SAN LUCAS 2:3 - Lengua Sur (Enxet) Nuevo Testamento

³ Apyókxoho énxet axta apkeláneyákpok elmeyekxak ma'a apkelókxa, yakwayam enxoho kanaktáxesaxchek apkelwesey weykcha'áhak.

SAN LUCAS 2:3 Iomraidhean Croise

SAN LUCAS 2:1

Apkeltamhok axta kanaktáxesaxchek apkelwesey weykcha'áhak apkelánamákpoho énxet apheykha axta ekyókxoho yókxexma apmomakxa axta romano m'a wese' apwányam apwesey axta Augusto.

SAN LUCAS 2:2

Cháxa eyeynókxa axta eknaktáxésamaxche weykcha'áhak apkelwesey apyókxoho énxet, cham'a aptémakxa axta Cirenio apkeláneykha yókxexma m'a Siria.

SAN LUCAS 2:4

Ekeso eñamakxa aptepa axta José tegma apwányam Nazaret, yókxexma Galilea. Axta apmeyákxak ma'a nátegma Belén yókxexma Judea, cham'a apteyeykenxa axta wese' apwányam David, hakte José axta apteme David aptáwen neptámen.

SAN LUCAS 2:5

Apmahágkek axta m'a yakwayam enxoho katáxésaxchek apwesey weykcha'áhak yetlo m'a María, ektaha axta ekpagkanma José yakwayam katnehek atáwa, cham'a ektéma axta anhan lóso'.