsana e nyiléne nyɛ́ na ciasɔ́ cɛɛ́tɔ ne úúsú ɔtɛ́má, ananyía tu ŋa sɔ́ bá baacɔ háyɛ beébe. Aáná Bandɔ́mɛsɛ́ ŋa nyɛ́mána wu ɔ basɔ́ lóbísíkínyi a asana na maasɔ́ maabɛ́.

Ɛfɛ́ɛsɛ 2:3 Iomraidhean Croise

Malɛ́kus 4:19

Mbá asana ɔ́mɔtɛ́, ne ibíkéti ciéŋí, na bɔnɔ́mɛ bɔ́ ɔmɛsɛ́, na bɛsana bí etémbí bí olíhe e bí ŋeé beébe bíléníne ŋaá bɛ́ɔ́tɔ́kɔ́kɛ́ná Bɛsana bɛ́ Bandɔ́mɛsɛ́ eébí ɔ ɔkɔɔ́háma ayɛ́ bɛ́ tɛ ŋáa háá ta bɔkɔ.

Sáaŋ 1:13

Bé ti ómó bú bíbíéne háyɛ baacɔ náŋa bébú bíbíénéke, ɛ́cɛ anyía tɛ́ cáŋa e nyiléne nyɛ́ baacɔ, mbá Bandɔ́mɛsɛ́ bɛ́muátá u ŋeé beébe ceŋísíki bááyɛ́ baáná.

Sáaŋ 8:44

Musɔ́mɛ́na áŋa cianɔ́ síkíne ; a asana eéyé nú ŋe nú léne ɔkɛla háyɛ bú ŋeé wuúci hɛkɛna. Muá báka ɔŋána feeké. Mu tɛ́ ŋaá bá aá taaká noómi anyía taaká tɛ á bá nááyá. Ekúlú ayɛ́ mu ŋaá táŋa bɛfala, mu ŋe nyíóyísínyi nyíáyɛ́ nyɛbá. Mu ŋa kɛ́la aáná anyía muáŋa ɔfalafala, muúmu tɔ́na síkíne cɛ afala.

Buólí 14:16

A tɔɔya tú elime, Bandɔ́mɛsɛ́ ŋe lúmítíne anyía mɔnɔŋɔ mekime a látákɛ́na cííbú ihényí cɛ́ bɛ́muátá acɛ́ bá ŋa bɔ́ bá bébú lénéke ɔlátɛ́na.

Lóom 1:24

Yaátɛ́ asana Bandɔ́mɛsɛ́ mé beébe bɛ́yúátaka anyía bábɔ́ kɛ́laka bɛɛbɛ́ bɛ́ bɛsana e bí ŋeé beébe hámɛ́na ɛ ɛtɛ́má ; aáná bé ŋe bú tífíle cííbú cɛɛ́tɔ beébe ne beébe na bɛsana bikime bɛ́ aatɔ́ ɔlama.

Lóom 11:30

Yááŋa anyía ta banɔ́, nu ŋa nɔ́ kɛ́lákɛ́na Bandɔ́mɛsɛ́ ɛndɔ́kɔ́ buáyá, mbá aámbáya ú maá hɔ́lɛna e elime cɛ aatɔ́ ɔnata yí *Besuif ɔ ɔ banɔ́ bɛ́cáma mahana.

Lóom 13:14

Énu hiíte Otéŋí a Waáŋá Yésus aá cɛɛ́tɔ háyɛ buléfényi ; nɔtɛ bɛ́nyɛ́ána anyía bɛsana bí imehú á banɔ́ hámɔ́kɔ́na ɛ ɛtɛ́má noómi.

Lóom 2:14

Ekúlú ayɛ́ baacɔ a bá tɛ ábɔ́ bá Besuif, bé tí menyí bikotí bí Moyís, ŋá bɔ́ kɛ́la a máábɔ́ malɔŋa bɛsana ebí bikotí ŋa yáamba, bú ŋo tóŋínyi anyía Bandɔ́mɛsɛ́ mé beébe háya bíáyɛ́ bikotí a manɔ́ŋɔ́ noómi, yiíyi anyía bé ti ŋe bú biíbi menyi.

Lóom 5:10

Buáyá, tu ŋa sɔ́ bá e nyiitíé na Bandɔ́mɛsɛ́ ; ta híáná, u ŋaá tábɔ́náka nyiitíé eényí ne owé ú uuyé Ɔɔ́nɔ́. Híáná bú ŋá lɔ́kɔ́mána tɔ́na ɔ ɔhɔla aámbáya ayɛ́ tua sɔáŋa balatánɔ́ e bumbénú ne wuúci, anyía Kilís káá basɔ́ háŋɔ́náka ne uuyé olíhe.

Lóom 5:9

Aámbáya ayɛ́ Kilís ŋeé wééné a yaasɔ́ asana, Bandɔ́mɛsɛ́ maá kɛ́la anyía túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse ; ɛ́ɛhɛ́ yɛ́ ŋaá lɔ́kɔ́mána ɔ ɔhɔla anyía Kilís káá basɔ́ háŋɔ́náka e hilóbi hɛ́ Bandɔ́mɛsɛ́.

