SAN LUCAS 9:16 - Lengua Sur (Enxet) Nuevo Testamento

¹⁶ Keñe axta apkelma Jesús ma'a cinco pan nak, tén han ma'a ánet kelasma, apsekhákxok axta néten, apmések axta ekxeyenma apwáxok Dios eñama m'a nento nak, apkelyepteyk axta pan, keñe axta apkelmeyásegko apkeltámeséyak yakwayam enxoho emlaskok énxet'ák.

SAN LUCAS 9:16 Iomraidhean Croise

SAN MATEO 14:19

Keñe axta apkeltamho Jesús exnakha néten pa'at ekpayhe m'a énxet apxámokma axta. Apkelmeyk axta m'a cinco pan nak tén han ma'a ánet kelasma nak, apsekhákxók axta néten, apmések axta ekxeyenma apwáxok Dios, keñe axta apkelyepta m'a pan nak, apkelmeyásegkek axta anhan apkeltámeséyak, keñe axta apmelassa énxet'ák ma'a apkeltámeséyak.

SAN LUCAS 24:30

Xama axta apheyncha'a nekha mésa, apmeyk axta pan Jesús, apmések axta ekxeyenma apwáxok Dios, keñe axta apyepta nepyeseksa, apkelmeyásegkek axta anhan xa énxet'ák nak.

SAN MATEO 15:36

apkelmeyk axta xa siete pan nak, tén han ma'a kelasma. Natámen apméso ekxeyenma apwáxok Dios axta apkelyepta xa pan nak, apkelmeyásegkek axta anhan apkeltámeséyak, keñe axta apkeltámeséyak apkelmeyásegko xa énxet'ák nak.

ROMANOS 14:6

Enxet appagkanma nak xama ekhem, Wese' egegkok yakwayam etnehek apcháyo eyke keñamak appagkanma xa ekhem nak. Enxet apsawhomo nak apto ekyókxoho aksok, Wese' egegkok yakwayam etnehek apcháyo eyke keñamak apsawhomo aptama xa aksok nak, egkések nahan ekxeyenma apwáxok Dios; énxet meto nak mók xama aksok, Wese' egegkok yakwayam etnehek apcháyo eyke keñamak metama xa mók xama aksok nak, egkések nahan ekxeyenma apwáxok Dios.

LOS HECHOS 27:35

Apmeyk axta Pablo pan natámen apteme appeywa xa, apmések axta ekxeyenma apwáxok Dios nápakta'awo' apyókxoho apkelxegexma'a, apyepteyk axta, keñe axta aptawa.

SAN JUAN 6:23

Keñe axta anhan elwákxo yántakpayhe keto' ma'a aptókakpexa axta pan natámen apméso ekxeyenma apwáxok Dios ma'a Wese' egegkok. Axta keleñamak ma'a tegma apwányam Tiberias.

SAN JUAN 6:11

Apkelmeyk axta Jesús pan, keñe axta apmésa ekxeyenma apwáxok Dios, apkelmeyásegkek axta anhan énxet'ák ektaha axta apheykha m'a. Hawók axta anhan aptemésesakxa kelasma, apkelmeyásegkek axta ekwánxa enxoho apmopmenyého.

SAN LUCAS 22:19

Keñe axta apma anhan pan, apmések axta ekxeyenma apwáxok Dios, apyepteyk axta, apkelmeyásegkek axta anhan apkeltámeséyak. Aptahak axta apkeláneya s'e: —Keso sekyókxoho ko'o s'e, sekmésa nak yakwayam watsapok kéxegke eñamakxa. Kólteme sat mehelwagkayam ko'o.

1 CORINTIOS 11:24

keñe axta natámen apméso ekxeyenma apwáxok Dios apyepta nepyeseksa pan. Aptahak axta s'e: “Keso sekyókxoho sekmésa axta ko'o yakwayam kamátog s'e, yakwayam kapasmok kéxegke. Kóllána' sat cha'a s'e, yakwayam enxoho kaxénwakxohok kélwáxok ko'o.”

1 CORINTIOS 10:30

Ekmések agkok ko'o ekxeyenma ewáxok Dios eñama m'a sekto nak, kéméxchek ko'o magwohók kasók ekxénamaxche m'a aksok, eñamakxa nak sekméso ekpayheykekxa ewáxok Dios.

SAN MARCOS 7:34

Keñe axta apkenmexo néten, aptekkásók axta apkennama. Aptahak axta apcháneya énxet se'e: “¡Efata!” (Nenteme nak negko'o nempeywa: “¡Kalyagkáxekxoho!”)

SAN LUCAS 9:15

Aptamhágkek axta anhan xa, apháha axta apyókxoho.

SAN LUCAS 9:17

Aptókagkek axta énxet'ák xa ekwokmoho apkelyakkanakmo, doce axta anhan wokmok apxata eleymomáxche aptéyak.