SAN JUAN 16:22 - Lengua Sur (Enxet) Nuevo Testamento

²² Hawók ektahakxa nak han kéxegkáxa elyakhápeykha kélwáxok keso kaxwo' nak; wánxa agkok, awatak sat eyke yakwayam alwetágwatak kéxegke, keñe sat kayawhok agko' elpayheykekxa kélwáxok, cham'a ekpayheykekxa egwáxok megkólmowána nak kólyementók.

SAN JUAN 16:22 Iomraidhean Croise

SAN MATEO 28:8

Kelpekheyásók axta eltakhémo kelán'ák elenyekto m'a takhaxpop, yetlo elmeneykha axta, tén han yetlo elpayheykekxa awáxók, naktémagkakxók axta anhan eltennáseykxo apkeltámeséyak.

SAN LUCAS 10:42

Xama aksok akke aksa exche' payhawók kalána'. Akke kelyésáha María m'a ektakmelakxa nak. Méko nahan kawának keymentók.

SAN LUCAS 16:25

Aptahak axta apchátegmowágko Abraham se'e: ‘Hatte, kaxénwakxoho apwáxok ektakmelmo axta apha exchep apyennaktamakxa axta, keñe axta Lázaro aplegeykegkoho ekmaso agko'. Apxakak kaxwo' Lázaro ekpayheykekxa apwáxok, keñe exchep aplegágkoho xa.

SAN LUCAS 19:26

Aptahak axta apchátegmowágko wese' s'e: ‘Kéxegke ekyetnakxa enxoho aksok, kólmeyásekxohok sat makham mók; keñe kéxegke meyke nak aksok, kóltápexcháseshok sat kólyementemekxak ma'a ekyetnakxa enxoho, antawók eykhe katnehek.

SAN LUCAS 24:41

Wánxa agkok, makhemek axta eyke apkelya'áseyam xa énxet'ák nak, eñama m'a elpayheykekxa axta apwáxók, tén han eñama m'a ekpelakkaso axta apkelweté. Aptahak axta apkelmaxneyeyncha'a Jesús se'e: —¿Yetneya nento, atwok sat ko'o?

SAN JUAN 14:1

“Nágkatneykha kélwáxok. Kólteme megkólya'áseyam Dios, kólteme nahan mehelya'áseyam ko'o.

SAN JUAN 14:19

Kaxwo' sat kamaskok sét'a énxet'ák apkeleñamakxa apagko' nak keso náxop; kéxegke sat eyke hélwetak cha'a, kólwetak sat nahan ekyennakte kélnenya'ák, hakte kayhek ko'o egkenyek.

SAN JUAN 14:27

“Ekpekkenchásekxeyk kéxegke meyke ektahakxa kélwáxok. Ekmések ko'o kéxegke meyke ektahakxa kélwáxok eñama nak ko'o, megkaxnawók ma'a ektémakxal'a segméso meyke ektahakxa egwáxok énxet apheykha nak keso náxop. Nágkatneykha kélwáxok, nágkólé' nahan.

SAN JUAN 16:16

“Kaxwo' sat mehelwetekxók cha'a kéxegke, yáma kawegkohok sat, keñe sat helwetekxak makham.”

SAN JUAN 16:20

Kóllekxagwaha sat kéxegke, kallapwomagkok sat nahan, keñe sat kalpayhekxak apwáxók ma'a énxet'ák apheykha nak keso náxop. Kallapwomagkok sat eykhe kéxegke, ekpayheykekxa kélwáxok sat eyke kayakmagkasek xa ellapwámeyak nak. Nakso' xa sektahakxa nak seláneya kéxegke.

SAN JUAN 16:6

Wánxa agkok, kellapwámegkek aksa seltennasa kéxegke xa.

SAN JUAN 21:7

Xama Jesús apkeltámeso axta appakhetchásak Pedro cham'a ektaha axta apchásekhayókxa Jesús. Aptahak axta apcháneya s'e: —¡Wese' egagkok nak xa! Aplegók axta aksa Simón Pedro aptaha Wese' egagkok ma'a, apkelántaxneykxeyk axta apkelnakta, hakte meyke apáwa axta aphak, apnextegkek axta anhan neygmen.

