SAN MATEO 26:3 - Lengua Sur (Enxet) Nuevo Testamento

³ Apchaknákxeyk axta énxet'ák apkelámha apmonye'e nak appasmo apkelmaxnéseso Dios énxet'ák apagkok ma'a Caifás apxagkok, cham'a Caifás aptaha axta apkemha apmonye appasmo apkelmaxnéseso Dios énxet'ák apagkok. Axta anhan ma'a énxet'ák apkelámha apmonye'e nak apchakneykekxexa énxet'ák judíos.

SAN MATEO 26:3 Iomraidhean Croise

SAN MATEO 26:69

Apheyk axta Pedro kañe' ekyawakxa apwáxok tegma, keñe axta ekyo'ókmo xama kelán'a kélásenneykha. Entahak axta eyáneya s'e: —Etnohok axta cha'a exchep apxegexma Jesús apkeñama nak Galilea.

SAN MATEO 27:27

Kélyentegkek axta Jesús wese' apxagkok, wese' apwányam Roma apchásenneykha apkeláneykha yókxexma sẽlpextétamo apagkok axta apyentama. Apwakha'ak axta anhan apkenmágkaxa Jesús xa apyókxoho nak.

SAN MARCOS 14:54

Axta etétegkohok Pedro apyetlawa kélya'asakxa Jesús, axta apwokmohok ma'a apyawakxa axta apwáxok tegma, apkemha apmonye appasmo apkelmaxnéseso Dios énxet'ák apagkok apxagkok axta m'a. Aphakmek axta xamo' sẽlpextétamo aptakmelcheso axta tegma appagkanamap apkextegwokmo táxa.

SAN MARCOS 14:66

Apheyk axta kóneg tegma Pedro. Wokmek axta xama kelán'a ektaha axta apkemha apmonye appasmo apkelmaxnéseso Dios énxet'ák apagkok apkeláneykha;

SAN MARCOS 15:16

Apyentegkek axta sẽlpextétamo Jesús apya'aseykxo m'a kóneg wese' Roma apchásenneykha apkeláneykha yókxexma apxagkok, apkelwóneyha axta apnámokkok xa sẽlpextétamo nak yakwayam yaknekxohok apyókxoho.

SAN LUCAS 22:55

Kelwatnéxchek axta táxa m'a apyawakxa axta apwáxok tegma, apháha axta anhan énxet'ák nekha táxa, aphakmek axta anhan Pedro m'a.

SAN LUCAS 3:2

Anás axta apkemha apmonye appasmo apkelmaxnéseso Dios énxet'ák apagkok tén han ma'a Caifas, cham'a appakhetchesama axta Dios yókxexma meykexa énxet Juan, aptaha axta Zacarías apketche.

SAN JUAN 11:57

Apmések axta appeywa fariseos énxet'ák, tén han ma'a apkelámha apmonye'e nak appasmo apkelmaxnéseso Dios énxet'ák apagkok apkeltamho eltennásekxak énxet ektahakxa enxoho apya'áseykegkoho aphakxa Jesús, yakwayam enxoho emok.

SAN JUAN 18:24

Keñe axta Anás apcháphasa Jesús yetlo kélnakteté apmék ma'a aphakxa axta Caifás, aptaha axta apkemha apmonye appasmo apkelmaxnéseso Dios énxet'ák apagkok.

SAN JUAN 18:28

Kéltekkesek axta Jesús Caifás apxagkok kélyentamákxo m'a wese' romano apchásenneykha apxagkok. Peyk axta kalseyk ma'a, axta elántaxnak judíos kañe' wese' apxagkok, apkelátaxneyk axta agkok ma'a, mopwanchek axta etáswók ma'a nento ektámáxche nak ekhem melwagkayam axta énxet'ák judíos kéltéma nak Pascua, hakte melyahakxók axta m'a ektémakxa nak segánamakxa negaxñáseykekxa nentémakxa.