SAN LUCAS 8:10 - Lengua Sur (Enxet) Nuevo Testamento

¹⁰ Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios, wánxa agkok, aksok sekyetcháseykekxoho eyke eltennáseyha m'a pók énxet'ák nak, yakwayam enxoho elano', melwetyehek eyke, yakwayam enxoho nahan ellegak, melyekpelchehek eyke.

SAN LUCAS 8:10 Iomraidhean Croise

SAN MATEO 11:25

Keñe axta aptaha anhan appeywa Jesús se'e: “Eltemésesek ko'o apcheymákpoho exchep Táta aptaha nak Wese' néten, tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak.

SAN MATEO 16:17

Aptahak axta Jesús apcháneya s'e: —Apkeleñémo exchep Simón, Jonás apketche, hakte megkañamak nepyeseksa énxet'ák xa apya'áseyak nak, wánxa apya'asáseykegkoho m'a Táta, apha nak néten.

SAN MARCOS 4:11

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; wánxa agkok, aksok kélyetcháseykekxoho eyke kóltennasha m'a énxet'ák mepáxakweykmo nak ma'a aptémakxa nak Wese' apwányam Dios,

SAN MARCOS 4:12

yakwayam enxoho elano', melwetyehek eyke, yakwayam enxoho anhan ellega', melyekpelchehek eyke, yakwayam enxoho nahan metnekxék melya'áseyam Dios, keñe eyakmagkásekxak Dios ma'a apkeltémakxa nak.”

SAN JUAN 12:40

“Apkelahakkasesegkek axta apakta'ák Dios xa énxet'ák nak, melya'áseyak aksok axta anhan aptemesásak, yakwayam enxoho melwetyehek aksok yakwayam enxoho nahan melyekpelchágwome'; yakwayam enxoho mehey'óte' ko'o, yakwayam enxoho anhan mamasésesek ko'o m'a ektamheykegkaxa nak.”

ROMANOS 16:25

Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop,

1 CORINTIOS 12:11

Espíritu eyke apwánxa apagkok aptaha apkelané cha'a ekyókxoho xa eñama m'a apmopwána nak, egkéshok nahan cha'a énxet apmokókxa enxoho egkések.

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.