SAN JUAN 5:4 - Lengua Sur (Enxet) Nuevo Testamento

⁴ Apwa'akteyk axta agkok cha'a Dios apchásenneykha m'a ekhó yammáxek nak, keñe axta cha'a kalpaktépok yegmen, etakmelwók axta nahan cha'a énxet apháxamap ektaha enxoho apmonye kéltaxnéso yegmen, kamaskok ma'a ektémakxa enxoho apháxamap.

SAN JUAN 5:4 Iomraidhean Croise

SAN MATEO 11:12

“Apkellegágkok makham Dios énxet'ák apagkok ekwokmoho keso kaxwo' nak, eyeynamókxa axta m'a apwaya axta Juan el Bautista. Keñe m'a énxet apchásenneykekxa nak apkelyennakte apkelenxáneykmek emasésók ma'a aptémakxa nak Wese' apwányam Dios.

SAN MATEO 6:33

Kaxénmakha sekxo' kélwáxok ma'a aptémakxa nak Wese' apwányam Dios, tén han kóllának ma'a ekpéwo nak kóllának nápakto' Dios, keñe sat nahan kólxawak kéxegke ekyókxoho xa aksok nak.

SAN LUCAS 13:24

Kóllenxánem kólántexek ma'a ektahakxa nak ketsék átog; hakte eltennásek ko'o kéxegke apxáma eykhe énxet apmáheyo elántexek, mopwancha'ak sat eyke elántexek.

SAN LUCAS 16:16

“Axta chénamok kélmeykha segánamakxa m'a apheykegkaxa axta énxet'ák apkellegaso axta Dios appeywa, ekwokmoho m'a apwa'a axta Juan, keñe axta anhan eyeynawo kéllegaso amya'a aptémakxa nak Wese' apwányam Dios, apkelwaskápeykxók nahan apyókxoho énxet yakwayam elántexek ma'a.

SAN JUAN 5:3

Apxámok axta cha'a etnohok énxet'ák apkelháxamap xa cinco kélpakxeneyak nak, meyke apakta'ák tén han ma'a meyke aptaknák nak, tén han ma'a énxet megkamopwána nak eltakheykha. Náxop axta cha'a apheykegkok xa. Apkelhaxneykegkek axta cha'a kalpaktépok yegmen xa énxet'ák apkelháxamap nak.

SAN JUAN 5:5

Apheyk axta anhan nepyeseksa apkelháxamap xama énxet ekweykmo axta treinta y ocho apyeyam apháxamap.

SAN JUAN 5:7

Aptahak axta apchátegmowágko énxet apháxamap se'e: —Wese', méko cha'a ko'o hetaxnések ekhó yammáxek elpaktepa enxoho yegmen. Ekmokók agkok cha'a atxek ko'o, pók aksa cha'a kóltaxnések apmonye.

1 CORINTIOS 6:11

Cháxa apkeláneykegko axta nápakha énxet'ák apkeleñama kélnepyeseksa kéxegke xa, wánxa agkok, kéltemésesegkek eyke kaxwo' kéláxñeyo kéxegke, kéltemésesegkek nahan kéxegke Dios apkelpagkanma, kéltemésesegkek nahan kélpéwomo eñama apwesey m'a Jesucristo Wese' egegkok tén han eñama m'a Espíritu apkeñama nak Dios egagkok.

1 SAN JUAN 1:7

Negheyk agkok negko'o neyseksa elseyexma, ekhawo m'a ektémakxa nak Dios apha neyseksa elseyexma, antehek nahan negko'o móxpánchásamáxche, hegmasésesek nahan ekyókxoho nentémakxa mólya'asáxma m'a Jesucristo éma apagkok, aptaha nak Dios Apketche.