Biblia Todo Logo
Bìoball air-loidhne

- Sanasan -




SAN LUCAS 10:7 - Lengua Sur (Enxet) Nuevo Testamento

7 Kólhamho sat ma'a tegma kélwánxa enxoho, kóltawák sat nahan aksok apmésakxa enxoho, kólyenák sat nahan ma'a apmésakxa enxoho, payhawók exkak ekyanmaga m'a énxet ektaha nak aptamheykha. Nágkólyakmagkasak aksa pók tegma kélhayam.

Faic an caibideil Dèan lethbhreac




SAN LUCAS 10:7
18 Iomraidhean Croise  

Aptahak axta apkeláneya s'e: —Kélántaxnegwokmek sat agkok kéxegke xama tegma, kólhamho sat ma'a ekwokmoho kélxegákxo makham mók nekha.


Yetneyk agkok meyke ektahakxa apwáxók énxet'ák ma'a, keytek sat meyke ektahakxa apwáxók xa énxet'ák nak; méko agkok nahan énxet meyke ektahakxa apwáxók ma'a, megkeytek sat ma'a meyke ektahakxa kélwáxok ekyetna nak kéxegke.


Tegma kélwánxa enxoho, kólhamho sat ma'a ekwokmoho kélxegákxo enxoho makham mók nekha.


Kélyakpásesek axta yegmen xa kelán'a nak, tén han ma'a ekyókxoho ekheykha nak axagkok. Keñe axta ektaha sẽláneya s'e: —Nakso' agkok kélyekpelchawo kéxegke sektaha ko'o may'áseyam Wese' egegkok, kólhem exagkok. Keltamhok axta anhan aghók ma'a.


Apnaklákxeyk axta apxagkok sẽlpextétamo natámen kélyakpáseso yegmen, apkelágkek axta anhan aptéyak. Payhekxeyk axta apwáxok xa sẽlpextétamo nak tén han ma'a ekheykha axta apxagkok ñokxa aptaha axta mey'áseyam Dios.


Xama axta apkelántepa sẽlpextétamakxa Pablo tén han Silas, apkelmeyákxeyk axta m'a Lidia axagkok. Apkelxegákxeyk axta makham natámen apteyánegweykekxoho axta apkelyáxeg aptémo xamo' nak melya'áseyam, cham'a natámen apkelwaskakkásekxoho axta.


Negko'o ektahakxa enxoho sẽlxekmóso eñama nak tásek amya'a, kéméxchek cha'a ampasmok ma'a énxet ektahakxa enxoho sẽlxekmóso, cham'a ekyókxoho aksok eyéméxchexa enxoho.


Kamhagkok nahan cha'a nátegma, megkamáheyo katneykha nahan katnekxa', háwe ekwánxa agkok ma'a megkamáheyo nak katneykha, wánxa agkok, eltennágwayam nátegma nahan katnehek, ñohok nahan katnehek ma'a ektahakxa enxoho amya'a, kaxénwók aksa ma'a megkapayhawo nak kaxének.


Enxet ektahakxa enxoho aptamheykha namyep, payhawók etnehek apmonye apmeykekxa nekha aksok apnakxo ekyexna, cham'a ekpehewayam nak yakwayam emekxa'.


Lean sinn:

Sanasan


Sanasan