SAN JUAN 1:4 - Lengua Sur (Enxet) Nuevo Testamento

⁴ Yetnegkek axta nahan ekyennakte egnenyek ma'a. Elseyexma axta m'a ekyennakte egnenyek nak yakwayam enxoho kalsásesexma apyókxoho énxet'ák.

SAN JUAN 1:4 Iomraidhean Croise

SAN MATEO 4:16

Cháxa apkelteyáseykegkaxa axta énxet'ák neyseksa ekyaktésakxaxma xa, apwet'ak axta ekyawe agko' elseyexma; chápogwatchek axta xa elseyexma nak, nepyeseksa m'a énxet'ák apheykencha'a axta nétsapmakxa.”

SAN LUCAS 2:32

cham'a elseyexma peya nak kalsásesamhoxma apyókxoho énxet'ák nak tén han peya kañék kélteméseso apkeleymákpoho m'a énxet'ák Israel.”

SAN JUAN 11:25

Keñe axta aptaha Jesús apcháneya Marta s'e: —Ko'o sekteme nennakxétekhágwayam tén han ekyennakte egnenyek. Enxet ektahakxa enxoho apteme mehey'áseyam ko'o, yetsapok sat eykhe, keynnakwók sat eyke apnenyek;

SAN JUAN 12:35

Aptahak axta apkeláneya Jesús se'e: —Keytek sat makham kélnepyeseksa kéxegke elseyexma, yakwatakxoho sat eyke keytek. Kólyentamaxkoho kólweynchamha ekhakxa nak makham elseyexma, yakwayam enxoho megkatlakkasek kahapwak kéxegke ekyaktesóxma; hakte énxet ektahakxa enxoho apwenchámeykha neyseksa ekyaktesóxma mey'asagkehek ma'a apmahágkaxa enxoho.

SAN JUAN 12:46

Ekwa'ak axta ko'o keso náxop, yakwayam enxoho mexmakha neyseksa ekyaktesóxma énxet'ák apteme nak mehey'áseyam, ko'o sektaha nak elseyexma.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 3:19

Apkelsexnánemakpek ma'a énxet'ák apkelya'áseyam nak, hakte, xama axta ekwa'a elseyexma keso náxop, wánxa axta aksa apkelapmeñého m'a ekyaktesóxma, mopmenyék axta elseyexma, hakte aksok ekmaso axta apkeláneykegkok.

SAN JUAN 5:21

Apnakxétekháseykmek cha'a ko'o Táta m'a apkeletsapma axta, egkéshok nahan cha'a elyennakte apnenya'ák, hawók nahan aptémakxa nak Apketche apkelmeyáseykegko cha'a elyennakte apnenya'ák ma'a apmokókxa enxoho egkések.

SAN JUAN 5:26

Yetneyk ekyennakte egnenyek apagkok apagko' ma'a Táta, aptemésesek nahan eñamakxa ekyennakte egnenyek ma'a Apketche ektaha nak han apagkok apagko',

SAN JUAN 8:12

Apkeltennáseyha axta makham Jesús énxet'ák. Aptahak axta s'e: —Ko'o sekteme elseyexma keso náxop; énxet ektahakxa enxoho setleykha ko'o, keytek sat ma'a elseyexma ekyennaktésamo nak egnenyek, metyesha sat neyseksa ekyaktesóxma.

SAN JUAN 9:5

Ko'o sekteme elseyexma keso náxop neyseksa sekha makham keso náxop.

LOS HECHOS 26:23

cham'a apkelxeyenma axta ekmáheyo yetsapok Mesías, tén han etnehek apmonye apxátekhágwayam ma'a natámen apketsapma, keñe anhan eltennasha ektémakxa elseyexma segwagkasamo teyp ma'a nelenyémeyo xamo' nak negko'o tén han ma'a pók énxet'ák nak.”

1 CORINTIOS 15:45

Temegkek eknaktáxésamaxche weykcha'áhak se'e: “Apmonye apkelánamap énxet axta Adán, axta aptemék se'e nentémakxa nak negko'o nelyenna nak”; keñe axta m'a Adán ektaha axta apwé axayók agko', espíritu segmésamo ekyennakte egnenyek akke m'a.

EFESIOS 5:14

hakte elseyexma kapekkenekxak yáxñakxoho. Ekeso eñamakxa ektéma nak amya'a s'e: “Exatakha, xeyep ektaha nak apteyenma, exnekxa néten nepyeseksa énxet'ák ektaha nak apkeletsapma, Cristo sat yelsásesexma exchep.”

COLOSENSES 3:4

Cristo neykhe xa ektémakxa nak kélyennakte kéxegke. Apkexyekmek sat agkok makham Cristo keso náxop, kéxegke sat nahan kóltehek kélxegexma, kawakxohok sat nahan kéxegkáxa m'a ektémakxa nak apcheymákpoho.

1 SAN JUAN 1:1

Nentáxesásak negko'o kéxegke neltennasa m'a amya'a ekyennaktésamo egnenyek ekyetnama axta sekxo' agko', cham'a nenlegaya axta tén han ma'a negwetaya axta, hakte negwetayak axta negko'o xa amya'a ekyennaktésamo nak egnenyek, nempaknegweykmók axta anhan.

1 SAN JUAN 1:2

Enxekmowáseyxkók axta negko'o xa amya'a ekyennaktésamo nak egnenyek, negwetayak axta, neltenneykha axta anhan cha'a negko'o nenxeyenma xa; neltennasegkek axta anhan kéxegke xa ekyennakte egnenyek megkatnegwayam enéxa nak, axta yetnók ma'a aphamakxa nak Dios Egyap, cháxa ekyennakte egnenyek senxekmowásamáxkoho axta negko'o xa.

1 SAN JUAN 5:11

Apxeyenmék axta Dios segmésama negko'o ekyennakte egnenyek megkatnegwayam enéxa, cháxa ekyennakte egnenyek ekyetnama nak ma'a Apketche. Cháxa apxeyenma nak Dios xa.

APOCALIPSIS 22:1

Exekmósek axta ko'o xama Dios apchásenneykha wátsam eyáxñeyo yegmen, yegmen ekyennaktésamo egnenyek axta m'a. Yagkáxawók axta yegmen, máxa axta m'a sokpeysyamla'a elyenma. Axta keñamak ektepa m'a aphamakxa nak néten aptaháno Dios tén han ma'a Nekkések Apketkok,

APOCALIPSIS 22:16

“Ko'o Jesús, eyáphásek ko'o seyásenneykha apkeñama néten yakwayam eltennaksek ekyókxoho apchakneykekxexa énxet ektéma nak xa, ko'o sekteme señama nepyeseksa David aptawan'ák neptámen, ko'o nahan sekteme yaw'a apwányam apteyapmol'a axto'o agko'.”