SAN LUCAS 7:43 - Lengua Sur (Enxet) Nuevo Testamento

⁴³ Aptahak axta apchátegmowágko Simón se'e: —Ko'o neyk ekyawakxa apchásekhayo m'a kélmasésesa exchek ekyawe apméyak. Aptahak axta apcháneya Jesús se'e: —Payhawók apchátegmowéyak.

SAN LUCAS 7:43 Iomraidhean Croise

SAN MATEO 18:27

Apyósek axta apkelano wese' apagkok xa; apmasésesek axta apméyak, keñe axta apyenyekxo aksa.

SAN MARCOS 12:34

Xama axta apwet'a Jesús ektakmela apchátegmoweyak xa énxet apkelxekmóso axta apnámokkok ektémakxa segánamakxa, aptahak axta apcháneya s'e: —Keto' aptaxnamakxa exchep ma'a aptémakxa nak Wese' apwányam Dios. Kelnawagweykxeyk axta exámasagkohok apkelmaxneyeykha xa énxet'ák nak.

SAN LUCAS 10:38

Apxegkek axta makham Jesús; apwokmek axta nátegma apheykegkaxa énxet, cham'a ekhésakmo axta axagkok xama kelán'a ekwesey axta Marta.

SAN LUCAS 7:42

Apmasésesek axta apkelméyak apkánet ma'a énxet ektaha axta apmasáseykha pók selyakye, hakte mopwancha'ak axta apmoko elyanmagkasek apkelméyak. Heltennés hana kaxwo', ¿yaksak sat kayawhok apchásekhayo énxet apmasáseykha pók selyakye xa apkánet nak?

SAN LUCAS 7:44

Apkelanawók axta makham Jesús ma'a kelán'a, keñe axta aptaha apcháneya Simón se'e: —¿Apwet'aya xa kelán'a nak? Ektaxnegwa'ak xeyk ko'o apxagkok xép, exchek eyke hegkeyásak xép yegmen yakwayam alyenyeksek emagkok; keñe exchek elyásesa aktégmenek emagkok se'e kelán'a nak, keñe exchek han ektaha áwa' elyamáseykxo makham.

SAN LUCAS 7:47

Ekeso eñamakxa seltennasa exchep megkólyakmagkáseykxo ekyókxoho ektémakxa megkay'asáxma xa kelán'a nak, hakte awanhek eyásekhayo; wánxa agkok, kéxegke ekmasextoho nak megkólyakmagkáseykekxa kéltémakxa megkólya'asáxma, asexto nahan katnehek ekha kélásekhayo.