SAN LUCAS 8:13 - Lengua Sur (Enxet) Nuevo Testamento

¹³ Aktek ekpálwayam axta neyseksa meteymog ekyetchesamaxkoho m'a énxet'ák apkellegé nak tásek amya'a, ñohok nahan emok heykxa yetlo ekpayheykekxa apwáxók, wánxa agkok megkeytek eyke kañók agko' apwáxók amya'a kéllegaso. Yakwatakxoho etnehek mey'áseyam, wa'ak agkok ekyekkónma, elwátesagkok apteme melya'áseyam.

SAN LUCAS 8:13 Iomraidhean Croise

SAN MARCOS 6:20

Apcháyak axta wese' Herodes ma'a Juan, hakte apya'ásegkok axta aptaha énxet appéwomo, tén han aptaha appagkanamap, apmasmeyk axta anhan cha'a Herodes. Atsek axta cha'a yeyxhok Herodes Juan apkeltenneykha, apleg'ak axta agkok cha'a, mey'asagkek axta cha'a ektahakxa elchetamso apwáxok.

SAN LUCAS 8:12

keñe m'a aktek ekpálwayam axta ámay awáxok ekyetchesamaxkoho énxet'ák apkellegé nak Dios appeywa, keñe kawak kelyekhama', kalekkesek ma'a amya'a kélpekkencheso nak apwáxók, yakwayam enxoho elya'asók, keñe anhan melwagkasakpek teyp.

SAN LUCAS 8:14

Aktek ekpálwayam neyseksa yanyemmék ekyetchesamaxkoho m'a énxet'ák apkellegé nak amya'a kéllegaso, katakmelchesagkohok eyke kamasésesek apteme melya'áseyam ma'a aksok ekyetnakhasamo nak apwáxók, cham'a apxámáseyak nak aksok, tén han ma'a aksok apyespagkamakxa nak, megkatakmelwomek nahan aptamhéyak melya'áseyam.

SAN JUAN 15:2

Méko agkok ekyexna xama ahaktog ektaha nak sépetcheyo ko'o, eyaktének ma'a Táta; keñe yaxñásesek ma'a ahaktog ekhakxa enxoho ekyexna yakwayam enxoho kaxámagkok ekyexna.

SAN JUAN 15:6

Enxet ektahakxa enxoho mehepetcheyo ko'o kóltekkesek sat, máxa sat etnehek ma'a yámet aktog ekyamayel'a, cham'a kéláncheseykekxohol'a keñe kólchexak neyseksa táxa.

SAN JUAN 5:35

Máxa axta Juan ma'a chálewaso eyálewe elsáseykmohol'axma, yakwatakxoho axta leyawok kélwáxok kéxegke elseyexma apagkok.

1 CORINTIOS 13:2

Ekxénchek agkok ko'o amya'a eñama nak Dios, ekya'ásegkok agkok nahan ma'a Dios apmopmenyého ektaha nak ekpowásamáxkoho, esenhan ma'a sekya'ásegko enxoho ekyókxoho aksok, yetneyk agkok may'áseyam ko'o ekmowána nak kaltakhésha xóp elekhaheyak elyawe nak, wánxa agkok, méko eyke katnehek seyásekhayo, mékoho atnehek ko'o.

1 CORINTIOS 15:2

Cháxa keñamak nahan peya nak kólwagkasaxchek teyp kéxegke xa amya'a nak, cham'a kéllenxanakmoho enxoho kélyennaktésamo kélteme megkólya'áseyam; axta agkok katnék xa ektaha nak, chakhók axta kóltehek kéxegke megkólya'áseyam.

GÁLATAS 3:1

¡Elyéháxma kéxegke kélheykha nak Gálatas! ¿Yaksak elyeykesáxma kéxegke? Tásek axta neltennáseykha negko'o kéxegke m'a Jesucristo kélyepetchesama axta aksok ektegyéso.

GÁLATAS 3:4

¿Chakhóya axta kélwet'a kéxegke m'a ektahakxa axta? ¡Háwe eyakhémo kélweté xa!

EFESIOS 3:17

Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

COLOSENSES 2:7

kéméxchek kóltehek kéxegke kélyepetcheyo kélagko' ma'a Cristo, tén han kóltehek kélasenneykekxa kélagko' eñama m'a megkólya'áseyam nak, ekhawo ektahakxa axta kélxekmóso kéxegke, kólmések nahan cha'a ekxeyenma kélwáxok Dios.

1 TESALONICENSES 3:5

Axta alenmaxexchágwokmok ektahakxa ewáxok. Ekeso eñamakxa seyáphasa axta Timoteo yakwayam etegyaha amya'a ektémakxa megkólya'áseyam kéxegke, hakte tamháha axta ko'o ewáxok kalyekkónek kéxegke kelyekhama', keñe m'a nentamheykha nak negko'o katnégwók eyakhémo.

HEBREOS 10:39

Háwe negko'o neleñama nepyeseksa m'a énxet'ák apkelyenseykmo nak apteme apcháyo Dios, cham'a apkelmahágko nak yakwánxa kólmasesók, akke negko'o nelxegexma'a m'a énxet'ák peya nak elwagkasakpok teyp eñama apteme melya'áseyam.

SANTIAGO 2:26

Ekhawo ektémakxa nak han negyókxa meyke espíritu, étsapma katnehek, étsapma nahan katnehek magya'áseyam megkeypetcha'a enxoho m'a nenlané nak nentamheykha.

2 SAN PEDRO 2:20

Hakte apcha'awók agkok makham ekmákxo apwáxok aksok ekmaso m'a énxet apkelya'áseykegkoho axta Wese' egegkok Jesucristo aptaha segwagkaso teyp, cham'a énxet'ák apkelwáteséyak axta apkeláneyak nentémakxa ekmanyása ekyetna nak keso náxop, kayágwomhok agko' nahan apkeláneykekxa apkeltémakxa ekmaso, megkaxók ma'a sekxo' axta.

2 SAN PEDRO 2:22

Wánxa agkok, temék eyke ektémakxa nak amya'a xa énxet'ák nak, ektéma nak amya'a s'e: “Tawékxeyk ekyekxo semheg”, tén han ektéma amya'a s'e: “Apyetnákxeyk makham neyseksa yelpa' yátapomap kaxwé kélyakpáseso yegmen.”

1 SAN JUAN 2:19

Negyeseksa nahan apkeleñamak apkelánteyapma xa énxet'ák nak; wánxa agkok, háwe axta eyke nelxegexma'a negko'o xa énxet'ák nak, kaxtemek axta ekmámnaksoho apkeleñama negyeseksa negko'o, hempaxkaha axta. Temegkek axta eyke xa ektaha nak, yakwayam enxoho katakmelek ekwetamaxche metnaha apyókxoho énxet apkeleñama negyeseksa negko'o.

SAN JUDAS 1:12

Hegmegkaksohok nahan cha'a negko'o xa énxet'ák nak, cham'a kélanchesákxexa enxoho kéxegke ẽlyáxeg'a apkelásekhamakpoho nak, hakte etawagkok aksa aptéyak, tén han énagkok aksa apyenéyak yetlo meyke elnawagko xama enxoho. Cháxa keláneykha nekkések aptaha nak wánxa apkeltakmelchásamákpekxoho apancha'awo' xa. Máxa anhan ma'a yaphopé meyke ekmámeyel'a, kaswok aksa exchahayam. Máxa anhan ma'a yámet megkeyxnol'a kawakxak ekyexnamakxa, cham'a étsapmo agko' la'a, ekweykmohol'a kepmenák kélpátekkeso.