Lóom 6:12

Yaátɛ́ asana bɔɔbɛ́ tɛ ɔ́mɔ́ nyɛ́mána bú ɔ háná mánakɛna aná cianɔ́ cɛɛ́tɔ a cɛ naŋa cɛ á lɔ́kɔ́mákɛ́na bíáyɛ́ bɛsana e bí ŋeé ciíci hámɛ́na ɔ ɔtɛ́má noómi.

Lóom 7:18

ananyía i ŋe mí menyi a nyiámɛ nyɛbá nyɛ́ ɔɔcɔ anyía bɔkɔ a bɔmbányɛ tɛ ŋaá háma e úúmi ɔtɛ́má noómi. Ɛ ŋa mɛ́ aamba ɔkɛla bɔmbányɛ, mbá ɛ tɛ bɔ́ŋɔ ohónyí wú o buúbu kɛlaka.

Lóom 9:22

Mbá kuɔŋɔ́ aná, aátɛ́ yí etémbí ɔ ɔ́ŋa wu ɔkɔɔnɔtɔna mbɔ́kɔ Bandɔ́mɛsɛ́ ŋo lóbísínyi baacɔ, u beébe tóŋgínyi maayɛ́ makɛ́nda e ? U ŋe yeéhíkínyínyi baacɔ buéŋí, eebe abá u ŋa nyɛ́mána wu olóbísíkínyi anyía bá ŋa bɔ́ nyɛ́mana bé owéékúne.

1 Kɔlɛ́ɛntɛ 4:7

Mbá aányɛ́ wɔ yɔ́ɔ laana anyía ɔ ŋɔ́ɔ hɔlaka bɔsɔ́ɔ́kɔ́ e ? Aátɛ́ ɔ ɔ́ŋa ne yiíyi ayɛ́ bɔ́ tɛ ɔmɔ́ kuɔŋɔ́ iínjie bú kuɔŋɔ́ iínjie e ? Mbɔ́kɔ bó ŋo yóo wiínjíé bú kuɔŋɔ́ iínjie, mbá a aátɛ́ aná o ŋoó bíbéétínyi bɔsɔ́ɔ́kɔ́ háyɛ anyía bɔ́ tɛ́ ɔ́mɔ́ kuɔŋɔ́ iínjie bú kuɔŋɔ́ iínjie e ?

2 Kɔlɛ́ɛntɛ 7:1

Baláamɛ bá ɔtɛ́má, Bandɔ́mɛsɛ́ maá basɔ́ bɛ́tánákɛ́na ɔ basɔ́ iínjíékine bɛnyɛ́ma eébí bikime. Yaátɛ́ asana túá nyɛanáka ɔkɛla bɛsana bɛ́ mɔnyɔ́kɔ́lɔ́ na aá ciasɔ́ cɛɛ́tɔ ne eé cíísú ɛtɛ́má áyá ; túá bɛ́kɛ́ndákɛ́na ɔbámɔ́kɔ́nɛ́na ekúlú ekime befúúménénú bɔmbányɛ bɔmbányɛ, tu líhéke háyɛ Bandɔ́mɛsɛ́ ŋeé léne o o wuúci kéke.

Kalasi 3:22

Mbá yááŋa yɔɔ́ŋɔ́kɔ́nɔ́ anyía baacɔ bekime bá ɔmɛsɛ́ á bɔ́ŋa bɛɔ́lɛ́ bɛ́ bɔɔbɛ́, ananyía mbá Bandɔ́mɛsɛ́ é beébe iínjíékíne bɛnyɛ́ma abɛ́ u ŋaá bɛ́tánákɛ́ná baacɔ a bá ŋa bɔ́ háya mɔŋɔlɛ́ né Yésus Kilís.

Ɛfɛ́ɛsɛ 2:2

nu látákɛ́na bɛɛsɔ bɛ́ baacɔ bá ɔmɛsɛ́ ooci ; nu lɔ́kɔ́mákɛ́na mɔ́mbálɛ, mutéŋínyi bililé bí mehúne. Wuúci wáŋa elilé a yɛ́ ŋa nyɛ́kɛtɛna baacɔ ɔ ɔkɛlɛna Bandɔ́mɛsɛ́ aatɔ́ ɔnata.

Ɛfɛ́ɛsɛ 4:22

Nu ŋá nɔ́ nyɛmána nú ɔnyɛanaka aná bíánɔ́ bɛɛsɔ bɛ́ buáyá, biíbi bɛ́ ŋaá bá bɛ́ a banɔ́ cáŋgɛna a asana na bɛɛbɛ́ bí ibíkéti a bɛ́ ŋaá bá bɛ́ a banɔ́ néŋéke.

Kolóso 1:21

Banɔ́ tɔ́na nu ŋa nɔ́ bá buáyá e nyiitíé na Bandɔ́mɛsɛ́, nu wuúci liŋekine anyía nu ŋa nɔ́ bá nuanɔ́ bɛ́tááka, nu kɛlaka bɛɛbɛ́ bɛ́ bɛsana.

