SAN JUAN 14:10 - Lengua Sur (Enxet) Nuevo Testamento

¹⁰ ¿Apya'asékmeya exchep sektaha ko'o sekyepetcheyo m'a Táta, keñe Táta aptaha sépetcheyo ko'o? Háwe ko'o sekpeywa ahagko' se'e sektahakxa nak seláneya kéxegke. Akke apkelaneyk cha'a aptamheykha m'a Táta aptaha nak sépetcheyo ko'o.

SAN JUAN 14:10 Iomraidhean Croise

SAN JUAN 5:19

Aptahak axta apchátegmowágko Jesús se'e: “Mopwanchek elának xama aksok Dios Apketche eñama m'a apmopmenyého apagko' nak elána'; wánxa aksa elának aksok apwet'a enxoho apkelana m'a Apyap. Ekyókxoho aksok apkelanakxa enxoho Apyap elának nahan ma'a Apketche. Nakso' xa sektahakxa nak seláneya kéxegke.

SAN JUAN 10:38

Élanak agkok ko'o sektamheykha neyseksa eykhe selya'áseyam, nágkólya'asem ma'a aksok selané nak ko'o, yakwayam enxoho kólya'ásegwomhok sektaha ko'o sekyepetcheyo m'a Táta.

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

SAN JUAN 12:49

Hakte matnék ko'o sekxénamaxchekxoho ahagko'; egkések axta ko'o Táta apkeltamhókxa atnehek sekpeywa, cham'a aptaha axta seyáphaso, axta anhan eltennásak ma'a apkeltamhókxa axta atnehek selxekmóso.

SAN JUAN 10:30

Wánxa negko'o xama, Táta tén han ko'o.

SAN JUAN 8:28

Ekeso eñamakxa aptaha axta apkeláneya Jesús énxet'ák se'e: —Kélya'ásekxek sat agkok néten kéxegke m'a ektaha nak Apketche énxet, kólya'ásegwók sat kéxegke sektaha ko'o m'a sektémakxal'a alának kéxegke, kólya'ásegwók sat nahan megkatnaha selané exakko' sektamheykha; wánxa aksa cha'a ko'o atnehek sekpeywa m'a ektémakxa nak sexekmóso ko'o Táta.

COLOSENSES 2:9

Hakte ekyókxoho aptémakxa nak Dios, sawhomáxkók ekyetnama m'a ektémakxa axta apyókxa Cristo apwaya keso náxop.

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN JUAN 5:17

Wánxa agkok, aptahak axta Jesús apkeláneya s'e: —Aptamháha cha'a ko'o Táta, ektamháha nahan cha'a ko'o xa.

1 SAN JUAN 5:7

Antanxo ektaha nak ekxeyenma ektaha nakso' xa;

2 CORINTIOS 5:19

Aptemesáseykekxoho apagko' axta Dios apkelásekheykekxoho énxet'ák apheykha nak keso náxop eñama m'a Cristo, meyke apkelanyo m'a ektémakxa nak melya'asáxma énxet; egmések axta anhan negko'o nentamheykha yakwayam ólya'asásegwók énxet'ák ektémakxa xa amya'a nak.

SAN JUAN 8:38

Axénhok cha'a ko'o m'a ektémakxa axta sexekmóso Táta, kólteme nahan kéxegkáxa, kóllána cha'a m'a aptahakxa enxoho apkeláneya kélyap.

COLOSENSES 1:19

Hakte leyawók axta apwáxok Dios keytek Cristo m'a ekyókxoho aptémakxa nak Dios.

SAN JUAN 14:20

Kólya'ásegwók sat kéxegke sektaha ko'o sekyepetcheyo Táta, cham'a ekhem sat, kólya'ásegwók sat nahan kéxegke kéltaha selyepetcheyo ko'o, tén han sektaha ko'o sekyepetcheyo kéxegke.

SAN JUAN 7:16

Aptahak axta apchátegmowágko Jesús se'e: —Háwe selxekmóso ahagko' ko'o s'e ektémakxa nak selxekmóso, cha'a keñamak ma'a aptaha axta seyáphaso ko'o.

SAN JUAN 8:40

Nakso' eykhe m'a sektémakxa nak cha'a seltennaso kéxegke ektaha axta selxekmóso ko'o Dios, akke kólhaxanmak kélmáheyo hélakhek ko'o. Axta eyke etnék Abraham xama enxoho xa ektaha nak.

SAN JUAN 11:26

keñe m'a apyókxoho énxet ektaha nak meletsapma apteme mehey'áseyam ko'o, meletsepek sat cha'a. ¿Yagkay'ásekmok xa?

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 14:11

Nágkólya'ásem sektaha ko'o sekyepetcheyo Táta, tén han aptaha sépetcheyo ko'o m'a Táta. Agkok kóltahak mehelya'áseyam ko'o, nágkólya'asem aksa m'a aksok selané nak ko'o.

SAN JUAN 14:24

Enxet aptaha nak meheyásekhayo ko'o, melyahakxók cha'a m'a sektémakxa nak sekpeywa ko'o. Háwe ko'o sekpeywa ahagko' sektahakxa nak sekpeywa kélhaxno nak kéxegke, Táta appeywa xa, aptaha axta seyáphaso ko'o.