SAN LUCAS 24:4 - Lengua Sur (Enxet) Nuevo Testamento

⁴ Kelyegwakkek axta megkóteyágweykxo, axta kalya'ásegkok ektamhágkaxa, pelakkasek axta ekwet'a apchakneyncha'a apkánet énxet eyaknágkaxa xa kelán'ák nak, apkelyenma axta apkelnakta.

SAN LUCAS 24:4 Iomraidhean Croise

SAN MARCOS 16:5

Xama axta elántaxna kañe' takhaxpop, wet'ak axta xama wokma'ák apha m'a ekpayhókxa nak nelya'asamakxa, aphóxek axta aptaxno apmopé m'a wokma'ák nak. Kelyegwakkek axta xa kelán'ák nak.

SAN LUCAS 2:9

Apxekmowáseykpok axta xama Dios apchásenneykha apkeñama néten, kelsásekmók axtaxma apcheymákpoho Wese' egegkok nepyáwa xa énxet'ák nak; apkelyegwakkek axta.

SAN LUCAS 24:5

Awanhok agko' axta elyegwakto, kelháxahanteyk axta ekwokmo eltekxeyágko nakta'a xóp; wánxa agkok, aptahak axta apkelpakhetchesa énxet se'e: —¿Yaksak ektaha kélchetama kéxegke nepyeseksa énxet'ák apkeletsapma m'a énxet megyetsapma nak?

LOS HECHOS 1:10

Apkelwet'ak axta apxekmowáseykpoho apkánet énxet apkeleñama néten apkelmopé axta apkelántaxno, cham'a neyseksa aptakmelchesamo axta apkelenmexmo néten apkelwet'a apwegkepákxo Jesús.

LOS HECHOS 12:7

Pelakkasek axta apwokmo xama Dios apchásenneykha m'a, apkelsásek axta exma kañe' negmomaxchexa. Appaknegwokmok axta Dios apchásenneykha nápakha Pedro aptenakxa, apxátekhásek axta nahan. Aptahak axta apcháneya s'e: “¡Yempekxa heykxa néten!” Yetlókók axta elhexyawásamáxche kélnaktetcheso apmék Pedro.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.