APOCALIPSIS 3:1 - Lengua Sur (Enxet) Nuevo Testamento

¹ “Etáxéses nahan xép Dios apchásenneykha nak ma'a apchakneykekxexa nak énxet tegma apwányam Sardis: ‘Keso aptahakxa nak appeywa apyetna nak siete espíritus apkeñama Dios se'e, cham'a apyetna nak han siete yaw'a: Ekya'ásegkok ko'o ekyókxoho aksok apkelané nak xép, ekya'ásegkok nahan apketsapma exchep, kélanagkamchek eykhe keynnakték apyempehek neyseksók apha.

APOCALIPSIS 3:1 Iomraidhean Croise

SAN LUCAS 15:24

Hakte apketsepmeyk axta s'e hatte nak, apxátekhágwokmek eyke kaxwo'; apxegáneykmek axta anhan, negwetákxeyk eyke kaxwo'.’ Apkeláneygkek axta anhan ektámáxche elpayhekxo apwáxók.

SAN LUCAS 15:32

Payhawók eyke anlának ektámáxche, tén han kalpayhekxak egwáxok, hakte apxátekhágwokmek kaxwo' apyáxeg apketsapma axta; apxegáneykmek axta, negwetákxeyk eyke kaxwo'.’ ”

SAN JUAN 1:16

Tekxeyagkók axta mók segásekhayo Dios eñama m'a ektémakxa nak ekyawe ektakmeleykha apwáxok.

SAN JUAN 1:33

Axta ko'o makham ay'áseykegkok aptémakxa m'a; wánxa agkok, aptahak axta seyáneya ektaha axta seyáphaso yakwayam ayakpásesagkok yegmen énxet se'e: ‘Apwet'ak sat agkok xép apwéweynto Espíritu, tén han apyakwa'a enxoho apyetseksek énxet, cháxa apyakpasáseykegkohol'a yegmen énxet yetlo Espíritu Santo xa.’

SAN JUAN 20:22

Keñe axta apkelwátekhápégko apkeltámeséyak, aptahak axta apkeláneya s'e: —Ekmések ko'o kéxegke Espíritu Santo.

SAN JUAN 3:34

énxet aptaha nak Dios apcháphaso, wánxa aksa exének ma'a amya'a eñama nak Dios, hakte memyágwakxék egkések Dios ma'a Espíritu apagkok.

LOS HECHOS 2:33

Egmések axta negko'o Espíritu Santo, cham'a natámen apya'áseykekxa axta néten Dios ma'a Jesús, tén han ma'a aphésakxo axta ekpayhókxa nak apkelya'asamakxa, tén han ma'a natámen axta apméso Apyap Espíritu apxeyenma axta hegmések negko'o xa. Cháxa kélwetaya nak kéxegke, tén han ma'a kéllegaya nak.

EFESIOS 2:1

Máxa kélhapák axta kéxegke nano', eñama m'a kéltémakxa ekmaso axta, tén han eñama m'a megkólya'asáxma axta,

EFESIOS 2:5

ékeso eñamakxa segmeyáseykxo nak ekyennakte egnenya'ák xamo' Cristo, cham'a nentémakxa axta makham máxa eghapák eñama m'a nentémakxa axta mólya'asáxma. Apmések axta aksa kéxegke Dios kélwagkásamáxche teyp eñama m'a ektémakxa nak segemleykekxoho.

COLOSENSES 2:13

Máxa kélhapák axta kéltemék kéxegke nápakto' Dios nano' axta eñama m'a megkólya'asáxma axta, tén han eñama m'a megkólkahásamáxche axta kélyenyekhamol'a egyempehek; apmések eyke kaxwo' kéxegke Dios ekyennakte kélnenyek xamo' Cristo, cham'a Dios aptaha nak meyakmagkáseykekxa ekyókxoho ektémakxa mólya'asáxma.

1 TIMOTEO 5:6

Keñe m'a tampe' ekyetleykekxa enxoho aksok ekyespagko nak, máxa katnehek étsapma neyseksa ekyenneykha empehek.

SANTIAGO 2:26

Ekhawo ektémakxa nak han negyókxa meyke espíritu, étsapma katnehek, étsapma nahan katnehek magya'áseyam megkeypetcha'a enxoho m'a nenlané nak nentamheykha.

1 SAN PEDRO 1:11

Nano' axta apkelya'asáseyak Cristo Espíritu apagkok énxet'ák ektaha axta apkellegaso Dios appeywa m'a yakweykenxa axta katnehek aplegeykegkoho Cristo, tén han apkelya'asásegweykmo ekmáheyo exkak Cristo apcheymákpoho natámen aplegeykegkoho, apkeltémók axta eykhe elya'ásegwomhok énxet'ák ektaha axta Dios appeywa apkellegaso xa, tén han apkeltémo elya'ásegwomhok ekwánxa ekhem katnehek xa, tén han apkeltémo elya'ásegwomhok ektémakxa m'a aptahakxa axta apxeyenma Espíritu apha axta apwáxók xa énxet'ák nak.

SAN JUDAS 1:12

Hegmegkaksohok nahan cha'a negko'o xa énxet'ák nak, cham'a kélanchesákxexa enxoho kéxegke ẽlyáxeg'a apkelásekhamakpoho nak, hakte etawagkok aksa aptéyak, tén han énagkok aksa apyenéyak yetlo meyke elnawagko xama enxoho. Cháxa keláneykha nekkések aptaha nak wánxa apkeltakmelchásamákpekxoho apancha'awo' xa. Máxa anhan ma'a yaphopé meyke ekmámeyel'a, kaswok aksa exchahayam. Máxa anhan ma'a yámet megkeyxnol'a kawakxak ekyexnamakxa, cham'a étsapmo agko' la'a, ekweykmohol'a kepmenák kélpátekkeso.

