SAN LUCAS 6:12 - Lengua Sur (Enxet) Nuevo Testamento

¹² Apmeyákxeyk axta Jesús néten egkexe yakwayam etnehek nempeywa nelmaxnagko natámen xa. Yókxoho axta'a axta aptahak nempeywa nelmaxnagko appakhetchesa Dios ma'a.

SAN LUCAS 6:12 Iomraidhean Croise

SAN MATEO 5:1

Xama axta apwet'a apxáma énxet Jesús, apchánteyk axta néten egkexe, aphakmek axta m'a. Apya'aweykxeyk axta apkeltámeséyak aphakxa Jesús,

SAN MATEO 6:6

Kéltemék agkok kéxegke nempeywa nelmaxnagko, kóltaxnegwakxa kañe' kélxagkok, kólápekxoho nahan átog, kólmaxna Kélyap Dios aptaha nak kélxegexma neyseksók kélteme nempeywa nelmaxnagko kélxakko'. Egkések sat nahan aksok apméso naksa m'a Kélyap Dios aptaha nak apwetayo neyseksók kélyexamaxkoho kélteme nempeywa nelmaxnagko.

SAN MARCOS 1:35

Axto'ok agko' axta apxatakha'a Jesús, axta kalsakawo, apkempákxeyk axta néten, aptekkek axta nepyeseksa tegma apwányam apxega, yakwayam etnégwók nempeywa nelmaxnagko meykexa tegma.

SAN MARCOS 3:13

Apchánteyk axta Jesús néten egkexe natámen xa, apkelwóneyha axta énxet ekleklamókxa axta apwáxok. Xama axta apchaknákxo m'a,

SAN MARCOS 6:46

Xama axta appenchesa apkeláphaso énxet'ák Jesús, apkenátwokmek axta néten egkexe yakwayam enxoho etnehek nempeywa nelmaxnagko.

SAN LUCAS 5:16

Mók nekha axta eyke cha'a emhagkohok Jesús yakwayam etnehek nempeywa nelmaxnagko, cham'a meykexa enxoho énxet.

SAN LUCAS 6:11

Wánxa agkok, apkellókok apagko' axta eyke énxet'ák, yetlókók axta anhan apkelpakhetchásamákpoho yakwánxa etnésesek Jesús.

SAN LUCAS 6:17

Aptekkek axta Jesús néten egkexe yetlo xa énxet'ák nak. Apkenegwakteyk axta ekpayhakxa axta xóp. Axta nahan apchaknákxak apxámokma ektaha apyetleykha m'a, apxámok axta anhan énxet'ák apkeleñama m'a ekyókxoho yókxexma Judea, tén han apkeleñama m'a tegma apwányam Jerusalén, tén han apkeleñama m'a nepyáwa tegma apwányam Tiro tén han ma'a tegma apwányam Sidón, apheykegko axta neyáwa wátsam ekwányam. Apkelwokmek axta yakwayam enxoho yeyxwomhok Jesús apkeltenneykha, tén han yának kóltakmelchesesók ma'a ektémakxa axta apkelháxamap.

SAN LUCAS 9:18

Xama ekhem axta aptahak nempeywa nelmaxnagko apxakko' Jesús, apkeltámeséyak axta anhan apkelxegexma'a, aptahak axta apkelmaxneyeyncha'a s'e: —¿Háxko aptémakxa énxet sexeyenma ko'o?

SAN LUCAS 9:28

Natámen ekyeykhe axta ocho ekhem xa apkelpakhetcháseykpoho axta, apkenátweykxeyk axta néten egkexe Jesús yakwayam etnehek nempeywa nelmaxnagko. Pedro axta apxegexma, Santiago, tén han ma'a Juan.

SAN LUCAS 9:29

Neyseksa apteme nempeywa nelmaxnagko axta yakmagkásak ektémakxa nápát Jesús, apmopé apagko' axta aptamhákxak aptaxno, apkelyenmákxeyk axta anhan;

SAN JUAN 6:3

Keñe axta apchánta Jesús néten egkexe, aphakmek axta yetlo apkeltámeséyak ma'a.

COLOSENSES 4:2

Nágkólyensem cha'a kélteme nempeywa nelmaxnagko, kólleyxmakha cha'a, kólmés nahan ekpayheykekxa kélwáxok Dios.

HEBREOS 5:7

Ennaktéshok axta cha'a appeywa Cristo neyseksa apha axta keso náxop, yetlo apwóno axta anhan cha'a etnehek nempeywa nelmaxnagko ewónmakha Dios, aptaha nak apmopwána emyók emátog, aplegayók axta cha'a Dios xa, hakte apkelyaheykekxoho axta eghak Jesús.