SAN LUCAS 1:27 - Lengua Sur (Enxet) Nuevo Testamento

²⁷ axta apcháphásak ma'a ekhakxa axta xama kelán'a étkok meyke kélteméseseykmohóxma, ekwesey axta María, cham'a ekpagkanma axta ekmáheyo katnehek atáwa xama énxet apwesey axta José, aptaha axta David aptáwen neptámen.

SAN LUCAS 1:27 Iomraidhean Croise

SAN MATEO 1:16

Jacob axta apketche m'a José, María atáwa, ektaha axta Jesús egken, neltéma nak negko'o Mesías.

SAN MATEO 1:18

Axta temék apteyékmo Jesucristo s'e: María axta egken, pagkanmeyk axta yakwayam katnehek atáwa m'a José; wetáxchek axta ektaha lóso' amonye yakwayam kalyamhopagkok eñama apmopwána m'a Espíritu Santo.

SAN MATEO 1:23

“Lóso' sat katnehek kelán'a meyke kélteméseseykmohóxma nak, kategkesek sat étche apkenna'. Kóltemésesek sat apwesey Emanuel” (neltéma nak negko'o: “Dios sempáxakwé.”)

SAN LUCAS 1:28

Aptaxnegwokmek axta Dios apchásenneykha m'a ekhakxa axta María. Aptahak axta appeykesa s'e: —Ekpeykesek xeye' ektaha nak ekleklamo apwáxok Dios, Dios Wese' egegkok aptahak apxegexma exche'.