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

APOCALIPSIS 1:16

Siete yaw'a axta aphágkok ma'a apmek ekpayhókxa nak apkelya'asamakxa, keñe axta apátog ektepa sókwenakte ánet nekha ekmahantal'a, máxa axta ekhem elyenma m'a nápát.

APOCALIPSIS 1:20

Cháxa aksok ekyexamaxche xa apwet'a exchek aphágko yaw'a émek ekpayhókxa nak selya'asamakxa, tén han ma'a apwet'a exchek siete chálewaso sawo ekyátekto elyenma; cham'a siete yaw'a nak, ekyetchesamaxkoho m'a Dios apkelásenneykha eláneykha nak ma'a siete apchakneykekxexa nak, keñe m'a siete chálewaso nak ekyetchesamaxkoho m'a kélakneykekxexa.

APOCALIPSIS 1:4

Ko'o Juan, ektáxésesek ko'o siete apchakneykekxexa nak ma'a yókxexma Asia. Kólma kéxegke segméso naksa nak Dios segemleykekxoho, tén han ma'a meyke ektahakxa egwáxok eñama nak ma'a Dios, cham'a apha nak kaxwo', cham'a aphama axta nahan nano' axta, cham'a peya nak han ewata', cháxa eleñama nak han ma'a siete espíritu apheyncha'a nak nápakto' Wese' apwányam Dios aphamakxa xa,

APOCALIPSIS 2:13

Ekya'ásegkok ko'o apha exchep ma'a ektémakxa nak wese' Satanás; wánxa agkok apkelenxáneykmok eyke exchep apxeyenma sekwesey. Axta anhan elwáteseykmok apteme mehey'áseyam ko'o, cham'a apmatña axta Antipas, aptaha axta meyenseyam aplegaso sekwesey. Axta payhok apmatñamakxa m'a tegma apwányam ektémakxa nak wese' Satanás.

APOCALIPSIS 2:19

Ekya'ásegkok ko'o ekyókxoho aksok apkelané nak xép; ekya'ásegkok ma'a ektémakxa nak apchásekhayo, tén han ma'a ektémakxa nak mey'áseyam, tén han ma'a ektémakxa nak aptamheykha, tén han ma'a ektémakxa nak apkelenxáneykmoho, ekya'ásegkok nahan ekxáma aksok apkelané kaxwo' nak, megkaxnawok ma'a sekxo' axta.

APOCALIPSIS 2:2

Ekya'ásegkok ko'o ekyókxoho aksok apkelané nak xép, ekya'ásegkok nahan ma'a ektémakxa nak aptamheykha ekyentaxno, ekya'ásegkok nahan ma'a ektémakxa nak apkelenxányam, ekya'ásegkok nahan megkalcha apwáxok xép ma'a énxet'ák ekmaso nak apkeltémakxa, ekya'ásegkok nahan apkelanawo apkeltémakxa exchep ma'a énxet'ák apkeltemesásamap nak seykha amya'a, wánxa agkok háwe eyke nakso', apwet'ak axta exchep aptaha apkelmopwancha'a amya'a xa énxet'ák nak.

APOCALIPSIS 2:9

Ekya'ásegkok ko'o ektémakxa nak aplegeykegkoho exchep, tén han ma'a ektémakxa nak meyke aksok apagkok, xámok eykhe exchep aksok apagkok eleñama Dios. Ekya'ásegkok nahan ektémakxa nak ekmaso apxeyenma exchep ma'a énxet'ák apkeltemesásamákpo nak judíos, háwe eyke, apchakneykekxexa apkelpeykesamo Satanás akke xa.

APOCALIPSIS 3:15

Ekya'ásegkok ko'o ekyókxoho aksok apkelané nak xép. Ekya'ásegkok nahan aptaha exchep yáma semamenyého ko'o, tén han yáma mehemamenyého. Etnoho anna exchep mehemamenyého apagko', esenhan etnehek semamenyého apagko'.

APOCALIPSIS 3:2

Exatakha, elmeyásekxa' makham elyennakte m'a aksok ekyetna nak makham xép, cham'a peya nak kalmassegwók, hakte ekwet'ak ko'o megkapéwo makham aptahakxa exchep nápakto' Dios ahagkok.

APOCALIPSIS 3:8

Ekya'ásegkok ko'o ekyókxoho aksok apkelané nak xép; elano, ekmeykesek ko'o átog apmonye exchep magmowána nak agápekxa', asexto' eykhe exchep apyennakte, apkelyahakxók eyke sekpeywa, apxénchek nahan sekwesey.

APOCALIPSIS 4:5

Tekkek axta cha'a elyenma ekyetnakxa m'a taháno ektakmalma nak, tekkek axta anhan cha'a kélpeywa, tén han ekhó takha' appáwá, kelálewágkek axta anhan siete táxa amonye ekhágkaxa xa taháno nak. Siete espíritus apkeleñama Dios axta m'a.

APOCALIPSIS 5:6

Keñe axta sekwet'a ko'o Nekkések Apketkok neyseksók xa taháno ektakmalma nak, ekwet'ak axta anhan hawók nápakha énxet apkeleñama néten apwakha'a xa Nekkések Apketkok nak, keñe axta anhan apwakha'a Nekkések Apketkok ma'a apkelámha apmonye'e nak. Apyagkak axta xa Nekkések Apketkok nak, máxa axta eyke entemék apmatñama enxoho. Siete axta apkepet'ák, siete axta anhan apakta'ák. Cháxa siete espíritu apkeleñama Dios kéláphaso cha'a náxop xa.