SAN LUCAS 10:3 - Lengua Sur (Enxet) Nuevo Testamento

³ Kólxeg kéxegke; kóllano, máxa nekkések apketkók ektemesásak kéxegke seláphasa kólpaxakwók aksok nawha'ák ello nak.

SAN LUCAS 10:3 Iomraidhean Croise

SAN MATEO 10:16

“¡Kóllano, máxa ektemesásak kéxegke nekkések seláphasa neyseksa m'a aksok nawha'ák ello nak, kólteme ekha kélya'áseykegkoho ektémol'a yéwa, kólteme anhan megkólyementé aptémol'a wáx'ay.

SAN MATEO 10:22

Apyókxoho énxet sat etaknók kéxegke ko'o eñamakxa; wánxa agkok, ewagkasakpok sat eyke teyp ma'a énxet apkelenxánekmoho nak apyennaktésamo apteme mehey'áseyam ko'o ekwokmoho néxa.

SAN MATEO 7:15

“Kólawho kéxegke énxet'ák apkelmopwána amya'a nak, apkelxeyenmol'a ektaha eñama Dios ma'a apkeltenneykha nak. Nekkések cha'a exnésakpohok ey'áwak kéxegke xa énxet'ák nak, aksok nawha'ák ello eyke.

SAN LUCAS 10:4

Nágkólsawho aksa nahápa, tén han ma'a selyakye axagkok nak, tén han ma'a kéltéto kélmagkok; nágkólchánwom nahan ámay neyseksa kélxega yakwayam kólpeykesek xama énxet enxoho.

SAN JUAN 10:12

Keñe m'a énxet keláneykha nekkések kélyanmagkaseso nak aptamheykha, apwet'ak agkok ekxegakmo aksok nawhak eklo, ekxak aksa nekkések yenyehek, hakte háwe etnehek apkelánnekyha nekkések apagko', háwe nahan katnehek apnaktóso m'a nekkések. Páxakwokmek agkok aksok nawhak eklo nekkések yakwayam kalnápok, kaxpánchesek nahan.

SAN JUAN 15:20

Kaxénwakxoho kélwáxok sektaha exchek seláneya kéxegke s'e: ‘Enxet ektaha nak kélásenneykha metnehek apyeykhágweykmoho m'a wese' apagkok.’ Elyakmáseykha axta agkok ko'o, kólmenxenmakha sat nahan kéxegkáxa; aptemék axta agkok apkelyaheykekxoho sekpeywa énxet, elyahakxohok sat nahan kélpeywa kéxegke.

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.

LOS HECHOS 20:29

Ekya'ásegkok ko'o m'a sekxega sat peya elwak pók énxet'ák, emawhok sat emasésak ektémakxa nak apchakneykekxa énxet, máxa sat etnahagkok ma'a aksok nawha'ák ellól'a.

LOS HECHOS 9:16

Axekmósek sat ko'o yakwánxa katnehek ekyawe aplegeykegkoho m'a énxet nak, ko'o eñamakxa.”

LOS HECHOS 9:2

apkelmaxnakkek axta weykcha'áhak apxawayol'a énxet yakwayam emhagkok apchakneykekxexa énxet'ák judíos ma'a tegma apwányam Damasco, yakwayam enxoho elchetmok ma'a énxet'ák ektaha axta apkelyetlo ámay axnagkok, énxet'ák tén han kelán'ák, yakwayam enxoho nahan elmok enaklakxak ma'a Jerusalén.