SAN MATEO 1:1 - Lengua Sur (Enxet) Nuevo Testamento

¹ Keso kélnaktáxeseyak nak apkelwesey m'a Jesucristo apyepmeyk nano' axta, cham'a Jesucristo aptaha axta David aptáwen neptámen, tén han aptáwen neptámen ma'a Abraham:

SAN MATEO 1:1 Iomraidhean Croise

SAN MATEO 1:18

Axta temék apteyékmo Jesucristo s'e: María axta egken, pagkanmeyk axta yakwayam katnehek atáwa m'a José; wetáxchek axta ektaha lóso' amonye yakwayam kalyamhopagkok eñama apmopwána m'a Espíritu Santo.

SAN MATEO 1:2

Abraham axta apketche m'a Isaac, keñe axta Isaac apketche m'a Jacob, keñe axta Jacob apketche m'a Judá, tén han ma'a apkelyáxeg.

SAN MATEO 15:22

Yo'ókmek axta Jesús xama kelán'a eñama Canaan ekha axta xa yókxexma nak, entahak axta ekyennaktésawo ekpeywa s'e: —¡Wese', David Apketche, yepyósho helanok ko'o! ¡tawáseykha ko'o kelyekhama' hatte, legasáseykegkok nahan!

SAN MATEO 3:16

Aptekkek axta Jesús neygmen natámen kélyakpáseso yegmen. Mayhekxeyk axta néten, keñe axta apwet'a Jesús apweywento Dios Espíritu apagkok ekpayhókxa apkenmágkaxa, máxa axta aptahak wáx'ay.

SAN MATEO 9:27

Xama axta aptepa Jesús ma'a, apkemhágkek axta apkánet énxet meyke apakta'ák, aptahak axta apkelyennaktésawo apkelpeywa s'e: —¡Yepyósho henlanok negko'o, David apketche!

SAN LUCAS 1:33

yakwayam enxoho megkatnegwomek néxa apteme Wese' apwányam nepyeseksa énxet'ák Israel. Megkamassegwomek sat apteme Wese' apwányam.

SAN JUAN 7:42

Xeyenmék eknaktáxésamaxche peya etnehek Mesías David aptáwen neptámen, tén han peya yenyék ma'a nátegma Belén, cham'a apkeñamakxa axta anhan David.

LOS HECHOS 2:30

Dios appeywa aplegaso axta David, apya'ásegkok axta m'a ektémakxa axta appekkencháseykekxo appeywa Dios yetlo ekmámnaksoho agko' peya etnésesek Wese' apwányam xama David aptáwen neptámen.

ROMANOS 1:3

Cháxa amya'a ekxeyenma nak Jesucristo Wese' egegkok xa, aptaha nak Dios Apketche. Enxet axta apyetchesamakpohok Jesucristo aptéma Wese' apwányam David aptáwen neptámen, wánxa agkok, apxeyenmék axta Dios aptaha Apketche, hakte espíritu appagkanamap apkeñama Dios axta m'a, tén han eñama m'a apxátekháseyam axta, apxakak axta anhan ekyawe apmopwána.

ROMANOS 4:13

Appekkencháseykekxek axta appeywa Dios Abraham tén han ma'a aptawan'ák neptámen, apkeltennasegkek axta egkeyásekxak keso náxop, cham'a appagkanchesama axta apmáheyo egkések; háwe axta eñama apkelyaheykekxoho Abraham segánamakxa appekkeneykekxo appeywa Dios, axta eyke keñamak ma'a apteme axta mey'áseyam; ékeso eñamakxa apxéna axta Dios aptaha appéwomo Abraham.

ROMANOS 9:5

Enxet'ák judíos apteme aptawan'ák neptámen ma'a ẽlyepmeyk nano' negko'o, apheyásamákpók axta énxet'ák judíos apwaya Mesías, cham'a aptémakxal'a énxetók xamo', aptaha nak Dios neyseksa m'a ekyókxoho aksok nak. Apcheymákpoho sat cha'a kóltemésesek Dios, katnahagkok sat nahan cha'a.

GÁLATAS 3:16

Appekkencháseykxek axta appeywa Dios Abraham tén han ma'a aptáwen neptámen. Megkaxeyenmak eknaktáxésamaxche “aptawan'ák neptámen” apxámokma enxoho, xama akke aksa xeyenmak; temék ekpeywa s'e: “xép aptáwen neptámen”, cham'a Cristo.

1 TIMOTEO 2:5

Hakte wánxa xama Dios, wánxa nahan xama énxet apmopwána nak épetchásekxak Dios apyókxoho énxet'ák: cham'a Jesucristo.

2 TIMOTEO 2:8

Kaxén apwáxok xép Jesucristo, cham'a apxátekhágweykmo axta nepyeseksa énxet'ák apkeletsapma axta, aptaha axta nahan wese' apwányam David aptáwen neptámen; cháxa tásek amya'a seltenneykencha'a nak cha'a ko'o xa.

APOCALIPSIS 22:16

“Ko'o Jesús, eyáphásek ko'o seyásenneykha apkeñama néten yakwayam eltennaksek ekyókxoho apchakneykekxexa énxet ektéma nak xa, ko'o sekteme señama nepyeseksa David aptawan'ák neptámen, ko'o nahan sekteme yaw'a apwányam apteyapmol'a axto'o agko'.”