1 Tɛsaloníke 4:13

Buamɛ eé, tu ŋa sɔ́ aamba anyía núénú ményi bɔmbányɛ asana a yɛ́ ŋa lɛ́ca eebe e bé ne meé bú wéékúne, anyía ɛtɛ́má tɛ banɔ́ nuá háyɛ cɛ́ ŋaá nua baacɔ bé etémbí a bá tɛ ábɔ́ bá na mɔŋɔlɛ́ ɔ yɔɔ́sɔɔ́sɔ yí olíhe yí ekúlú ekime.

1 Tɛsaloníke 5:6

Yaátɛ́ asana tu tɛ ɔ́mɔ́ sɔ́ nyɛ́mana tú ɔhɛ́táka háyɛ bɔsɔ́ɔ́kɔ́ ; mbá túé limíne bahaanyúánɔ́, basɔ́ tɛ́ka ne olóŋólóŋó a bɔkɔ bukime.

1 Timoté 6:9

A aháŋá na baacɔ a bá ŋa bɔ́ aamba bɔnɔ́mɛ buéŋí, Sátan áŋa wu o beébe kɔ́kɔ́náka, yɔ́ kɛla anyía bábɔ́ kuakɔnaka a yááyɛ́ abɔkɔ noómi, bɔ́ búle bɛ́táá hú oléne bɛsana na bɛ́ buála na a bɛɛbɛ́ e bí ŋé beébe súéténe ne e bunyímé ne o owé noómi.

Tite 3:3

Yááŋa anyía ta basɔ́ tɔ́na, tu ŋa sɔ́ bá buáyá tɛ́ka ne injiŋé, basɔ́ na bɛɛtɔ́ ɔnata, basɔ́ benyíménú taaká ci ohónyí ; tu ŋa sɔ́ bá bɛɔ́lɛ́ bɛ́ bɛɛbɛ́ bɛ́ bɛsana a bɛ́ ŋaá basɔ́ hámɛ́na ɛ ɛtɛ́má, tu líhéke a nyɛŋána noómi, basɔ́ na yaáká yí eése, tu bébékíne baacɔ, tu liŋekenene basɔ́ na basɔ́.

1 Bíel 1:14

A asana ayɛ́ nua nɔ́ŋa baáná bá ɔlɔ́kɔ́mána, nɔtɛ háná látɛ́na bɛsana bɛ́ buáyá a bɛ́ ŋaá bá bɛ́ á banɔ́ hámɔ́kɔ́na ɛ ɛtɛ́má ekúlú ayɛ́ nu ŋa nɔ́ bámɔ́kɔ́na a búánɔ́ bundímé noómi.

2 Bíel 2:14

Cííbú ɛtɛ́má ŋeé beébe hámɛ́na hú ɔ ɔfianana beénjú ; ɔkɛla bɔɔbɛ́ beébe bílénékíne ekúlú ekime. Bé ŋe bú bísúéne baacɔ a bá bɔ́ŋa na ɛtɛ́má ɛcɔ́ɔ́cɔ́, mɔɔnyɛ́ beébe hámɔ́kɔ́nɛ́na ɛ ɛtɛ́má buéŋí. Ɛ́ɛhɛ́ Bandɔ́mɛsɛ́ ne meé beébe lɔmɔkɔ.

2 Bíel 2:18

Bá ŋa bɔ́ táŋa bɛandándá bɛ́ bɛsana bɛ́ buála a bɛ́ tɛ ŋɔ́ yɔɔ́lɔ. Aáná bá kɛlaka bɛsana bɛ́ mɔnyɔ́kɔ́lɔ́ e bí ŋeé beébe hámɛ́na ɛ ɛtɛ́má noómi, bé ŋe bú tóndi baacɔ a bá ma bɔ́ bɛ́hɔ́ɔkɔ ɔ ɔbɛ́hɔ́ɔkɔ ɛ ɛkatɛ́katɛ́ cɛ ɔlɔŋɔ ú baacɔ bé bunyímé.

1 Sáaŋ 2:16

A bɛsana bikime bɛ́ ɔmɛsɛ́ ooci a bɛ́áŋa anyía : Na bɛsana bí imehú a bɛ́ ŋa basɔ́ hámɛ́na ɛ ɛtɛ́má, na yaáká yí eése, ne obíbééti awɔ́ baacɔ ŋe bú bíbééti na búábɔ́ bɔnɔ́mɛ ; bí ti ŋé húle né Síkíne Bandɔ́mɛsɛ́, mbá bíáŋa bɛ́ ɔmɛsɛ́.

1 Sáaŋ 2:8

Mbá ta híáná, okotí ɔ́ yɔɔ́sɔ yáaŋa ɛ ŋa mɛ́ banɔ́ ɔ́ɔ́ŋɛ́na ; yiíyi eéyé yí ŋé bítóŋínyi ne o olíhe ú Kilís ne e úúnú áyá. Yááŋa anyía ibíne á yáaŋa ɔ ɔmanɔkɔna ; taaká ci eese á yáaŋa ɔ ɔnɔma.