SAN JUAN 4:14

énxet ektahakxa enxoho apya yegmen peya nak agkések ko'o, megkakhekxék sat cha'a ekhem. Hakte katyapok sat aksa apwáxok énxet yegmen peya nak agkések ko'o, ektémol'a m'a ekteyapmakxal'a yegmen, kagkések sat nahan ekyennakte egnenyek megkatnegwayam enéxa.

LOS HECHOS 13:52

Wánxa agkok, awanhok agko' axta eyke elpayheykekxa apwáxók énxet'ák apteme nak melya'áseyam, aplanawók axta anhan apwáxók Espíritu Santo.

LOS HECHOS 16:25

Axta'a eysekso' axta entahak ekpelakkasa ekwa'a ekpexyennama xóp ekyennakte agko', kelyawhéseyha axta tegma apowhak negmomaxchexa neyseksa apteme nempeywa nelmaxnagko Pablo tén han Silas, tén han neyseksa apkelmeneykmaso m'a negmeneykmaso eñama nak Dios, aphaxnawók axta anhan énxet'ák ektaha axta apkelmomap. Sawhéxkók axta anhan elmayhékxo atña'ák. Apyókxoho énxet'ák apkelmomap axta anhan kelhexyawaseyxchek kélnakteté cadenas.

LOS HECHOS 2:46

Yaknekxohok axta cha'a kañe' tegma appagkanamap ekyókxoho ekhem, apxanák axta eyke cha'a etawagkok aptéyak, yaknekxohok axta nahan cha'a etawagkok yetlo elpayheykekxa apwáxók tén han yetlo megkaleymáxkoho apwáxók.

LOS HECHOS 5:41

Apkelántekkek axta énxet'ák seykha amya'a apkelenyekto nápakta'awo' ma'a énxet'ák kelwese'e nak, hakte apcha'awók axta Dios ellegagkohok ekmaso agko' eñama apkellegaso Jesús apwesey.

2 CORINTIOS 6:10

Máxa eykhe entemék sẽllapwámeykegko enxoho negko'o, wánxa agkok, akke kamassegweykmók ekpayheykekxa egwáxok. Máxa eykhe nentemék ma'a meyke aksok egagkok enxoho, wánxa agkok nenxamásesegkek eyke aksok eleñama Dios ma'a apyókxoho énxet; máxa eykhe entemék negko'o méko enxoho aksok egagkok, xámok eyke negko'o m'a aksok eleñama nak Dios.

2 TESALONICENSES 2:16

Nelmaxnakkek negko'o Wese' egegkok Jesucristo, tén han Dios Egyap, neltamho etnésesek kéxegke ekmayheykegkoho kélwáxok, tén han etnésesek kéxegke ekha kélwaskapma, yakwayam enxoho katnehek ektakmalma m'a ekyókxoho kéltahakxa enxoho kélpeywa, tén han ma'a kéllanakxa enxoho, cham'a Dios aptaha nak segásekhayo eñama m'a ektémakxa nak ektakmeleykha apwáxok, tén han segmésama negko'o ektakmelwayam egwáxok megkatnegwayam enéxa, tén han segmésama negko'o ektakmela nak nelhaxneykha.

HEBREOS 10:34

Apyósekak axta kéllanyo kéxegke m'a énxet'ák apheykha axta sẽlpextétamakxa, yetlo ekpayheykekxa kélwáxok axta anhan kél'awók kélyementama aksok kélagkok, hakte kélya'ásegkok kéxegke ekyetna aksok ektakmela agko' ma'a néten, ektaha nak han megkamassegwayam.

HEBREOS 6:18

Nelxawágkek negko'o nelwaskápeykekxoho, negko'o nentaha axta negketamso yakwayam hegmeyók Dios, nentaha nak han magya'áseyam ma'a nelhaxneykha segméso axta Dios, eñama xa ánet aksok megkamowána nak kayakmagkasók ektémakxa, cham'a mehẽlyexancháseykegkohol'a Dios exének.

1 SAN PEDRO 1:8

Kélásekha'awok kéxegke Jesucristo, eykhe kólweteyk xama enxoho; megkólya'aseykmok nahan kéxegke neyseksa megkólwetayo keso kaxwo' nak, awanhek nahan ekpayheykekxa kélwáxok kéxegke, cham'a magmowánal'a anxének ekwánxa ekyawe hakte tasók agko',